Balas (Anak ni Randy) [COMPLETED]

BALAS:1

CHAPTER 1: Gwapo sa Bus

-
Perting pagkarga nako sa usa ka Tupperware na dako na naay sulod na Fruit Salad. Ganina pa mi gahakot sa among mga dal-onon para sa pangaligo. Among mga handa, ubay-ubay pud biya intawon. "Day, daghan pa didto?!" Pangutana ni Jessel.

Sige siyag panrapog singot dala sip-on napud. "Oh, 'kaw nay tiwas ato tanan!"

Gilibatan rakos buang. Nisulod na siya utros balay. Ako, nipadayon na sa Van na among service paadtos dagat unya.

Naa akong mga angkol didto nagtabi-tabi, tindog-tindog, nanigarilyo naa poy nangihi.
Gibutang ra nako didto sa likod ang akong dala. Naa bitaw tig tarong didto, isa sa akong Ante.

"Rhea?!"

"'Man?" Pangutana nako sa akong angkol. Nganong gitawag niya akong pangalan?

"Ingna daw imong Papa. Katong mga case sa beer ipakuha naba niya."

"Ohhh..." Nitalikod nako ug nibalik nas sulod. Nangasugatan nako akong mga ig-agaw ug Ante na naghakot sa among mga dal-onon.

"MAYGANI HUMANA TANAN!" Dako kaayo gyud nig tingog si Jeann ba.

Tutal daghan daghan mi usa ka Van ug usa ka balik-balik ang among dala. Sa balik-balik nami nanakay nila Jeann ug sa uban pa nakong ig-agaw para makasimhot mig fresh air sa likod. Para pud gyud makakita mig gwapo. Ampay na sa mga inahak!

"Wala nay nakalimtan?" Pangutana ni Papa sa last.

"WALA NA MAN 'GURO, KOL!" Tubag ni Darren, isa sa akong mga gwapong ig-agaw. Naa sa frontseat sa among gisakyan.

Nauna nag larga ang Van namo nisunod mi. Tutal daghan mi diris likod tabi-tabi mig maayo.

"Ngita napud nig chix si Lobot ba," sungog ni Jelia kay Kuya Jun².

"Ayy atot ra. Basig kamo mga bigatla kaayo!" Nakinataw-ay mi.

"Bigatla daw. Unya siya mangihat ug mga chix bisag dili gud itsuraan asus. Ay na dira lobot!" Padayon nila.

"Paghilom batig nawong!" Balos niya kay Jelia.

"Hahaha, tinood biya ang ingon ni Jelia Lobot!" Pag-apil ni Queeni.

"Utro paka bahog ilok!" Nagpinukpokay sila ako ug ang uban-uban pa diri hilom-hilom pa. Show pa man gud ni nila. Tig-katawa ra mi.

Mga grabe silag nickname. Mga pahong. Si Kuya Jun² gitawag ug Lobot kay mura dawg nawong ug Lobot, harsh! Si Jelia sungogon pud namog batig nawong, bati man gyud siyag nawong. Honest lang gyud mi! Si Queeni asaron nilag bahog ilok, adzuhhh mga buang-buang mana sila. Actually, naa gyud mi tanan mag-ig-agaw na kanya-kanyang tawagan. Akoa ambot nalang kung nindot ba. Di nalang ko mag-tell.

Sa kakusog sa hangin nagpalid-palid akong buhok maong giipon nako ug gipugngan sa bisag init. Muitom bitaw ni akong tangkugo bitaw bantay lang gyud nang adlawa na.

"Agay!" Sa kalihok nako naigo sa siko akong katapad na si Jeann. Kanya-kanya pud ug tan-aw ang tanan naa diri.

"Sorry gud!" Dili sincere akong pagkaingon.

"Sakit kaayo imong siko. Puro bukog pag ako nagkalagom lumsan gyud tikas dagat Rhea. Bati nakog nawong ani," kusmod niya.

"Bati man gyud kag nawong daan, dzuhhh!"

