~𝐁𝐋𝐀𝐂𝐊 𝐒𝐇𝐀𝐃𝐎𝐖~||𝐊𝐒𝐉 || 𝐒𝐞𝐚𝐬𝐨𝐧 1[✓]

🎭 20ᵗʰ Episode📌

02Days later

මැන්ශන් එකේ තිබුන ගොඩක් වැඩ ඉවර කරපු ජින් මැන්ශන් එකෙන් එලියට ආවෙ ටිකක් නිදහසේ ඇවිදින්න කියලා හිතාගෙන... ඇඳගෙන හිටපු හූඩි එකේ සාක්කු දෙකට අත් දෙකත් දාගෙන කොල්ලා හෙමීට හෙමීට ඇවිදගෙන ගියේ ගතට දැනෙන සිහිල් සුළඟත් විඳින ගමන්... මුලු අහසම තැඹිලි පාට වෙලා තිබුනේ ඉර අවරට යන්න ලෑස්ති කියලා අඟවන්න වගේ...එක තැනක නැවතිලා වම් අතේ බැඳලා තිබුන අත් ඔරලෝසුව දිහා බලපු ජින් ආයෙත් තමන්ගෙ ගමන යන්න පිටත් උනා..

සරත් සෘතුවේ සිසිල් සුලඟ විඳින ගමන් ඉදිරියට පාද මෙහෙයවන ජින් සුලඟේ පාවී එන මේපල් කොලයක් තම අත්ල මතට ගෙන එය දිහා යම් වෙලාවක් බලා සිටියා.. 

🐼 කාලයත් එක්ක හැම දෙයක්ම වෙනස් වෙනවා හරි අගේට කොල පාටට හිටිය ඔයා දුඹුරු පාට උනා වගේ  අහිංසක ජින් මිනීමරු ජින් උනා වගේ 

දුඹුරු පාට මේපල් කොලය දිහා බලාගෙන ජින් හිතුවෙ එහෙමයි.. ටික වෙලාවකින් ආපු වේගවත් සුලඟ නිසා ජින්ගෙ අතේ තිබුණු මේපල් කොලය හුලඟට ගහ ගෙන ජින්ගෙන් ඈතට ගියා අල්ලන්නවත් බැරි වෙන්න

🐼 නොකියාම එන අය නොකියා ම යනවා හරියට ඔයා වගේ පුංචි මේපල්

ඈතට පාවෙලා යන මේපල් කොලේ දිහා ටිකක් වෙලා බලාන උන්නු ජින් ආයෙත් තමන්ගෙ ගමන යන්න පිටත් වුණා  

නගරය මැද තියෙන ඔරලෝසු කණුවෙ 04.30 කණිසම වදිනකොට ජින් ඔලුව උස්සලා ඔරලෝසුව දිහා බලාගෙන උන්නා

🐼 ඔයා යන වේගෙ ගොඩක් වැඩී

කාලය ගොඩක් වටිනවා කොල්ලෝ...  කවදාවත් කාලය නාස්ති කරන්න එපා.. මොකද මේ ගෙවෙන තත්පරේ ඔයාට ආයෙ ගන්න බෑ.. මේ ගෙවෙන තත්පරේ නිසා සමහරවිට ඔයාට විඳවන්න වෙයි නැත්තං සතුටු වෙන්න පුළුවන් වෙයි.. තීරණේ ඔයා අතේ... කල්පනාවෙන්..

තමන්ගේ එහා පැත්තේ ඉඳන් ඔරලෝසු කණුව දිහා බලාගෙන කියවන වයසක මනුස්සයා දිහා ජින් හැරිලා බැලුවා..

🐼 අජුස්සි

කල්පනාවෙන්!!

තමන්ගේ ඔලුවට තට්ටුවක් දාන ගමන් කියපු ඒ මනුස්සයා හැරමිටියෙ ආධාරයෙන් ජින්ව පහු කරගෙන ඉස්සරහට ගියා...