{المهرة والخيال}
للكتبه طيبه الكعبي 🐆📜
شوك تكول :
كلهن ياخذني عليك
الصفنة وأشواگي وحسرتي
كلهن يذكرني بيك وانه حالف ما اجيك.
علي يكول
بدونك الايام ضلمة
وجوه ماتسوه الحتها..
وعلمتها أي جكارة لو تذكرتك
تنطي جمرتها الاختها
..................
شوك
كعد اكتب العلاجات النقص عدنه رفعت راسي حته شوف زبون شنو يريد اخر شخص جنت متوقعه شوفه من بعد كل هل مديه وكع القلم من يدي مكثر رجفه الصاباتني حسيت عيني تجذابني يمكن من كثر شتياقي كاعد تخايله كبالي بقيت صافنه بوجها
وهوه جامد بمكانه بوعت بيده طفل نسخه منه
تملكت نفسي وحجت
شوك : تفضل بشنو تئمرني
ضل صافن بوجهي وعيونه تفتر ع جزاء ملامحي
رتبكت وجسمي كله يرجف حسيت نفسي راح تخربط وفضح روحي بعدت نضري عنه وحجيت
شوك :عيسى تعال مشي زبون
عفته ودرت وجهي ومشيت اللمخزن كلبي يكلي ديري وجهج وشوفي هاذ المشتاقله اني وصالي هواي تمنه شوفته وعقلي يكلي كملي طريقج ودوسي ع كلبج لا تنسين هاذ لاذاج
كملت طرقي ودخلت اللمخزن كعدت ع كرسي اسمه يحجي ويا عسيى ع علاج صوته يدك بكلبي بقيت صافنه ذكر ملامحه بعده هوه هوه حلو والكبر مزيده جمال معقوله هاذ ابنه شايله اكيد ابنه نسخه منه
صار عندك والد ياحبيبي رجفه سيطرت ع كل جسمي دخت حيل عيوني غوشن حسيت شي ع نزل ع حلكي
تلمسته وشفته دم غمضت عيوني بتعب ماكو صوت اكيد
راح طلعت حته اخذ كلانكس بس تفاجئت من الكيته بعده نازل ع ارض يسوي بقيطان حذاء طفل الويا
عيسى : شنو هاي شوك خشمج ينزف دم
من سمع هيج رفع راسه بتجاهي وكام ع حيله
شوك : ماكو شي عيسى بس نطيني كلنكس
بوع علي اجه بتجاهي وفات من وره الميز قبل لا يتقرب خليت يدي واكفه بقه واكف يباوعلي
عيسى ستغرب من حركت علي وضل صافن
خشمي بي ومينزف حته ملابسي دمرن وجهي
عيسى : هاي اكيد مخذتي علاجج مال سكر اليوم
شوك: خذته خذته
عيسى : العد ضغطج صاعد تعاي قيسه الج ابقي رافعه راسج
رفعت راسي وغمضت عيني ماريد شوفه تهرب من نضراته طفل الويا بجه وراح شاله وبقه يبوع عليه بنضرات خوف
علي : امشي اخذج المستشفى
ما رديت علي وبقيت ع نفس وضعي
حسيت بخطوات قريبه مني فتحت عيوني شفته فوك راسي
علي: شوك امشي اوديج المستشفى
أنت تقرأ
المهرة والخيال
General Fictionفي كل بيت عراقي توجد قصة قصتنه تتكلم عن بنت عانت من قبل اهلها تخلو من كان يجب نيكونو سنداً لها ذهبت الى بلاد الغرب وعاشت سنين من الوحده وخيبه الامل وهيه في امس لحاجه اليهم تجبرها الضروف ان تعود العراق وتجمعها الصدف في انسان يغير مجرى حياتها هل...