"UNSA?! Yaks, kagwapa nako. Basig ikaw batig nawong. Ampon lang man gud ka maong di ka namo pareha kagwapa." Gihan-an ra nakog kumo ang buang.

"Pareha ra man mong duha mga batig nawong. Way lalis," comment ni Kuya Jun².

"NAWNG NIMO LOBOT NAKO!" Nagkadungan pamig ingon ni Jeann. Tapos dungan pud mig kinataw-ay tanan.

Sa tunga-tunga sa biyahe. Nanghilom na sila gamay. Gikapoy na gurog pangistorya. Sige man gug tabi ganina. Duh gabaan lageng mga pisti.

Taod-taod naay naniko nako. Nitan-aw kong Brena isa sa katapad nako. "Man?" Naa siyay gitudlo sa iyang simod.

Pagtan-aw nako. Naa diay Rural na nagasunod. Nagsitan-away pud dayon ang uban.

Nitugpa akong mata sa usa ka lalaki na naas kilid galingkod. Kita kaayo sa among pwesto. Tutal gasunod sila namo bantang kaayo. Grabe lage murag nagkirig-kirig akong heart sa kakilig nga akong gibati. Unsaon gitutukan ko niya. Aaaackkk! Pwede nako mamatay karon dayon. Joke. Simbako nagsakay pa ra ba mi.

Lage dzaeee nitutok siya nako so maong gitutukan pud nako siya balik. Pero kadyot pa lang gani niundang sa ko ug nitan-aw sa laing direksyon ug didto gipagawas akong kilig. Nikatawa kog pasikreto. Papiyong-piyong pa tapos paak sa ngabil. Yowo!

Ka-gwapo ba sa laki, shemay!

Gipang-kilig nag ayo ang akong mga katapad. Gwapo daw kaayo. Crush na daw nila. Gipag-ilog-ilogan pa nila.

Bag-o mulampas ang iyang gisakyan na Rural. Nihabol pa ko ug tan-aw. Gi-klaro gyud nako ug unsa kagwapo pero nitalikod na siya. Murag naay giistorya iyang katapad. Hayst, sayang!

PERO LAGE GWAPO KAAYOOOO!

"AHHH, KA-GWAPO BA!" Halos muambak nas Jamela s among gisakyan.

"AKOA TO!" Jelia.

"PANGITAON DIAY KO 'TO UG MINYUAN NA HAHAHA." Ingon Queeni.

"HOY-!"

"Karon pako kakitag ing-ato kagwapo!" Nidako pa kayg matang padayon ni Queeni.

"Hoy, paghilom daw mo!"

"KABATI ATOG NAWONG!"

"AHAY GWAPO ATO? PUTI LANG? KABATI ATO!"

Ingon sa mga boys. Pero haha wala sila gipansin.

Gisiko napud kong Jeann. "Y*wa dzae gitutukan ko niya."

Napalibat kos iyang giingon.

"Yaks, ako gani gitutukan..assuming ka gorl?"

Gibunlot lang akong buhok sa buang sa akong giingon murag kaonon nako ani karon.

"HOY! UNSA TO RHEA? IKAW ANG GITUTUKAN? HOY HOY HOY FOR YOUR INFORMATION IT'S ME!" Tudlo ni Queeni.

"Yaks, assuming kaau mo. Bisag ako gyud!" Jelia.

"Ako!" Jeann.

"Ako to! Ako!" Brena.

" Giatay mo Akoa to si Mr. Pogi!" Jamela.

Ug nag-inangkonay na ang mga assuming na feelingon nakong mga ig-agaw.

"MGA Y*WAAAAAAAAA! PAGHILOM MO! KATO? ILOGAN NINYO? KABATI ATOG NAWONG!" Namula na si Kuya Jun² sa pagsinggit.

Nikatawa ko usa istorya. "Suya lang gyud ka. Dili man gud ka GWAPO. Ang nawong pa gyud murag lobot!"