هلو راح ابدي قصتي وانشالله تعجبكم
اني اسمي زهراء عايشه يم بيبتي ام ابويا ويمها بيت عمتي طبعا تسئلون وين اهلج؟؟؟
راح اسولفلكم عن اهلي شكد عددهم عندي ابويا وامي واخويا اكبر عمره 22واخوان ثنين صغار واحد عمره 14واحد*/12 هاي عائلتي
اني من جنت طفله امي تكرهني من جابتني هية مطيقني جنه عايشين يم بيت بيبتي بيبتي متقبل الها لان تشوفني دائما وصخه ومبهذله وكماطي وصخ تشوفها شون تفرق بيني وبين اخويا الجبير بيبتي دارتني هواي لمن صار عمري 6بنو بيت بصف بيت بيبتي ورحت يمها ضلت تضربني تاذيني تفرق هواي بيني وبين اخويا
ابويا ميدري ماحجيله عن الي يصير بيه لان ميقبل وتصير مشاكل بينهم اسكت ابويا گلبه طيب وحنين بس عنده شغلات موزينه مثل يشرب وهيج شغلات
بس ماجان ياذينه مجرد يشرب وينام زعلت هية يم اهلها ورحنه وياها وره تسع اشهر رجعنه لبيتنه جابت اخويا الي عمره 14 تحبهم اكثر مني اذتني بسبب المدرسه متقريني جانت تضربني بحيث ماكدر اروح للمدرسه استحي لان وجهي يصير ازرگ من الضرب ع اشياء تافها تخيلو علمود جنت اصفط هدومي بلكنتور وماكدرت اكوم افتح المي للمبرده جرت شعري ومن عدها نجر عصب عيني العصب تعب ولسه متاذيه بسببه اكل متنطيني عافيه ماعندي ونموي قليل بسبب الضرب ضلت هيج وياي كم سنه ورجعت جابت اخويا الثالث والاخير شدت وياي اكثر
ضليت هيج لمن صار عمري 15 جنت صف ثالث ابويا بطلني بسببها لان زعلت يم اهلها تلث اشهر ورجعت فاتتني المدرسه بطلت خطبني واحد يم اهلها علمود مصلحتها رادت تزوجني يم اهلها بس طلع موخوش ولد وسوت مشاكل وابويا وعمي عترضو عليها لمن وصلت عرك ومشاكل جبيره نجلطت ورغم هاذة ماحقدت عليها سنه ونص اني داريتها بمي عيوني حسبتها بنتي ااطبخ الها وحد لان ميصير دهون ولابويا ولاخواني وحد لان جان يجي ابويا من الدوام الضهر الغده جاهز شلت مسؤوليه جبيره ادرس اخواني واركب ابويا مانعني لاصديقات لا موبايل كله ممنوع ختنكت كلش لان تحملت شي جبير صارت زينه وره سنه ونص رحت يم بيت عمتي عدها بنات احبهن ضليت سبوع من رجعت طردتني من البيت جازتني بهيج شي للاسف😔
ضليت يم بيبتي سنتين رجعتني للمدرسه ونصدمت بخبر موت صديقتي الي جانت قطعه مني 😔
هية الوحيده الي. اني وياها صديقات وروح بروح احس بيها اذا مريضه وتحس بيه علاقتنه جانت اخوات وصديقات بحيث احسها قطعه مني خسرتها
رحت للمدرسه وشفت اسمها مكتوب بقطعه سوده تهسترت بنص لشارع ابجي واصيح مو هية بوقتها دخلت حاله كأبه كلش قوية ومن عرفت قبل لتموت بكم يوم جانت باربيل دور محل محل اليه على خلخال وگلاده وامها تكللها اشتري الج تكوللها لا زهراء احسن مني اني وياها واحد 😔😔😔ثاني يوم باقيه ماطالعه ومتوفيه 💔😔😔😔😔
هاي صديقتي خسرتها مدرستي مو كلش بيها لان اربع اشهر اني بحاله بجي ونوم مامهتمه الها جنه نرسم اني وياها حلمنه نصير رسامات تركت الرسم من راحت وهسة صار كم يوم رجعت ارسم انشالله انزللكم رسمي 😔ماحالفني الحظ ورسبت بالثالث وعفتها ضليت بلبيت اجه اخويا الجبير طبعا اخويا الجبير يم خوالي لان يشتغل يمهم من اجه سوالي مشكله اتفق ويا امي حته يرجعوني ورجعت غصب بقيت سبع اشهر يمها شوفتني نجوم الضهر الاكل تحسبه عليه شغل وتنضيف التلفزيون متخليني اتابع شي عيشتني بشي ماكدر اوصفلكم كميه الحقد البيها مني متشتريلي ملابس دائما عماتي يجبلي يو خالاتي هية ابد عشت بقهر وضيم زعلت يم اهلها همين بقيت هناك وياها شهرين ابويا يدزلي مصرف متنطيني شي منه همين كرهتها صراحه بس سمعت ابويا رجله مكسوره رجعت يمه اداري رجعت وره كم يوم تصلت على ابويا كالتله ماريدها ولاتجيني ولا اسمع صوتها ابويا كللها الله لايوفقج لان جتي اداريني تخبل منها ضليت يم بيبتي قبل تلث اشهر عمتي حاجت ابويا وجابلي تلفون ابويا رجعها من بعد ماضلت ست اشهر زعلانه رجعو بيت ايجار عافو بيتنه الملك لان حضرت جنابها ضاجت من هاذة البيت كرهتها اكثر وتالي خلت ابويا يگطع عني مصرفي بس هسة لا هاذة الشهر جابه اليه حمدلله ضل. شهرين گاطعه وهسة رجعه وهسة يم بيبتي اسمع الحجي الي يضوجني بس اصبر ماعدي غير حل😔💔
انتضر لمن ربي يفرجها عليه اشوف ابويا يجيب اخواني وبصفه اني اموت قهر بس شسوي 😔😔😔اتحمل واكول تهون 😔😔دعولي ربي يفرجها اليه لان تعبت 😔💔
بعدين احجيلكم عن الببرنامج وشصار وياي بي وشنو نفسيتي صارت 💔🥺
انشالله تعجبكم قصتي 😔
