تزوجتها ولم تكن عذراء 👀💔
الحلقه 1
كتابه سيلا
منقوله
كنت امقعمز ف المربوعه ونستنا ف العروس اتخش باش اندير المقابله الشرعيه وبعد طول انتظار خشت وم تكن في غاية الجمال كم توقعت لكن اللي جدبني فيها انها كانت في غاية الحياء والحشمه 🥺💗 والشى هدا خلني نتمسك بها اكثر
مدتلي القهوة و قعمزت امقبيلي ( يعني امامي)
بديت في الحوار و سالتها شنحالك ردتت الحمدلله وانت انا الحمدلله اسمك سماح
سماح: ايه
ماقمتش عينها فيا بككل وحسيتها زي يلي ماتبيش او خايفه او مرتبكه خنست الحق
قتلها انا اسمي منتصر راجل سلفي عمري 33 سنه وشروطي انك تلتزمي بالحجاب الشرعي و النقاب و اهلك مش حانحرمك منها انا حوشي بحدا حوش اهلي
مافيش لا اغاني و التلفزيون حايكون بحدود قنوات دينه و هك والهاتف مش حانحرمك منه حتا مواقع التواصل حاتكون لها حدود
انتي اموفقه ع الشروط
لو بابا اموفق انا اموفقه
الشى هدا اكيد
باهي ماتبيش تعرفيني بيك او شن شروطك
سماح: اسمي سماح عمري 20 سنه نقرا كلية اقصتاد
منتصر: ان شاء الله خير
سماح: ان شاء الله
وخشت البنت قعدتت انا و خوها و بوها
بوها "جمعه ":توا اعطيني يومين ي ولدي ونرد اعليك
منتصر: على بركة الله
قعدنا شويه هدرزنا و بعدها روحت ب اهلي
قعمززت مع روحي بعد ما صليت قيام اليل 💗
و نفكر ف البنت هي البنت مش قنينه لكن شن اللي خلاني نشد فها هكي و تكون رغبتي ان نتزوجها شن ي منتصر كيف هكك البنت والله ماهي حلوه لكن كيف هكي نببها و حاس براحة لم كلمتها و كنت نتمني نتزوجها توا ياربي لو كانت خير لي ف تمم اعلينا بالخير اللهم اخترلي و لا تخيرني و خشيت ارقدتت
فاتو يومين نضتت قبل الفجر امشيت لجامع عشان الادان صليت بالرجال و بعد ماسلمت دعيت انها تكون ليا 🥺💗 سبحان الله حبيتها مع ان ليا يومين بس شايفها وتعلقت بها و كنت نستنا ف رد اهلها اعليا بفارغ الصبر وخفت ان يرفضوني 💔 لان بجديات حبيتها و نتمني ربي يجمعني بيها عن قريب روحت القيت امي نايضه و امديرتلي الفطور افطرت وامشيت للعمل كنت نشتغل ف الشرطه امقمعز ف المركز فجاه رن هاتفي شفت القيته بو البنت قلبي حسيته ابدي يرعش و فرحان و خايف مشاعر متلخبطه 🥺
رديت اعليه السلام عليكم
جمعه: وعليكم السلام شنحالك ي ولدي
منتصر: الحمد لله في نعمه وانت
جمعه: بخير وين انت
منتصر: ف الشغل ( وانا في خاطري هي قولي بسرعه قلبي بيوقف)
جمعه ; بنقولك شنصار في موضوعنا
منتصر: شنصار؟
جمعه: بصراحه
منتصر: ايه بصراحه ، في خاطري (هي قول بسرعه قلبي ع نار)
جمعه: امتا العرس 😂
منتصر من الفرحه الاسبوع الجاي 💗😍
جمعه: نعم
منتصر: ااا توا خلي انديرو فضانيه و نتفقو
جمعه: امتا ان شاء الله
منتصر: شن رايك الاسبوع الجايه يوم الاتنين
جمعه : تمام تشرفنا ف اي وقت ي ولدي
منتصر: بارك الله فيك ياعمي
وصكرنا الخط
وانا من الفرحه لين قريب نرقص 🤣 لكن ع شن فرحان هكك وانا شفتها مره بس و مانعرفهاش هدا الشى اللي خلاني نحس انها خير لي 😍
روحت و بشرت العيله و جاء يوم الاثنين و ارفعتلها 40 سياره عشانها هي تستاهل 🥺💗
و درنا الفضانيه و ابعتلها هاتف و شفره جدد لكن اتفقنا مش حانتكلمو الا يوم عقد الزواج
واتفقت انا واهلها ان العرس بعد شهر لاني كنت مستعجل
