نهوة ابن عمي

باࢪت22

#البارت_22

طلعت واني دموعي نار وجويني ورجعت وياهم ع قفص حياتي وسجني الابدي..

وإني أجر خيوط الخذلان والانكسار ورأيه.. بسبب أمي إلي قتلني وكسرتني والناس الي ما ترحم.. وأبني إلي ماله أي ذنب وهو السبب الاكبر برجعتي.. ابويه حبيبي إلي ما اتحمل خسارته..

اخوتي إلي شفت انكسارهم وخوفهم عليه هاي الأسباب كله خلتني اتنازل وارجع الئ قفص الجلاد إلي سجني وكان يستمتع بتعذيبي..

*رجعت وصلت البيت ومن شافتني عمتي والبنات كانو مدهم يشربون من دمي آلله.. خفت منهم..

ابو جاسم ـ ابشركم زهرة حامل وابوها قبل ترجع ويانه

زهرة ـ عمتي تخبلت اكثر

ام جاسم ـ  ومنو يكول هذه ابنه...

زهرة ـ من سمعته احس نضربت على راسي من كلمته عطت عليه ماتحملت ..

حرام عليج تتهميني بشرفي خافي آلله مو وراج اخره تره المرأه الحره الشريفه العفيفة وراها حوبه ماتتعده ربي العالمين.. مايفوته

جاسم ـ زهرة انجبي لا اجي اشك حلكج والله شلون تتجراين وتحجين هيجي ويا أمي...

ابو جاسم ـ شنو هل الحجي إلي داتكولينه بنت اخويه اشرف من شرف نفسه ..وآلله إلي خلق السما بدون عمد إذا سمعتج أو عدتي هذه الكلام انتي طلاك ورقتج توصلج للبيت اهلج افتهمتي

ام جاسم ـ طاتهددني هاا اتهددني من ورئ هاي الحقيره إلي سوتلنه فضيحة ونهزمت من البيت.. وآلله إلي يعلم منو...

ابو جاسم ـ انتي...

محمد ـ لا يابه لا تسويه وتعوذ الشيطان ماناقصين فضايج استهدي بالرحمان وامشي ارتاح ..وأنتي يمه اكسري الشر ولا تتهمين بكفيج..  وتهجمين بيتج بايدج

زهرة ـ سكتت وتباوع عليه

بودها تشرب من دمي ..وإني شبعت بجي وخوف عاط بيه..

جاسم ـ انتي امشي انكبري بغرفتج ..وديربالج واياج اسمعج معانده امي أو مسويه مشاكل أو عليتي صوتج عليه افتهمتي لو اعيد وإذا ما افتهمتي إني اجي اعلمج وتعرفين شلون...

زهرة ـ يمه من سمعته شبعت خوف وبجي طلعت اركض لغرفتي طبيت وقفلت الباب.. ياربي شلون شلون هم رجعت على الظيم آلله اكبر آلله اكبر.. ربي ساعدني واحميني إني وابني من ذوله الظلام إلي ميخافون منك وإلي تهموني بشرفي آني وابني إلي ليهسه ما اجه على الدنيه وشاف الظلم إلي بيه.. ربي ارحم بحالي وعيني على هذا البلاء وانطيني القوه والصبر ياربي.. علمود اتحمل كل شي في سبيل ابني هاي الروح البريئة إلي ماله أي ذنب بكل إلي صار.. يارب ياسميع الدعاء أسمع دعائي يالله أسمع دعاء طفله مظلومه وإلي كسروها الناس والدنيا كله.. واقرب ناس إله وإلي هيه أمه.. آلله يسامحج يا أمي آلله يسامحج ماراح اكولج شي مثل ماكسرتيني وحطمتي حياتي..