ظلال القلب

3-كلمة النهايه

صلوا علي من جلس علي ركبتيه يواسي طفلا مات عصفوره...🧡
اذكروا الله 💜
لا تنسوا الورد اليومي من القرآن 💙

_____________________________

۞ وَبَشِّرِ الصَّابِرِين ۞

تشتَد وتشْتد وتَشتد ، ثُمَّ يأتِي الفرَج من حِيث لا تحتسب .فكُن علَى ثقَه بِالله دائمًا ، ستأتِي بَعدَ زحام البلاء أفراح !

_____________________________

"من قال سبحان الله و بحمده في يوم مائة مرة غفرت له ذنوبه و إن كانت مثل زبد البحر"

_____________________________

3- كلمة النهايه

بعد قليل من الوقت

كانت والدة اروي تري من الطارق من غيرهم محمد و شهاب

شهاب / انا دكتور شهاب و دكتور محمد مكان دكتور مصطفي عشان جه طوارئ و دكتور مصطفي مش هيقدر يجي

والدتها / اتفضلوا

و قادتهم الي غرفتها
محمد / هو حضرتكم مدورتوش فيها ليه يمكن تعرفوا سبب الغيبوبه النفسيه

والدتها بحزن / لا هي مش بتحب حد يفتش في حاجتها لا ، علي عيني والله علي عيني يا اروي

تركتهم في الغرفه و رحلت نظر الأثنان حولهما يشعر شهاب بالحزن علي حالها ، كانت غرفه عاديه مكونه من سرير متوسط و دولاب ملابس و منضده تضع عليها كتبها الدراسيه

بدأ شهاب بالبحث بين كتبها قليلا لم يجد شي غير متعلاقات الدراسه ، حسنا ظل يبحث في ارجاء الغرفه وجد بعض الكتب الورقيه وقع نظره علي كتاب "استراحه نفسيه " مهلًا انه يعرف هذا الكتاب جيدا لقد احضره لاحد اصدقائه منذ بضع سنوات امسكه و هو يقلب بين صفحاته ليري ما كتبته و ليحزن قليلا يبدو انها كانت متمسكه بالأمل للحظه الأخيره مازال يعبث حتي وجد دفتر مخبأ خلف الدولاب مررته من كسر في الجزء السفلي من الدولاب بالداخل اخذه شهاب و هو يجلس ارضا يقرأ ما هيته

"انا مش عارفه انا حسا بايه كأني مش موجوده ، نفسي اصرخ في العالم كله ، نفسي انفجر في العياط ، اطلع كل الي جوايا انا مش عارفه مين صح و مين غلط ، بس انا تعبت انا حسا اني لوحدي مش عارفه ايه الجديد ما انا لوحدي زي كل مره ، انا عارفه ان كتابة وجعي مش هتمحيه بس وجع مكتوب احسن من وجع مكبوت ، حسا ان فيه دربكه كبيره جوايا و دوشه مش عارفه تسكت و طفل تايه مش لاقي الي يوجهه ، مش عارفه ليه فكرت اكتب ده او ليه كنت بحب اكتب اصلا بس بحس اني بشوف غيري و انا بكتب مش عارفه ليه بحب القرايه اصلا ، بس انا لقيت نفسي بحبها كان نفسي في حاجات كتير اوي و ملقتهاش ، عارف لما يبقي جواك مشاعر و مش عارف تقولها انت نفسك تطلعها بس مش عارف ازاي ، انا مدركه ان المشاعر مش هنعرف نقضي عليها و كبتها هيخليها في يوم تنفجر و ساعتها هنخسر كتير "