STILL WITH YOU | JJK AU | ✔️

chapter 18

Still With You ( Fan Fiction Only )
_Chapter 18_

____________________________________

언젠가 아침이 오는 걸 알면서도

Eonjenga achimi oneun geol almyeonseodo

Even though I knew it was going to be morning one day

හැම රාත්‍රියකටම පසු උදෑසන පැමිනෙන බව මන් දන්නවා..

____________________________________

සේහි නාන කාමරයේ විශාල බිත්ති කන්නාඩියෙන් පේන තමන්ගෙ ප්‍රතිබිම්බය දිහා බලන් හිටියා. ක්‍රීඩා කරන කාලෙ ලස්සනට හදලා තිබුන මාංශපේශි වගේම ශක්තිමත් ඇග දැන් දුර්'වල වෙලාද කියලා සේහිට හිතුනා. ගොඩක්ම සුදු නැති තලෙලු පාට හමේ රතු පාට වගේම දම් පාට පැල්ලම් නැති වුන තැනක් හොයා ගන්න සේහිට පුලුවන් වුනේ නෑ. තමන්ගෙ නිරුවත මේ විදිහට අන්තිමට කවදා හැඩ වෙලා තිබුනද කියලා මතකයක් සේහිට ඇත්තටම තිබුනෙ නෑ වගේම ඇයට ඒ ගැන මතක් කරන්න ඕනි වුනෙත් නෑ.

ඇදන් හිටපු ටවල් එක ගලෝලා දාලා ශවර් එක යටට හදපු සේහි ආපහු කන්නාඩියට හැරුනෙ මීට කලින් ශරීරයේ දැකලා තිබුන නැති දිග පැල්ලමක් තියෙනවා කියලා දැකපු නිසා. හරියටම පහල උදරයේ පිවිසුමෙන්. මීට කලින් මේ විදිහෙ කැලලක් ඇත්තෙන්ම සේහිට තමන්ගෙ ශරීරයේ තිබුන බවක් මතකෙ තිබුනෙ නෑ.

' මගෙ දරුවා..!!'

සේහිට වෙලා තිබුන හැමදේම තේරුම් ගන්න එච්චර අමාරු වුනේ නෑ. එදා නැතිවුන කළලය තමන් සිහිය නැතුව හිටපු නිසා ගර්'භාශයෙන් අයින් කරන්න වෛද්‍යවරයා මේ කැපුම කරන්න ඇති කියලා සේහිට තේරුනා. ඒක කවමදාවත් මකන්න බැරි කැළලක්. ගතෙන් වගේම හිතෙනුත්.. ඒ දිහා බලාගෙන පස්සෙන් පස්සට ගියපු සේහි එතනම බිම වාඩිවුනා.

' අනේ දරුවා හිටියා නම්..!!" ඇයගෙ හිතේ ඒ වෙලාවෙ තිබුනෙ එච්චරයි. ඇය නොදැනුවත්වම ඇයගෙ දෑස් වලින් කදුලු වැටෙන්න පටන් ගත්තා. වටේපිටේ වුන කිසිම දෙයක් ඇයට ඇහුනෙ නෑ.

~~~~~~~~~~

පොඩි වෙලා තිබුන ලිලී මල් පෙති එක්ක සුදු රෝස පෙති ගොඩක් මත වැතිරිලා හිටපු ජොන් ජන්කුක් ඇස් ඇරියෙ තමන් ළග හිස් කියලා දැනෙද්දි. හෙමින් හෙමින් ඇස් ඇරලා බලපු ඔහු නලලට වැටිල තිබුන කෙස් පස්සට කරලා මුලු කාමරේම දෑස් යැවුවත් තමන්ගෙ බිරිදව හොයා ගන්න පුලුවන් කමක් තිබුනෙ නෑ. කලු පාට ශෝට් එකක් විතරක් ඇදන් හිටපු ඔහුට ශර්'ට් එකක්වත් දා ගන්න සිහියක් තිබුනෙ නෑ. සේහිගෙ නම කියලා කෑ ගහපු ඔහු ඉක්මනින් නාන කාමරයෙ දොර ඇරියෙ ඒ වෙලාවෙ සේහි ඉන්න වැඩිම සම්භාවිතාවයක් තියෙන්නෙ එතන කියලා හිතුන නිසා.