اتخبريني بحزن قد أستولى عليك؟
تباً لجميع ما يُحزنك
هل علمت بـ قمر قد حَزن؟
أفيقي يا رَبّة الحُسن لا حُزنًا يليق بك
ــــــــــــــــــــــــــــــــــــــــــــــــــ
حوراء، تونست حيل وي الحجيه سوالفها عسل
بس تعبااانه كلش تعبانه
مع ذالك احسها تحجي وياي عبالك تعرفني
ولا كأنُ اصلا متقربلي !
ما مليت من سوالفها والتحشيش مالها
طلعنا شفت اكو واحد يبيع عصير
كلت لخاالتي اروح اشتري
كتلها وجبت عصير بطيخ احبه
ضليت اشرب بيه منا لحد ما وصلنا كملته. هل عاده بيه ما اخلص بسرعه
وصلت رحت لبست هودي وي بجامه مريحه
شلت شعري فوگ واجيت اكعد وصاحني عزام
رحتله دكيت الباب ودخلت جان جايبلي كتب و دفاتر واقلام الخ...
اشياء مدرسيه تشكرت منه وفرحت حيل رحت للغرفه اطفر فرحانه بكتبي
رحت ع البنيه الي بلمدرسه شفت الواجبات احنه بذيج مدرستنا واصلين يعني الي همه ماخذينه بذيج المدرسه اني ماخذته لهذا فاهمه بس كتبت واشرح لنفسي
حطيت مخاد كدامي وقفلت الباب وكعدت اشرح للمخاد كانُ اشرح لطلاب، افهم اكثر
بديت اشرح وبعدين ندك الباب كلت منو:-
عزام، شهل صوت تشرحين المن؟؟
باوعتله بوجه فاهي دفعته من الغرفه اطلعه
عزام، هااا هااا شكوو تدفعين
حوراء، اهووو دروح لغرفتك
عزام، دخلت راسي للغرفه ماكو احد. اكلج صدك المن تشرحين
حوراء، اهوووو عوزيم لتلزك
عزام، عويزم شني نجبي ولج يلا روحي لغرفتج
حوراء، ترا اني بغرفتي انته روح
باوع لمكانه وحك مؤخرة راسه وكال:-
عزام، هاا يلا سدييي الباب
حوراء، ضحكت وسديت الباب رجعت اني فهمت كلشي وخرت المخدات حطيتهن ع مكانهن واخذت التلفون ونزلت يم خالتي
العلويه، هلا يمه همزين جان بس عزام وهسه انتي
حوراء، هاا
العلويه، ولج يمه دطلعي شوي بلطارمه شمي هوى تعاي يمي شني بس بغرفتج
حوراء، اي خاله بس جابلي عزام كتب ف كعدت ادرس
العلويه، هااا زين اي اهتمي بدروسج احسن
حوراء، ضليت اسولف وي خاله وبعدين كمت من يمها رحت للمطبخ لعبت بيه لعب حطيت بهارات واحط بيض واجيب واحط
وبعدها حطيت كرفس وحطيت طاوه وزيت و وخلطت كل الي سويتهن سوا وطلعت اغنية فرقه كوريه"BTS" واركص واطبخ
حسيت شخص وراي باوعت وانصدمت..
انتهى البارت
بلنسبه لوقت التنزيل ف بس الجمعه انزل لان ابددد مفارغه وغير عن الدراسه وشغل البيت ووقت راحه قليل ف بس الجمعه انزللكم
احبكم يرويحتي🥺♥.
أنت تقرأ
صراع الشرف
De Todoتحرش، عنف، سوء فهم، كره، حقد، اغتصاب، وبعدها نقتل على اسم الشرف!! ليس لنا ذنب لمَ نتحمل اخطائهم لمَ يقتلونا وينعتونا بـ"عار" لسنا عار ولن نكون كذالك سأريكم ماذا سافعل سأجعلكم تتوسلون لي!! يكللها: الى اراويهم منهو المو شريفه يبغداديتي اطلع حقج اط...
