بسم الله
❤ الحياه فرصه اغتنمها
❤الحياه لحظه فأسرقها
❤الحياه مره فعشها
بقلمي ✍ آيه أحمد ( آيه عبد الحليم )
روايه شهد حياتنا ❤
نبدأ.........
في احدي ليالي ديسمبر العظيم والمطر يهطل بغزاره والبروده محتله الاجواء والبرق يضرب في السماء والرعد يهز الابدان والقلوب.. ينبعث من احدي البيوت دفئ عظيم يعم علي ساكنيه
تجلس تحت بطانيتها وترتدي قفازاتها وتتمسك بالمج المخصص لها يحتوي علي مشروبها المفضل شيكولا بالحليب ويجلس علي جانبيها اخواتها التوأم يشاهدون مباراه علي التلفاز تاره يعلو تصفيرهم وتصفيقهم وتاره أخري يخرج من فاههم سباب لازع
تجلس بتزمر من هذه الجلسه الغير مرغوب بها بالمره لكنها مجبره عليها تنتظر بفارغ الصبر حضور والدها الروحي أخيها الكبير وعائلهم الوحيد من بعد والديهم
شهد : هو أبيه سليم هيجي امتي
.......لا رد
تنظر إليهم ببلاهه فلم يعيرها احد اي اهتمام ولم يكلف احد خاطره للرد عليها
شهد : أبيه أدم رد عليا
أدم : اصبري يا شهد
شهد : طب هاتلي تليفوني
اريان : اوعي تديلها التليفون البت دي هتتصل علي سليم يجي ويكون مصيرنا ننام من المغرب زي الفراخ
شهد بغيظ : اتلم يا اريان أحسنلك والله لما ابيه سليم يجي لهقوله
نظر لها اريان بغيظ وهو يمسكها من اذنيها اشمعني بتقولي لأدم يا ابيه وبتقوليلي بإسمي هو احنا مش توأم وزمايل يوم بيوم
شهد بصراخ وهي تمسك اذنها وتحاول ابعاده عنها : عشان انت مهزأ زيي انما ابيه أدم عاقل طالع لاأبيه سليم
اريان : كمان بتقولي مهزأ ده انتي ليلتك سودا
ومن حظه الاسود انه مسك دراعها وعضها جامد وهي قعدت تعيط
بصلها بإنتصار وفرحان بنفسه اوي
وهي صوت بكاءها عالي
ادم وهو يذهب مسرعا لشهد
أدم : معلش يا حبيبتي حقك عليا عيل غبي
شهد ببكاء عالي : هو عضني جامد وضربني ي ابيه أدم وانت قاعد ومجيتش تشيل عني وكمان واخد مني تليفوني ومش راضي تجيبهولي والله لما ابيه سليم يجي لهقوله عليكم
ادم مسرعا : يا حبيبتي بس اهدي وانا هقطعهولك من الضرب وهجيبلك تليفونك وهقلبلك ع المسلسل الي انتي بتحبيه بس بلاش ابيه سليم
اريان : ياعم سيبك منها
شهد ببكاء : لاء المسلسل خلص مش عاوزه منكو حاجه ولما ابيه سليم يجي هخليه يتصرف معاكو
أدم بغيظ : يا حبيبتي بس وانا مالي بطلي عياط وخودي تليفونك اهو
يرضيكي يعني سليم مش هيعطيني فلوس لاسبوع وهمشي اشحت يرضيكي ادم يتعاقب وهو في السن ده
أنت تقرأ
شهد حياتنا
Romanceعائله مكونه من ثلاث شباب وبنت وحيده شهد هي فتاه مرحه جدا ١٨ سنه دائما ماتصنع المشاكل بمساعده اخيها الاوسط ودائما ما تلقي عليه كل بلاويها ويتلقاها بصدر رحب هي مقربه جدا من اخويها بسبب موت والديها وهي صغيره هي شهدهم شهد حياتهم بقلمي آيه أحمد ( آيه ع...
