طلعت من الغرفة
بلش يحجي ويه ماما
ايان : خالة ماشاءالله شنو هالتربية مالتج الله يحفظلج اياها يارب ويستر عليها..
هنا اني وجهي صار احمرررر وكلش خجلت
ام ليان: تسلم ابني ويحفظلك امك واحبابك يارب
ايان : اني امي متوفية صار ١٢ سنه
ام ليان: ياا خطية ابني الله يرحمها يارب وكلشي تحتاج اني امك لا تستحي
ايان : تسلمين خالة الله يطول عمرج ..
ام ليان: يلا ابني من رخصتك وتعبتك ويانه
ايان : الله وياج خالة لا شنو هاي تعب بالعكس تعبكم راحة ...
طلعنه من المستشفى
ام ليان: خطية طلع امه متوفية
ليان: اي والله خطية الله يرحمها
رجعنه للبيت ... ..طلعت ماما تتسوق وبقيت بس وحدي بالبيت
تمددت بتختي وسمعت الباب يندك
طلعت فتحت الباب ...
حسن : هلو
ليان: تفضل
حسن : اني اسف عالاصار هذاك اليوم بس اني والله صدك احبج حب صادق ماراح اضحك عليج بس افهميني
ليان : يااخوية شنو تحبني كل عقلك مستحيل اني مااريد احب لا انت ولا غيرك افتهمت وارجوك امشي بطريقك
حسن : اول شي اني مو اخوج وماامشي بطريقي الا تحبيني افتهمتي
دخلت وسديت الباب بوجهو
ليان : عزا هذا منين طلعلي اني احب صديقة وهوة يحبني يعع والله اذا ماراح وعافني اكول لايان وهوة يعلمه يع شهل لزكة هاي
دخلت اتصفح بالانستا وشفت حسابه ودخلت عليه.
ليان : لخاطر الله شنو هالجمال فدوةةة .....عزاا هاي شسويتي ليان دزيتي متابعة ولج ياثولة شبيج ..
طبعا اني بالغلط دزيت متابعة لدكتور ايان
ليان : يالله شكد ثولة هسة شلون الغي لمتابعة مااعرف .....اييه لغيته عوذا شثولة بعد ما ادخل لحسابة ..
شوية واجت ماما وسويت عشة وكعدنه نتعشه
ليان: ماما باجر لا تروحين وياي عالجرعة رجلج توجعج واني اندل المكان والمستشفى قريبة ابقي هنا
ام ليان: يمة بنتي شنو تروحين وحدج يمة هنا مووامان يمة بنتي واذا مااكدر منا للصبح اني زينه
ليان : ماما ترى قريب وشنو مو أمان هنا تركيا مو كركوك تامو امان
ماما مايحتاج ابقي هنا
ام ليان: تمام بنتي ديري بالج عفية بنتي
ليان : ان شاء الله يارب يلا ماما تصبحين على خير ماما
رحت لغرفتي وحطيت منبه موبايلي ونمت ...الساعة سبعة طق منبه موبايلي....كعدت
ليان: يربي باردةةة ..اوفف يلا تااروح للجرعةةة
كعدت غسلت وجهي وغيرت ملابسي وطلعت للمستشفى
احجي واني بالطريق....
ليان : يربي متحمسة يجوز اليوم يعترفلي بلكي يارب
وصلت للمستشفى ودخلت للغرفة
ليان : مر حبا دكتور
ايان : مراحب هلا ليان تفضلي ...شو اليوم وحدج وين امج
ليان: والله ماما تعبانه واجيت وحدي ..
ايان : سلامتها يارب ..
دخلت بنية للغرفة
مرام: هلا حبيبي ايان شلونك
وبلشت تسلم عليه وتبوس بي من خدة ...والبنية شكد مااحجيلكم متكبرة ومن جماعة باباتي
.شكد ضجت وصراحة غرت عليه وطلعت من الغرفة ....
ايان: ليان وين
عفته وطلعت....
امشي بالطريق واني ضايجة ومقهورة ..وصلت البيت
ام ليان: ها بنتي شو اجيتي من وكت ماسويتي الجرعة...
ليان: ماما تعبت كلش ودخت وجسمي يوجعني واجيت وهوة هم عنده شغل عود باجر...
رحت لغرفتي رميت نفسي للتخت وبلشت ابجي
ليان : ليش حبيته مو كلت ما احبه ليش هيج صار يارب
ماحسيت الا نمت .....وكعدت بثاني يوم كعدت على صوت موبايلي كعد يدك .....
ليان : منو كعد يدك ياربي ....ايان عزا اجاوب لو لا ...اذا ماجاوب هسة يكول زعلت يلا راح اجاوب..
ليان : الوو
ايان : هلو ليان شلونج
ليان : هلا دكتور تمامالحمد لله
ايان : ليان تعالي بالحديقة الي جوة بيتكم اريد اشوفج ضروري جبتلج جرعة
ليان : مااكدر هسة
ايان : ليش هسة اني جوة بيتكم تعالي بسرعة رجاءا
ليان : احاول تمام باي
....سديت الخط
ليان : يربي هذا شيريد يعني لازم مااباوعلة واتقرب منه اسوي نفسي مامهتمة ..
رحت لغرفة ماما لكيتها نايمة
ليان : ماما نايمة خطيةمااكعدها
رحت غيرت ملابسي ونزلت من البيت رحت للحديقة ..وشفته كاعد
ايان : هلو ليان
ليان : هلا دكتور
ايان : شلون صرتي
ليان : تمام
ايان : ليان ليش البارحة طلعتي من دخلت البنية وبعدج مااخذتي الجرعة
ليان : ههه لا بس دخت كلش وتعبت وخفت لا يصير شي وماما مو يمي
ايان : ليان احجي الصدك ليش طلعتي
ليان : دكتور كتلك تعبت وطلعت
...كام وقف كدامي
ايان : ليان لتكذبين احجي الصدك
ليان : ليش مصر انو اني اجذب كتلك تعبت
ايان : ليان انتي طلعتي لانو غرتي عليه .....
اني هنا مثل الخبلة والثولة كتله
ليان : ايي غرت عليك
هوة انصدم وبلش يتبسم ...قرب ومسك ايدي اني راسا وخرت ايدي وطلعت لبيتنه
من تااصعد للبيت شفت حسن
حسن : ها لازم عافج استاذ ايان كتلج حبيني والله ماعوفج
ليان : امشي ولي من كدامي
دخلت للبيتنه ......
للكاتبة: سالي رسمي
يتبعععععع.............حماسكم ...
