صعيدي مودرن "فرح الأدم" (مكتملة)

البارت الثاني عشر

ادم بيديها بالقلم وبيمسك شعرها وبينزل فيها ضرب...

فرح ببكاء: في ايه ليه بتعمل كده؟!

ادم بيمسكها من شعرها ..

ادم: ليه يا زباله ليه

بيجيب ادم صور وبيوريهالها وكامل ماسك ايدها وماسكها من وسطها ومبتسم وواقف قدام باب شقتها

ادم بعصبيه: ازاي كنت غبي كده واضحك عليا ازااااي ؟!

فرح: واللهي مافي حاجه غلط

ادم: عاوزه تقنعيني ان الصور دي متفبركه

فرح: لأ مش متفبركه دا حصل فعلا ان قابلني كذا مره وكان بيضايقني ومش عارفه بيعمل كده ليه

ادم بعصبيه: يمكن عشان ابن عمك

فرح: ايه ..انت بتقول ايه

ادم: اعملي بقا انك مش فاهمه واستعبطي بعتك عشان تقتليني وكنتي ممثله ممتازه

فرح ببكاء: انت بتقول ايه

ادم: بقول ايه فرح هارون وكامل هارون الغلط مش عليكي الغلط علي الغبي اللي صدقك

فرح : صدقني انا مش فاهمه حاجه

ادم بيقعد علي الكرسي وبيرميها علي الأرض

ادم: مصره انك تكذبي

فرح بعصبيه: انا مش كذابه انا فعلا مش فاهمه حاجه ولو كنت عايزه اخدعك زي ما بتقول هاعرفك اسمي دا لو كلامك صح انت عارف اسمي من اول يوم وكامل كمان كنت دخلت عليك بإسم مستعار

ادم: صدقيني هاتندمي ..

فرح بعصبيه: طب ممكن قبل ما اندم تفهمني ايه الحكايه

ادم : الحكايه ان جدك قتل ابويا بعدت عن الصعيد وعن التار وقولت ابدأ من جديد بعيد عن الدم بعتلي كامل ابن عمك عشان يموتني عشان يضمن اني مش هاخد بالتار ومش هاقتل حد منهم ..

فرح: بس بابا ماعندوش غير اخ واحد سمير ..

ادم: لأ ابوكي ليه اخين سمير وعلي والعداوه كانت بين الجدين ووصلت للقتل فا جدك قتل ابويا عشان يحرق قلب جدي جدي مات من الزعل ابوكي كان الكبير مشي وساب البلد وعمك سمير خاف ومشي وساب البلد وعاشوا جمب بعض اما علي فافضل عايش مع جدك لحد ما اتصاب ومات وجدك ماعرفش مين اللي قتله وكامل يبقي ابن علي ده ..

فرح: وجدي هارون مصمم يقتلك ليه

ادم: عشان خواف وجبان .

فرح: صدقني انا معرفش حاجه عن الكلام ده انا اول مره اعرفه منك انت انا مش عارفه ابويا ذات نفسه ابويا مشي وسابنا من زمان واتخلي عننا ماكنتش اعرف السبب بس عرفت انه جبان وخاف علي نفسه

ادم كان ساكت وكان قلبه بيقوله صدقها يا ادم ..

فرح: انا قولتلك انا بحس معاك بالأمان يا ادم ما تضيعش ده وتخسرني واخسرك احنا مالناش غير بعض