و مزال اسبوع ع الشهر و يتم امشيت انا واهلي عشان نعطها افلوس البتات 💗 ارفعتلها الفلوس و باقه ورد احمر و كيكه وحطيت كرت ف الباقه مكتوب فيه( يامن ملكتي قلبي من النظره الاولى لم يتقبي الكثير و تكوني حلالي و حرم منتصر 🥺💗 )
فاتو الايام و اخير جاء اليوم المنتظر لبست الزبون و اتعطرت عشان عقد الزواج اقرينا الفاتحه 🥺💗 وقلبي بيطير ف سماء من الفرحه
بعد ما باركولي اصحابي و باركت ل عمي اطلعت البرا و خشيت سجلت رقمها ب حرم منتصر 🥺❤️
واتصلت بيها
عطلت باش ردتت لكن ردتت اعليا
منتصر: الو السلام عليكم
سماح : وعليكم السلام
منتصر: خيرك تبكي 🥺💔
سماح: لاله شى
منتصر :خيرك مضايقه
سماح: لاله فرحانه ان ربي اجعل واحد زيك راجل ولد ناس يكون حلالي 🥺❤️
انا اسمعت الكلام هدا خلاص قلبي بيوقف من الفرحه
منتصر: خلاص هانت مزال اسبوع و نكونو مع بعض ربي يكمل ايتتمم ع خير
سماح: ان شاء الله
منتصر : هي مع السلامه ف رعاية الله
سماح : مع السلامه
صكرنا واتمنيت نقعدو نحكو اكثر
فات اسبوع وكانه اسنين 🥺💔
جاء يوم الخميس اطلعنا عشان نروح بها وانا ف طريق نبعتلها خلاص هانت ياحرم منتصر 🥺
اوصلت الحق صكرو الاغاني و دارو اسماء الله الحسنه انا ماخشيتش خشت امي جابتها هي و نسوين عمامي
وركبت ف السياره و قعدو يباركولنا 🥺❤️❤️ صكرت الروشن لان السياره امظلمه قتلها نزلي عن راسك 🥺❤️
قمت الطرحه و تفاجئت بجمالها حسيت ان مش نفس البنت 🥺❤️ ولات احلاااا بهلبا وعيونها اللي يهروب من نظراتي ليها 🥺 كانت في غاية الجمال مع ان المكياج ماخفاش ملامحها باركتلها ❤️
و انا طول الطريق نستنا غير امتا نوصل للحوش 🥺
خشيت و وكانو ووراي صحابي و خوتي خوي صغير سبقني ع الحوش عشان يصكر الباب وراي لان اصحابي باردين 🙂💔
انا خشت و خوي احمد صكر الباب خشيت بالعروس بعد ما باركتلنا امي 🥺
صحابي قعدو قريب نص ساعه قدام الحوش ينادو فيا 🙂 ويتصلو بيا لين اطلعتلهم 🙂
صحابي كلهم: هي يا منتصر دخلنا نبو نتعشاء عندك بازين
انا: هي انت وياه نردهولكم ان شاء الله 🙂❤️ ماقصرتوش لكن توا بنرقد ليل وغدوه عمل
محمد: غدوه الصباحيه 😂🌚 ي كددداااب
خشيت وخليتهم القيت سماح واقفه ف الصاله و متحشمه 🥺💗
منتصر: مبرووك يا حلالي
وجها ابديي احمر
منتصر: الف مبروووك 🥺❤️
سماح ; مبروك علينا 🥺
منتصر هي خشي الحوش حوشك 🥺
خشينا لدارنا ساعدتها باش نحت الفيلو واطلعت باش نتوضء وهي خشت للحمام امتع الغرفه بتعنا
بعدها طلعتلي بعد ماغسلت وجها وكان وجها اتقول ملائكه 🥺❤️ بدون مكياج لابسه لبست الصلاة وقالتلي هي نصلو العشاء و ركعتين لله ❤️
صلين وكملنا هي نحت بدلة الصلاة كانت لابسه الروب تحتها وكانت زي الاميره 🥺
اتعشينا و خشينا لدار وياريت ما خشينا بعد نص ساعه
منتصر: هدا شن
سماح تبكي 💔 بالله استر اعليا و اسمعني بس 💔
منتصر: نستر اعليك؟ هاا اعلاش ماقتليش من البدايه 💔 😡😡
سماح: منتصروالله انا مظلومه
منتصر ضربها كف لين طاحت لوطه واطلع وخلاها 💔
سماح قعدتت تبكي
اطلع و ولى لكن اسمعها تتكلم اوقف قعد يسمع شن تقول ...يتبع
اعطوني رايكم 🥺💗
و تفاعلو غدوه مع المغرب انزل الحلقه 2 🥺❤️
هي شجعوني ي بنات 🥺
متابعه باش يوصلك باقي الأجزاء
