يوم الاحد،الساعة 7:54 صـ
-
مـؤسسة الـ فهدان للـمقاولات.
دخل المدير محمد المؤسسة ويمشي وراه
ولده حسن اللي داوم تحت اصرار وإلحاح والده.
حسن كان محط انظار الكل، الكل قادر يعرف
ان حسن هو ولد محمد لقرب الملامح من بعض
وشبههم الواضح.
دخل للمكتب واشر للكرسي:هذا كرسيك
يا المـدير التنفيـذي لموسسة الـ فهدان.
ابتسم حسن وباس راس ابوه:تسلم يا المـدير وهذا شرف لي كوني من سلالة الـ فهدان اللي
لا فرق الله شملهم.
ضحك محمد ع ترييق ولده:تتريق ع تاريخ اهلك يا قليل الادب.
ضحك حسن ومسك يد ابوه وسحبه برا
المكتب:يلا يـ بابا شرفت مكتبي هالحين
توكل شف شغلك.
ابتسم محمد لولده وتوجه لمكتبه،بينما حسن اخذ الهاتف الارضي:الو انا المدير التنفيذي،هلافيك المهم خلهم يجيبون لي اسبرسو سريع سريع.
لفت نظره باب موجود بالمكتب ،فتحه وشاف
ارفف كثيرة كلها ملفات،ابتسم ودخل يشوفها.
طق الباب اكثر من مره،لكن ما سمع رد فتح الباب
ودخل للمكتب،نزل القهوه ع الطاوله وناظر
للساعة السودا اللي عالمكتب.
اخذ الساعه ولبسها:واو مره حلوه
ان شاءالله راح يجي اليوم اللي اشتري
فيه كل الساعات اللي ابيها والعطور
اللي ابيها.
مسك يده ولفه له بقوه:تسرقني عيني عينك
يـ الحـرامي؟.
شهق بقوه وقال بتأتأه: ل..لا والله مَ..مَ سرقت شي
بس اشوفها والله.
ضحك بقوه وفك يده:بسم الله عليك
امزح معك وادري انك مَ تبي تسرقها.
حط يده ع صدره براحه:انا اسف والله بس طقيت
الباب ومحد رد ودخلت بالقهوه.
ابتسم له:تعرفني؟
ابتسم بحماس:اي اي انت المدير التنفيذي استاذ حسن بن محمد.
ضحك:اي انا..بس انت من؟
مد يده بكل ثقه:انا الباريستا الموقر
صاحب القهوه الذهبية اياد.
صافحه:هلابي يـ اياد قال ايش قال موقر
و صاحب القهوه الذهبية.
ضحك براحة:يحليلك .. اقصد انك يعني
فله ومرح مو مثل ما قالوا لي انك قاسي
ومدري ايش.
ابتسم وجلس اياد ع الكرسي وجلس قباله:
انا ادري هم شقالوا لك عني وانا اساساً ابي
هالشي لذا يـ اياد لحد يدري اني عكس كلامهم تمام؟.
أنت تقرأ
حُـبـك جَـرْحنِـي
General Fiction°•مادرينا يالحبيب ان نهايتنا كذا، نحسب ان اسعد من البداية النهاية•° بـ:يوم السبت، 24/ابريل/2021 نـ:يوم ...،.../.../2021 #رايكم يهمني.™
