Unicode
နှာခေါင်းရိုးပေါ်မှာလျောကျနေသော မျက်မှန်ဝိုင်းကိုပင့်တင်လိုက်မှ အမြင်အာရုံက ကြည်ကြည်လင်လင်မြင်ရသည် ..မျက်ခုံးတွေပင့်တင်မိသည်အထိ ။
ဂျယ်ယွန်းအာရုံမှာ ရှေ့မှာရပ်နေသော ကောင်လေးတစ်ယောက်ထဲတွင်မဟုတ်...။
ဘေးပတ်ဝန်းကျင်မှ အထူးအဆန်းသဖွယ်ငေးကြည့်သောမျက်ဝန်းတွေကိုပါသတိထားမိသည်...မိမိရှေ့မှာ လွယ်အိတ်ကြိုးအား ကျစ်ကျစ်ပါအောင်ဆုပ်ရင်း မျက်စပစ်ကာမေးလာသော ထိုကောင်ငယ်လေးဟာ ထိုနေ့ညက လူနာလေးဖြစ်သည်..။
ဒုတိယအကြိမ်မြောက် မျက်စိရှေ့မှောက်သို့.အနှီကောင်လေးကထပ်ရောက်လာပြန်သည်...။
အကိုနဲ့မတူစွာ သွက်လက်ဟန်လေးနဲ့ မျက်နှာကိုချီကာမေးလာဟန်လေးက ဂျယ်ယွန်းဟာသူ့စကားမငြင်းနိုင်ဟုကျိန်းသေတွက်ထားပုံရသည်..။
" ဒီနေ့ရော မအားပြန်ဘူးလား..."
ခေါင်းညိတ်ပြကာ အရင်နည်းအတိုင်းလှည့်ထွက်လာခဲ့ပေမယ့်နောက်ပါးဆီမှကပ်ပါလာပြန်သည်..။
ခပ်ချောချောကောင်လေးကိုဆေးရုံမှသူနာပြုမလေးတွေကသတိထားမိကုန်ကြသည်ထင်၏ ..။
တီးတိုးအချင်းချင်းပြောဆိုနေကြသည်က မျောက်ပွဲအားဝိုင်းအုံကြည့်သကဲ့သို့...။
ရှင်းဂျယ်ယွန်းနေလာသမျှဘဝတလျှောက်လုံးမှာ ဒီလိုတောက်တဲ့ကပ်သလိုလိုက်ကပ်နေသော သူတစ်စုံတစ်ယောက်မှမမြင်ကြဖူးကြ၍အထူးအဆန်းဖြစ်နေကြဟန်...။
ခြေလှမ်းတွေကိုရုတ်တရက်ရပ်ပစ်လိုက်ကာနောက်ကိုလှည့်ကြည့်တာနဲ့မျက်နှာချိူသွေးကာ ပါးချိုင့်ရေးရေးလေး ပေါ်တဲ့ထိပြုံးပြနေသောကောင်လေးဟာ သိပ်ကိုစိတ်ရှုပ်စရာကောင်းသည်...။
ဂျယ်ယွန်းစိတ်ကိုဖြေလျော့ရင်း သွားမယ်လို့အသံပြုတဲ့အခါ မျက်နှာငယ်ဟာချက်ချင်းဝင်းဖန့်ကာသွားသည်..။
နောက်မှကုပ်ကုပ်လေးပါလာသော ဒီကောင်လေးဟာ ဂျေးရဲ့သူငယ်ချင်းမှန်းသိ၍ ပစ်ပစ်ခါခါကြီးပြောပစ်ဖို့အားနာနေတာမို့ ဒီလောက်ထိလိုက်လျောပေးမိတာ...အမှန်တကယ်ဂျယ်ယွန်းကစိတ်ရှုပ်ရသည်ကို ကြိုက်နှစ်သက်သည်တော့မဟုတ်...။
" ရပြီမဟုတ်လား.....မင်းအပေါ် ငါ့ကျေးဇူးမရှိတော့ဘူး ကျေပြီ..."
