أعطيني حباً

٦

- في مَتحف وجهـك يدفعون قُلوبهم بَدل التذاكر ، كُل هذا من أجل مُشاهدة رَسمة عينيك❤️

رقية••••••••••♪••••••••••

كاعدة ع السطح اني وبنات عمامي وعماتي وخالاتي وبناتهن وحتى الجهال نسمع صوت ماهر الشبلي بحنة الزلم مال امجد
ونركص ع الردات النجفية الي جاي يقراها

وكفت كدام ماما وحجيت بهمة
...كومي ماما كومي وديني لبيت السيد نركص هناك احسن الصوت اقرب من هنا

...كعدي ولج باجر حنتج وركصي
...لا حتى اليوم اريد اركص يمهم
...ولج العكد متروس رياجيل كعدي حبابة

بقيت افتر اروح وارجع والله لو اندل بيتة بالضبط جان رحت

شوية ونزلنة لأن سلام شاف وقار بت عمي مادة راسها من السطح وأحمد السلبوح بقة يصيح وكلب الدنيا حتى عماتي خلسهن

لبست ثوب كريمي جابليا امجد قماشة حرير وبي سحبات قماش من جوة حيل مرتب
لبست ويا حذاء وطلعت اتمشة بيناتهن
...هييي باعولي اني عروس

...شنو رقية عبالك خاشة بالعمرين ومكيفة بالرجل
...اي مكيفة حيل وفرحانة شعليكم بية

عفتهن ورجعت للغرفة تمددت ع الجرباية وصحت ...وفاااء
فتحت الباب واجتني بسرعة
...ها رقاوي
...اريد تصبغين اضافر رجلية للعرس
...باجر ام الصالون تصبغلج
...هاااا اني راح ابدل وانام اذا اجة امجد كعديني

هزت رأسها وطلعت من الغرفة قفلت الباب علية كلتلي شبعي نوم حتى محد يكعدج

غفيت بسرعة وحتى حذائي برجلي مثل طفل فرحان بملابس العيد حسيت ع امي نزعتني حذائي وبقت تدلك رجلي بس نعسانة ماكدرت احجي

بعدها تمددت يمي شالت راسي خلتة ع أيدها وبقت تبوس بضهري وتبجي حجيت واني نعسانة ...ليش عفتيني ماما اني اكرهج

رجعت نمت والصبح كعدوني الساعة ب ٨ بس تريكت وطلعنة للصالون غسل وتشحيم اول شي جلسة تبيض وتنضيف للبشرة بس كالت بشرتج ماتحتاج نضيفة وصحية بس لأن عروس

ماجنت اعرف شي بالمكياج فشتكلي اكوللها حمرة حمررررة وحطيلي لماع لشعري

وكعت من الضحك
...يالماع انتي شتحجييين
ضجت لأن تعيب علية ردت اتعارك وياها ووفو فقيرة خطية
حضنتني وباست خدي
...سكتي رقاوي لاتطردنة وماتسويلج مكياج

سكتت رجعت تسوي شعري خلتة نص مفتوح
ونص شالتة وجانت مستهانة بينة لحد ما اجت البدلة ورحت لبستها بقت صافنةة عليها واجت تكلب بيها

وكفت كدام المرايا مبتسمة برضا عن شكلي عيوني العنونات حواجبي الي ذبتهن وحدة خشمي زغير وحلكي هم وجهي دويري وزغيرون ملامحي ناعمة وبريئة بس غسق وسلام يكولون وجهج جنة فلس