صراع الشرف

بارت3

ـــــــــــــــــــــــــــــــــــــــــــــــــــــ

جوالينا.. ربي اكيد الك غايه بكل هذا رحت اريد اشرب ماي من المطبخ واني اشرب ماي فكرت باجر اتصل بخالتي لان جانت كلش تحبني اكثر حتى من امي كلت اتصل بيه باجر واكعد عدهه زحمه كاعده ببيت صديقتي

الصباح..

جوالينا.. كعدت الصبح ساعه 5:30 كلت شكعدني ضليت اتگلب اريد ارجع انام ما اكدر عندي سالفه من اكعد بعد ما اكدر اناام كمت غسلت وجهي بس جسمي متكسر كلت اااه يمته اعيش مثل حياة باقي البنات تحمدت وتوضيت ورحت اصلي حجيت عن كل الي بكلبي لربي وفرغت شنو بداخلي وبجيت بلكت الله يزوح كل هاي الالم بس احس ارتاحييت ورحت قريت قرأن صارت 6:00 رحت اسوي اكل گليت بيض وحطيت جبن وقشطه وعسل وي القشطه وجاي وحطيتهم بصنيه لشوي واجت خاله ام نور

ام نور.. هاي منو كاعده صباح الخير يمته كعدتي

جوالينا..   صبتحاح النور تقريبا 5 كعدت

ام نور.. هاا حبيبه

جوالينا.. تعاي تريكي

ام نور.. اي بس اروح اصلي واجي اتريك

جوالينا.. تمام اكلت قشطه وعسل شبعت بطني رحت شفت الساعه 6:42 كلت لازم اروح ب7 كمت من الطاوله تصير صغيره موجوده بلمطبخ واجت نور وي كومتي

نور.. صباح الخير هاي وين كايمه

جوالينا.. هاا صباح النور خلصت اكل رايحه اغسل وراي شغل

نور.. هاا تمام صدك قبل لا تروحين عندي ملابس ضيكات علي يصيرن عليج انتي ضعيفه حلوات بعدهن جديدات

جوالينا.. تمام انشالله كملي اكل وتعاي راويني ورا شوي خلصت نور اكل واجت راوتني الملابس بنطرونين واحد كابوي وواحد اسود وبدي اسود وبي كتابه I love my self لون ابيض ووانطتني حذاء ابيض

نور.. والله ما مستعملتهن اشتريتهن وما لبست اي وحده ضيكات علي

جوالينا.. عمري شكرا بس ممحتاجه

نور.. شسالفه اخذيهن هسه

جوالينا.. ضلت تلح تلح اخذتهن حطتهن بعلاكه واخذت فلوسي صارن100 الف رحت صعدت بعبريه ووصلت للمطعم سلمت على ابو المطعم ودخلت لكيت هواي مواعين بديت اشتغل هلكت هلك والمواعين كلش هواي شكد ياكلون ضليت اشتغل للعصر بدون استراحه خلصت ورحت لابو المطعم كتله خلصت شغل

ابو المطعم.. هاا الله يساعدج بنتي هاج هاي 20 الف واعتذر على التقصير بس هاي اخر مره تشتغلين هنا لان مكدر بعد اشغلج الناس تحجي واني الي اتحمل لهاذا يا بنتي هذا اخر يوم الج

جوالينا.. صفنت بخيبة امل باوعتله كتله تمام رحت كانو ماكو بعد امل اعيش بحياتي اهلي عافوني وشكو بيه وعشت بلشارع وكلنه ميخالف وهسه حتى الشغل راح مني اووف تذكرت لازم اروح لمحل الملابس رحت اله سلمت ودخلت بديت اشتغل اجت وحده ماايعه وميعجبه شي طلعتله كل المحل ما عجبه بلنهايه كتله اذا ميعجبج شي اكو هواي محلات روحي اشتري منهن شو هاي كامت علي وكلج زعطوطه جاي اطرديني واني اعلمج ووين مديرج اكلتني اكل اجه خالد المدير

خالد.. هاي شصاير شكو

البنت.. بتصنع البكاء. هاي البنيه كتله هاي محلوه ع الستره جبيره علي وهيه كامت تصيح علي وتغلط وتكول اطلعي برا المحل اشتري من غير محلات وضربتني

جوالينا.. ضليت صافنه الى شوي جان صدكت بيه

خالد.. مصار شي عادي عادي انتي تعاي وياي للمكتب

جوالينا.. رحت وياه للمكتب واني منصدمه منه

البارت قصير