بسم الله 🌺❤
❤ لما تكون عاوز حاجه بإستماته وهتموت عليها يبقي لابد من الاقتحام اقتحم لتنل ما يرضيك فالعُمر مره ولن يتكرر اسرق سعادتك من الدنيا لتنهض بحياه سعيده فالسعاده لاتأتيك دوون مجهود وما اجملها حينما تأتيك بعد حرب كنت انت قائدها ومحاربيها معا فلتنعم بحياه سعيده ولتخرب بعدها كل الدنيا ❤ بقلمي ✍ آيه أحمد ( آيه عبد الحليم )
روايه شهد حياتنا 🌺
فريده في الهاتف : ده طلع بيحب وعاوز يخطب وانا الي كنت عاوزه اجوزك لييه
روان : يا خساره اخوكي ده يبت يا فيري ليه هيبه وطله كده يخربيته عثل بس يلا ملوش في الطيب نصيب هو كان يطول يخطبني اصلا
فريده : ههههههههههه يا بت ده انتي كنتي هتموتي عليه
روان بضحك : اناااا ابدا قوليلي بقي خطوبته امتي عشان اجي ألخبط لخطيبته وشها
فريده بضحك : يخربيتك تلخبطيلها وشها
روان بهزار : متدقيش يا بنتي اقصد يعني احطلها ميك آب
فريده : امممم ميك آب قولتيلي تصدقي هو قايلي مش هيخليها تحط اي حاجه نهائي علي وشها
روان : وده ليه ان شاء الله هي مش هتبقي عروسه
فريده : مش عارفه بيقولي انها مزه اوي اوي من غير اي حاجه وغير كده هو غيور اوفر هموت واشوفها
روان بفرحه : حمستيني والله هي الخطوبه امتي
فريده : علي كلامه يعني لان احنا لسه م اتقدمناش وكده انه هتبقي خطوبه ع الضيق مش هيعزم فيها اي حد
روان بحزن : ايه ده يعني انا مش هحضر
فريده : لاء ياروحي انا بقول حد غريب انما انتي اختي واكيد هاخدك معايا مش هروح لواحدي
روان : حبيبتي يا فيري اجدع صاحبه واخت في الدنيا
..............................
تجلس تحت بطانيتها امام التلفاز كعادتها
كل يوم كل دقيقه تنظر للساعه تنتظر قدووم اخواتها لتبدأ سهرتهم ما بين نقار ومشاكسه يغلب عليهم الحب والامان
انتبهت لفتح باب الشقه نظرت بإستغراب من فيهم اتي بهذا الوقت فما زال باكرا عن موعد عودتهم قامت من مكانها لتستقبل اخيها
اغلق سليم الباب ومال عليها مقبلا خدها
حبيبه اخوكي عامله ايه
شهد بنبره قلق : حبيبي انا كويسه الحمد لله عامل ايه انت جاي بدري ليه فيك حاجه انت تعبان
سليم بضحك : يا بنتي افصلي شويه ايه رشاش واتفتح هههههههه
شهد بغيظ : الحق عليا اني خايفه عليك يعني
سليم : لا يا ستي خافي براحتك بس براحه
شهد : طب ايه الي جابك بدري
سليم : هغير وهعدي علي اخواتك في المعرض وهجيبهم وانا جي وجاي معانا ضيف
شهد بإزعاج : اووووف ضيف غلس انا مش موجوده
سليم : هههههههههههه وانتي كنتي عرفتي مين الضيف
شهد : م هو اكيد مفيش غيره ليل صاحبك حظابط
سليم : هههههههههههه حظابط طب يا اختي ابقي البسي عشان انتي الي هتجهزيلنا العشا
أنت تقرأ
شهد حياتنا
Romanceعائله مكونه من ثلاث شباب وبنت وحيده شهد هي فتاه مرحه جدا ١٨ سنه دائما ماتصنع المشاكل بمساعده اخيها الاوسط ودائما ما تلقي عليه كل بلاويها ويتلقاها بصدر رحب هي مقربه جدا من اخويها بسبب موت والديها وهي صغيره هي شهدهم شهد حياتهم بقلمي آيه أحمد ( آيه ع...
