يوم الإربِـعاء
الساعـة ١٠:١٥ مَـ،
قِـسم الشـرطة
الضابط:كم صار له مختفي؟.
بدر يحاول يتذكر:والله مدري
كلنا كنا لاهين بالدراسة والشغل م اذكر
بس يمكن من يومين كذا.
الضابط ماسك الملف بيده: المفقود
هو عبدالمحسن ضاري؟.
بدر ودموعه ماليه عيونه:
ايه طال عمرك وانا ولده بدر.
الضابط اخذ تلفونه واتصل ع القسم
القريب من المستشفى اللي يشتغل فيه عبدالمحسن
وعلمهم بقضية اختفائه،لف لبدر وابتسم له:
تطمن بدر ان شاءالله مافيه إلا الخير
المستشفى حوله كاميرات مراقبه
بيشيكون عليها ويردون لنا خبر.
استأذن بدر وطلع من المكتب لقى
سراج جالس ينتظره،
راح وجلس جنبه:كيف عرفت اني هنا؟.
سراج ناظر لبدر:شفتك يوم
رحت معهم اليوم الصبح ولحقتكم وجلست انتظرك
تطلع..بشر شصار معك؟.
بدر تنهد: ولا شيء ماله اثر..سراج
انا مو متطمن لأبوي حاس فيه شي.
سراج اكتفى بانه يربت ع كتف بدر
ويحسسه ان الامور كويسه.
سمعوا اصوات الضباط تعلى
والافراد يركضون قدامهم،
اتجه بدر للضابط:شفيكم
وش صاير؟.
الضابط وهو مستعجل:بدر امش معنا
رح نحتاجك.
بدر بقلق:ابوي فيه شي؟.
الضابط مسح وجهه بتوتر:اا..شسمه لقينا
جثه مقتوله عند مدرسة مهجور نبيك تجي
معنا لان يـ..يمكن يكون ابوك!.
بدر حس ان ضغطه انخفض،تماسك ومشى معهم
واشر لسراج يروح لبيت بدر ويظل عند اهله.
وصلوا للموقع وانتشروا فالمكان،
كان بدر والضابط بالسيارة ينتظرون
الاشارة عشان يدخلون.
الضابط نزل الاسلكي وفتح الباب لبدر:
المكان آمن يلا مشينا.
بدر اخذ دقيقه يجهز نفسه ويقنع نفسه
ان الاموركلها تمام ومافي شي.
اتجهوا لداخل المدرسه وشافوا افراد الشرطة
بدوا يحطون الشريط الاصفر وبدوا
ياخذون صور للجثه،
قرب بدر للجثه وهو مغمض عيونه،
حس بخدر برجوله وطاح ع الارض
قرب له الضابط وسنده تماسك بدر وفتح
عيونه،
ناظر للجثه وفتح عيونه بصدمه:هـ..هذا!!.
-
أنت تقرأ
حُـبـك جَـرْحنِـي
General Fiction°•مادرينا يالحبيب ان نهايتنا كذا، نحسب ان اسعد من البداية النهاية•° بـ:يوم السبت، 24/ابريل/2021 نـ:يوم ...،.../.../2021 #رايكم يهمني.™
