تزوجتها ولم تكن عذراء 👀💔
الحلقه 11
كتابه سيلا
نسرين: انا قبل حبيبي سيبني ع خاطرك 💔 ومن اهني ابديت نكرهك
سماح: وانا ولم جاءني واعرض الزواج اعليا رفضته عشانك 💔
نسرين: عارفه بس انا حسيت بالنقص واللي زاد كرهي ليك ان منتصر لم شافني ف المقابله ارفضني 💔 و بعداها ب اسبوع شافك و ماقعدتوش شهر و تزوجتو
انا الحق ماكنتش نبها توصل ل اهني بس ايمان جتني و هددتني 🥺💔 ف ساعدتها 🥺 بالله اعليك سامحيني ارجوك 😭💔 اندير اي شى عشان تسامحيني
سماح طلعت وخلتها و نسرين انهارت من العياط 😭
جت سماح ل امها
سماح : ي ماما ي ماما 😭😭
منيرة : خيرك الطف شنفي اعلاش تبكي
سماح : اعرفت من دارلي العمل 😭
منيرة : حااااق😱
سماح : ايه 😭😭
منيرة : من
سماح : نسرين بنت خالتي 😭
منيره : منوووو 😲
حميده : خيرك ي سماح شنو اتقولي اعلاش تكدبي ع بنتي وهي بين الحياة والمووت
سماح : والله يا خالتي هي اللي قالتلي توا
حميدة : موستتتتتحيل انتي تكدبي اعلاش تكدبي تي بنتي نسرين اتحبك كانك اختها 😒😒😒
والله ماتتحشمي اطلعتي و ماتستاهلي المحبه
سماح ؛ والله ياخالتي ما نكدب خشي اسالها اعلاش بنكدب اعلاها 😭
حميده : موستحيل انصدق
منيرة : باهي نخشو و نسالوها ونعرف الحقيقه
حميده ؛ به
خشينا والقينا نسرين تبكي 😭
حميده : خيرك يابنيتي
نسرين ؛ 😭😭😭😭
حميده : قوليلي ان اللي اسمعته كدب 🙁💔
نسرين شدتت ايدين امها : ي ماما سامحيني
حميده : يعني صح كلام سماح
نسرين : ايه ي ماما بس انا ندمانه 😭💔
حميده تركت ايدين بنتها و ناضتت من بحدها
حميده :من اليوم انسى ان عندك ام وانتي بالنسبه ليا ميته
وطلعت وخلتها و انهارت نسرين من البكي جتها خالتها
منيره : احكيلي ي بنتي وين حاطه السحر
نسرين : بالله اعليكم سامحوني 😭😭
منيرة : الله يسامحك غير قوليلي 😭
نسرين : في سحر محطوط ف الفراش امتع السرير بغرفة نوم سماح والتاني ف المقبره في قبر فلان ولد فلان مات في سنه ****
منيرة : هادم بس
نسرين : في سحر كمان في حوشنا بين الشكماج و الحيط
منيرة ؛ تمام
وكيف بتطلع سمحا و نسرين من الغرفه
نسرين : سامحتوني
سماح شبحتلها بقرف 🙄
منيرة : الله يسامحك
نسرين انهارت من البكي
طلعت منيرة و سماح من الدار واتصلو ب ايوب
منيرة : الوو ايوب انت وين
ايوب : اهو قريب من المستشفي تبي حاجه
منيرة : ايه تعالى وصلنا
ايوب : تمام مسافه الطريق
وصكرو الخط
سماح " وين بتمشي
منيرة :مشاور وانجي
سماح : تمام
شويه و جاءهم ايوب روح ب سماح ل حوشهم وارفع امه ل حوش منتصر
ايوب : اعلاش جينا لحوش ال*** قداش ما خاطري انشد نقتله ولد*****
منيرة :عيب ي ايوب مهما يكون يقعد هدا راجل اختك انت ماتعرفش شن صاير فيه
