نهوة ابن عمي

لمحه الثانيه

خلي اشوقكم 😉🤌😂...

أسامة ـ ههههه الله يبشرج بالخير حبيبتي يعني بعده سوكي ماشي واكو وحده ترضى تزوج بيه

زهرة ـ توني اريد ارد عليه وكبستنه زينه اختي بقت واكفه ومتفاجئ من ورئ إسامة

زينه ـ انته شسوي هنا؟وشنو جابك يمنه

زهرة ـ بهل الاثناء اجه علي دايصيح ع إسامة..وهم إجه ونفس الحاله تفاجئ وبقى صافن ومتفاجئ من شكلنه

*هو شابك اصابيعي باصابيعه ومجلب بيه بقوه اخاف لا يطلع حلم وٲحد ياخذها مني..اباوع ع اسامة شلون مجلب بيه حبيبي وما مصدك اني يمه حتى ماخجل من عدهم عيوني غركت بالدموع من ورئ علي عله صوته

علي ـ اسامة شنو هل التصرف ها

زينه ـ على كيفك حبيبي خلي افهمك السالفه أول شي بس سؤال اسامة شيصير منك?

علي ـ اسامة يكون صاحبي

زينه ـ شنو صاحبك احمدك ربي واشكرك من سمعت دعاء اختي.. ورحمت بحاله

علي ـ شبيج حبيبتي وليش هل الدموع

زينه ـ ولك علي داتشوف هل الإثنين هذوله.. عشاك واحد♡ يموت على الثاني.. واحد مايكدر يعيش بدون الثاني...بس القدر فرقهم وخلاهم يتفاركون وكل واحد راح بطريق وتحطمت حياتهم من تفاركو.. وشافو العذاب.. ومن بعد كل هاي السنين رب العالمين رجع جمعهم مره ثانيه

علي ـ  صدك يعني حب حياتك الضايعُه والمره إلي خلتك معتصم عن الزواج هي زُُهرَةِ...

اسامة ـ لزمت حبيبتي بقوه وقربته اليه..وكلت بكل ثقه أي هي هايه حبيبتي وروحي وبنت كلبي زُُهرَةِ حب حياتي الضايع والي هسه لكيته..وبعد ما اضيعه لو اموت

زهرة ـ إني كمت ابجي من شفته..وَهمه انقهرو علينه ودمعو..

اسامةِ ـ لأ ياروحي لا تبجين كافي دموع اروحلج فدوة حبيبي زُُهرَةِ ..زُُهرَةِ كلبي لا تبجين..اضحكي وافرحي سعادتنه راح ترجع باذن اللة الكريم.. إلي عطف علينه وجمعنه مره ثانيه لان شافنه شكد تعذبنه وتحملنه وصبرنه على الفراك ورب العالمين عوض صبرنه خير والتقينه ونجمعنه مره ثانيه ياروحي انتي

زهرة ـ أي حبيبي الحمد اللة الي سمع دعائنُه وجمعنُه مره ثانيه ورجعنه لحبنا ولبعضنا

*يمه حظني بقوه وكام يبجي ومامصدك واني جلبت بي هل المره اقوه..وهم واكفين ويبجون على منظرنه

*أوف يا اسِامٌةِ أخذني اخذني لمكان بعيد ومابي أي أحد بس إني وانته ونسيني كل شي إلي مريت بي الهم القهر الحزن والالم والدموع اريد اخلص من كل هاي الأشياء اريد افرح واضحك وانسى معاناتي وكل الي صار ويايه ويطلع كل إلي صار وجرى حلم حلم كابوس سئ وهسه كعدت وخلصت منه  وراح اعيش حياتي من جديد

*بقينه فتره على هاي الحاله واحد صافنَ ْع الثاني

علُي ـ ماكافيكم محاضن هههه تره شبعنه قهر من وراكم

اسامة ـ ولك لو ابقى العمر كله احظن بيه ما اصدك هي رجعتلي مره ثانيه

زهرة ـ لا حبيبي صدك اني يمك وبين ايديك وماعوفك أبد أن شآء اللة

اسامةِ ـ آلله يحفظج اليه يا روحي

زينه ـ يعني شلون راح تبقون تتغزلون  وتبجون كافي عاد مو اكو عالم كدامكم

عليَ ـ وليش تنقهرين حبيبتي تعاي ياروحي وإني اشبعج غزل

زهرة ـ هههه حظنه كمنه نضحك عليهم

اسامة ـ يلا بدون مطرود اخذ مرتك وجرو منا خلونه وحدنه عدي كلام ويه حبيبتي واريدها تسمعه

علي ـ ولك إسِامة اشو طلعت عينك اشو انته ماتستحي تره هاي عرضي هم ..واخت المره

اسِامة ـ تنجب لا اجي اشك حلكك زُُهرة عرضي قبل لا تصير عرضك افتهمت إني أخاف عليه اكثر من ما أخاف على نفسي وبالله ولي كافي تره ضوجتني

ْعليَ ـ هههه رايح يابه رايح تعاي مرتي خلي نعوفهم يتفاهمون ويتعاتبون

زُينه ـ امشي حبيبي

زهرة ـ راحو وهو راسن كام يباوع عليه ولزم ايدي وباسني من راسي بوسه طويله وكام يبجي وإني غمضت عيوني وكمت ابجي اكثر منه

اسامة ـ فتحي عيونج حبيبتي وتعاي

زهرة ـ سحبني وهو شابك ايديه واخذني على المرجوحه وكعدنه وبقى مجلب بيه ويتمعن بوجهي وعلى كل تفصيل بشكلي

أسامة ـ زهرة أنتي ليش هلكد حلوه ها مو خطيه إني

زهرة ـضحكت وخجلت منه

اسامةـ اروح فدوه لهل التفاحات الي ورودن من الخجل

زهرة ـ كرصني من خدي وإني متت من الخجل ههههه؟ كافي حبيبي

اسامة ـ هههه لا هاهيه خليه هسه هاي السوالف بعدين نتفاهم عليه

زهرة ـ يمه متت من الخجل ههههه وهو مات من الضحك

اسامة ـ كافي حبيبتي راح تموتين وهسه يا حبيبتي خلي نحجي بالجد

زهرة ـ اسمعك حبيبي

اسامة ـ يبو عيديه مره ثانيه

زهرة ـ  حبيبي

اسامة ـ اويلي يا ألله وج يروحلج فدوه الج حبيبج هههه

زهرة ـ هههه كافي عاد حباب

اسامة ـ ههه لا هاهيه راح احجي

زهرة ـ اسمعك بس ماراح اكلك حبيبي لا تبلش بيه مره ثانيه

اسامة ـ يمه فدوه حبيبي

زهرة ـ ضحك ضحكه قويه وطلعت البحه مال الصوت مالته الي جنت اموت عليه دائما من اسمعه...

*حمدت ربي وشكرته على نعمته ورجوعه اليه وهسه هو كدامي و لازم ايديه اوف يا ربي ولله مامصدكه

أسامة ـ زهرة حبيبتي ياروحي انتي إني تعبت بحياتي هوايه وتعذبت بفراكج ولو شكد ماراح اشرحلج أو صفلج صعبه ومو مثل الحقيقه

زهرة ـ  وإني اكثر والله

اسامة ـ لا تنزلين دموعج حبيبتي وخلي اكمل كلامي إني صحيح ماادري شنو الي صار....... يتبع😂😉

أكتفيت فيك وﭑللهہۛ يديمك لي عُمر ✨♥️