شهد حياتنا

البارت 2

بسم الله 🌺

🌺 في بعض الأحيان يكون الشقيق أفضل من أن يكون بطلاً خارقاً. مهما كان العمر، يبقى الأخ الكبير هو الأب الثاني لأخته. وجود الأخ في حياة الفتاة هو حضور لصديق أبدي، ورفيق أول للطفولة، وصخرة تستند إليها عندما تكبر.
🌺🌺

وقفت شهد بملل واضح في المطبخ تدوور حول نفسها وتتكلم بعصبيه وانفعال
شهد : اوووف بقي كان لازم اقولهم اني هطبخ النهارده وانا مبعرفش اتنيل اطبخ
طب والعمل ايه دلوقتي احسن حاجه هرمي الفراخ دي وافتح الشبابيك عشان الدخانه دي تروح واحط المواعين في الحوض لاريان يغسلهم واعملهم بطاطس وياكلوها معايا بكاتشب صح انا هعمل كده

....................يقف في ورشته وسط العمال يمسح جبينه وينظر لما انجزته يديه برضا تام
التفت علي صوت اخيه مصاحب بخبطه علي كتفه
اريان : الله ينور يا كبير
سليم بإبتسامه اظهرت وسامته رغم لبسه الغير مرتب الملطخ بالشحوم والزيوت الا ان وسامته وشخصيته يلفتان الانظار عليه

سليم : ايه رأيك في شغل اخوك
اريان : الله ينور بجد
سليم : طب جهز نفسك يا بطل عندك طلعه زيها
اريان : 😳😳😳
ادم : ههههههههههههههه البطل اتهطل
اريان بغيظ : لا حرام هو كلكو عليا انا هلاقيها من مين ولا مين والتصق ب آدم واردف بتمثيل طب توأمي يا شيخ حس بيااا
سليم بإشمئزاز : ايه العلاقه القذره دي
ادم بغيظ وهو يبعده عنه : ابعد يالا متلزقش فيا كده
اريان : هههههههههههههه ليه يا بيضه ده انا واد جنتل وحليوه
سليم وهو يربط علي كتفه : طب يلا يا حليوة عشان منتأخرش علي اختكو وابقي ورينا حلاوتك باليل

اريان : وهي شهد زمانها طبخت هههههههه مش مصدق نفسي
ادم : والله الي عملته هناكل منه لازم نشجعها
سليم : ايوة واوعي يا شحط انت تقولها حاجه تزعلها
اريان : لا يا حبيبي مليش دعوه انا جبت اكل ليا انتو حرين تاكلو من العك الي هتعمله انا نووو اعذروني
نظر سليم برفعه حاجب لما يحمله اخيه في يده : كل ده اكل ليك يا طفس وبعدين جبت فلوس منين ياد هاا

نظر له اريان بغيظ : كنت محوش
ادم : ههههههههههههه محوش الادب حلو بردو يا ولاد
تحرك سليم خارج الوشه : طب يلا اصل انا حاسس ان شهد هتجيب الاكل الي عملته وتجيلنا هنا عشان تعرف كل الناس انها هي الي طبخت
اريان : ههههههههههههه انت واثق فيها كده ليه والله حاسس انها م عملت حاجه
ادم : لا انا عارفها لما بتكون متحمسه
سليم بضحك : ايوة عارف انت بطوط الي هي بتفرجنا عليه كل يوم وهو ماشي نافخ نفسه كده اهي كانت زيه النهارده الصبح اتأكدت بقي انها هتحاول ربنا يستر بقي
وصلو قدام بيتهم وطلعو ع السلم سمعو صوت حد غريب جي من الشقه ولقو الباب مفتوح وفيه دخاانه طالعه من باب الشقه طلعو يجرو ورا بعض ع السلم وقلوبهم كانت هتطلع من خوفهم علي شهد وصلو لباب الشقه لقو شهد واقفه ووشها مهبب ومعاها واحده جارتهم وواقفين يبصو ع المطبخ وشهد عماله بتعيط
دخلو جري سليم مسكها من كتافها وبص علي وشها يشوف فيها اي حاجه ولا لا
سليم بقلق وهو يأخذها بين احضانه في ايه يا قلبي ايه الي حصل يا شهد بطلي عياط
شهد ببكاء : البطاطس اتحرقت يا ابيه وطلعت نار من الزيت وانا قعدت اصوت وابله امل جت لحقتني وطفتها