....
....
....
رحت وكعدت يم ام الصالون وحفتلي ....
*طبعا احنه ما عدنه عروس تروح لـ.. ام الصالون يدزون عليه للبيت
بعدها صبغتلي شعري ما ردت اصبغه لان لونه حلوو واشكر بس جاسم طالب اصبغه صبغته عسلي وسوتلي نثر فوكا من غسلته طلع يخبل ما عرفت هالكد راح يطلع حلوو وغير شكلي
ام الصالون ـ ارتاحي هسه وبعدين اجي اكملج ومكيجج ..
زهرة ـ ان شاء االله
زينه ـ شكد حلوو طالعه اختي حبيبتي ...
مها ـ ربي يسعدج ان شاء االله
زهرة ـ امي اجت باوعت عليه وما هتمت صاحت بيهن....
ام زهرة ـ لا تظلن ملتهيات كومن يلا كملا شغلجن العالم راح تكوم تجي وانتي ممنوع اشوفج تفترين انكبري بغرفتج لما تجي ام الصالون وتكملج ...
زهرة ـ رجعت الغرفتي والبنات راحو ع شغلهم كعدت وافكر بعد وبعد ياا زهرة بعدج ما شفتي شي الحمدلله ع كل حال مددت والدمعه بطارف عيني وافكر بمصيبتي اليوم اخر يوم هنا اويلي ياربي ساعدني
*بعد الظهر اجتي ام الصالون وكالت لبسي البدله علمود التسريحه ما تتخربط اجتي مها وساعدني بيه من كملت وشفت لونه بجيت ...
مها ـ اوف حظنته خلص يروحي كاافي تقهرين بروحج هاي قسمتج بعد اتقبليه والحمدلله ع كل حال
زهرة ـ ان شاء الله كعدت يمه وبدت تشتغل كملت التسريحه وبعدها حطتلي المكياج طول ما هي تشتغل بيه ااني مغمضه عيووني تمنيت لو ما افتح او افتح والكه نفسي بغير مكان ويطلع هذا كله حلم سيء ...
ام الصالون ـ يلا فتحي خلصت الج وصرتي جاهزه ....
زهرة ـ فتحت وباوعت ع روحي مو زهرة كلشي متغير بيه وين راحت زهرة الطفله الهادئه ووين اخذوها اوف كوه كتمت دمعتي
*بعدها بقيت كاعده بالهول وراحت ام الصالون واجني البنات وكامن يهلهلن اريد اكول الهم لا االله عليكم لاحد يهلهل جاي تعذبوني ورئ ساعه اجوي انمله البيت بالعالم ...ناس تهلهل وناس طش جكليت وكل شويه وحده جايه مباركتلي ....
*بعدها كالو راح يجي العريس علمود يلبسه الذهب اوف اختنكت ياربي انطيني الصبر..
ورئ شويه اجوي اهل العريس وعلكوها بالركص ..اجه لابس دشداشه وشماغ ومرت عمي تركص وخابصه روحه الي يشوفه يكول طايره بزواجنه
ام جاسم ـ يلا ابني لبسه الذهب البنت عمك ...
زهرة ـ لبسني الحلقه وبعدها بدها يلبسني بالباقي وكلما اطخ ايدي بأيده تكش نفسي منه وبعد ما خلص باسني بكصتي قشعر جسمي منه
جاسم ـ الله مبروك عليج ااني ياا بنت عمي
زهرة ـ كل شويه يغمزلي احسه ينرفزني بتصرفاته ...
ام جاسم ـ يلا ابني خلي اروح العالم تنتظرنه بالبيت ...
جاسم ـ يوم رووحي وحدج شلون كلبي ينطيني اروح واعوف هذا الكمر
ام جاسم ـ لاحك تشبع منه بس اليوم والباجر هي يمك ....
زهرة ـ عباله ما اعرف بيه حياله جاي تبين كدام العالم انه هي فرحانه بيه وتشاقه خلت العالم كله تضحك ع كلامه الا ااني حقدت عليه
جاسم ـ يلا يااحلوه الباجر اشوفج
زهرة ـ راحو وبقو جوارينه وغيرهم كاعده واباوع ع مها مدري شبيه مو ع بعضه وبس تباوع ع الموبايل ومرتبكه بقه بالي يمه زينه تعاالي يمي اريدج ....
زينه ـ هاا خيتي شتريدين ..
زهرة ـ مااريد شي صيحيلي مها ...
مها ـ هاا حبيبتي رايدتني ....
زهرة ـ ااي شبيج انتي شوو مبينه مو ع بعضج وبس تباوعين ع الموبايل ...
مها ـ هاا ماكو شي امي مريضه وكلت الابويه عود خابرني وطمني عليه...
زهرة ـ اشو مقتنعت اها افتهمت عبالي اكوو شي يلا ان شاء الله تكوم بسلامه ...
مها ـ الله يسلمج ...
زهرة ـ دك التلفون واعتذرت مني وراحت تركض ....يتبع
اترككم مع الشاعر رفعت الصافي👇متابعه ممتعه
خطبوني غصب ولغيرك انزفيت
وحفرو كبري لمن عقدوا القرأن
جبروني وصرخت احضرني يل العباس
انة وحيدة وعكلهم ترست الديوان
طش مستقبلي من طشو الجكليت
وركبة ونص كعد كل جرح نايم جان
... حتة الما يشور بي علك شديت
طب ليحضرة تلكة اسمك علة البيبان
كرف شعري التراب وياة من امشيت
مديون وتمشة بيدرة الديان
جني تيسرت ما جن انة نزفيت
اليشمني يكول فكدت بالحرب خوان
غص بالحلقة اصبعي وما برد ملكاي
انة حرورة رصاصة
بتفكة المعدان
ومنحل شعري علمتني اكطع رزق عاشور
سواد البشعر ما لمحتة النسوان
منسير عالنخل حسبالهم جمار
ويبلع ريجة كل عصفور بالبستان
هل شدو عبرتي بجربة المهضوم
وبصدرة عطش فلاح للكيعان
وجهك ديرتي ومن شوفوني اكفاك
قصر صليت لمن كبر الأذان
اربة بكوخ الكصب لازم قبلتة الهور
ويعيد لون يشتم ريحت الرعيان
ومو شرط العطش يرتوي بحسوة ماي
من الماي تيبس رية الغركان
عليلة وجنحي مو كد خزرة الصياد
وشرجية هلي حطتني بالنيشان
بشيبت جنحك استعجل يملج الموت
حمامة زينة ويزفونهه لسجان
.........
ألبارحه بگـلبك فّـتت بَـس مَحد استقبلني🥺💞،
أنت تقرأ
نهوة ابن عمي
General Fictionللگاتبه شِٰہٰٰوشه 💕 عفيه جاسم لتسويه والله ماريدك ليش تجبرني عليك عوفني حباب ابوس ايدك راح دمرني جاسم:اسكتي لا اطيح حضج واخذني يضرب بيه واني اصيح.... نهوه ابن عمي للكاتبه شِٰہٰٰوشه . . . . . سأحبّك وكأنني لم أجد أعظم من قلبَك لأحتفّظ به ✨♥️ . . . ...
