Love In Paris [Completed]

-Love Story- 1 U

______________________________
Cause this was only meant to be for one night yeah..
We changing our minds here..
Be yours be mine dear..

(Fallin' All In You - Shawn Mendes)
______________________

ပြင်သစ်နိုင်ငံ၊ ပါရီမြို့။ ဒီဇင်ဘာ ၃၀ ရက်နေ့။
ည ၁၀နာရီ။

နှင်းများ ထူထပ်စွာ ကျဆင်းနေသော ရာသီဥတု အေးစိမ့်စိမ့်ထဲတွင် Eiffel Tower ကြီးကတော့ မီးများထိန်ထိန်လင်းလင်းနှင့် အေးအေးကြီးထဲ လျှောက်လှမ်းနေကြသော လူသားများအား နွေးထွေးစွာ ထွေးပွေ့ပေးနေဟန်ပင်။

ပါရီမြို့၏ ဆောင်းရာသီသည်ကား အလွန်အမင်းပင် ခိုက်ခိုက်တုန်စေကာ ရေခဲမတတ် အေးတတ်သည်ဖြစ်ရာ ယခုနှစ်လို အအေးလှိုင်းဖြတ်သောနှစ် ဆိုလျှင်တော့ ပြောမပြတတ်အောင်မို့ လမ်းသွားလမ်းလာများပင် နည်းပါးနေလျက်။ လမ်းတစ်လျှောက်တွင်လည်း နှင်းထုကြောင့် ဘေးပတ်ပတ်လည် တစ်ခုလုံးက အဖြူရောင် လွင်ပြင်ကြီးထဲ နင်းလျှောက်နေရသလိုပင်။

ရာသီဥတုက အေးသည်ဆိုမှ ပါရီမြို့၏အပူချိန်က -3•C ပင် ဖြစ်နေပြီလေ။

ညသည်လည်း တဖြေးဖြေးနက်လာသည်မို့ သူလျှောက်လှမ်းနေသော လမ်းသွယ်ပေါ်တွင် လူသွားလူလာကလဲ တဖြေးဖြေးကြဲပါးလာသည်။

လေပြင်းပြင်းတစ်ချက် တိုက်လိုက်သောအခါ ဝတ်ထားသော ကုတ်အင်္ကျီအရှည်ကြီးနှင့် မာဖလာက တလွင့်လွင့်နှင့် ပွင့်ဟသွားသည်မို့ ပြင်ဆင်ကာ စေ့ပိတ်ရင်း လျှောက်နေမိသည်။

ဆောင်းရာသီတွင် မွေးဖွားခဲ့သော ကြောင့်လားတော့ မသိ၊ ဒီလို ရာသီဥတုထဲတွင် ပါးစပ်မှ အငွေ့များထွက်နေကာ နှင်းတောထဲ လမ်းလျှောက်ရသည်က သူ့အတွက်တော့ မလဲနိုင်စရာ ခံစားမှုတစ်ခုပင်။