ايوب : ان شاء الله يخلاا
منيرة : تي ي حيوان اختك و راجلها امديرلهم اكتر من سحر
ايوب : ما لقوش غير من بيسحرو ماهو
منيرة : بنت خالتك هي اللي سحرتهم
ايوب : ملا النية نسرين بتسحرهم
منيره : انت النيه
ايوب : قصدي بجديات نسرين
منيره : ايه
ايوب: معقولة والله اللي تحسابه موسى يطلع فرعون 🙂💔
و وصلو ل حوش منتصر
نزلت منيرة من السياره وخشت ل حوش اهل منتصر خبطت ع الباب و فتحتلها خيريه
منيرة: اهلين كيف حالك
خيريه: الحمد لله وانتي
منيرة: الحمدلله
خيريه: تفضلي تفضلي
منيرة: يزيد فضلك
وخشت منيرة
خيريه: شنحال سماح
منيرة: الحمد لله لكن هاتي البشاره
خيريه: بشارة شن
منيرة ; كان انقولك ان عرفنا مكان السحر
خيريه: تكدبي
منيرة: والله تعالى انفكو اول سحر
خيريه: ملا هم كم
منيرة: هلبا
خيريه: باهي وينه الاول
منيرة: اول واحد ف حوش منتصر ف غرفة النوم
خيريه: باهي تعالى نمشوله
امشو ل حوش منتصر افتحلهم منتصر الباب كانت حالته متحسنه 💜
منتصر: كيف حالك ي عمتي
منيرة: الحمد لله وانت شنحالك يا اوليدي
منتصر: ف نعمه
خيريه قاطعتهم هي ي منيرة و بعتالي هدرزو ع راحتكم
امشو منيرة و خيريه ل دار النوم و منتصر استغرب فا صكر الباب و الحقهم
خيريه: وين
منيرة: قالو تحت السرير او تحت المندار" التخت " معاش ندكر
فتشو تحت السرير مالقو شى و تحت المندار مالقو شى
خيريه: مافي شى
منيرة: شوفي شن الفتحه هادي اللي ف الجنب و مخيطه
خيريه: مانعرفش
منتصر: غير فهموني شن اديرو واعلاش نكتو الدار " بمعني خلتو الغرفه فوضه "
منيره: برا جيب مقص او موس او اي حاجه نفتحو بيها
امشى منتصر و جابلهم المقص و فتحو المندار و القو السحر
منتصر: سلام قولا من رب رحيم 😶💔💔 الطف هدا شن
خيريه: هدا سحر مزال في غيره
منتصر: باهي اعلاش انا شن درتلهم 💔
منيرة: باهي شن انديرو بيه توا
خيريه: مانعرفش
منيرة: توا بنتصل براجلي عشان يرفع شيخ يفك السحر اللي ف المقبره
خيريه: تمام
منتصر: هو مزال فها مقبره
منيره: ايههه ياوليدي ربي يلطف
اتصلت منيرة ب جمعه
منيرة: الوو
جمعه: شنحالك وينكم مش ف الحوش
منيره: غير اسمعني قبل
جمعه: شن في
منيرة: تعرف مقبرة *****
جمعه : ايه ايه اعرفتها من ميت
منيرة : نبيك ترفع معاك شيخ
جمعه : شيخ شن اللي بنرفعه
منيره: غير: اسمعني بس ارفع معاك الشيخ باش يفك السحر
جمعه: سحر شن الطف
منيرة: السحر اللي امديرينه ل سماح و منتصر
جمعه: الله اكبر 😶 سحر 😱
منيرة: ايه تلقاه ف قبر فلان الفلاني سنه ****
جمعه: وانتي منين اعرفتي هدا كله
منيرة: توا نحكيلك و اخطم ع حوش اختي حميده
جمعه: شن في تاني غادي
منيرة: في سحر تاني باش الشيخ يفكهم
جمعه: تمام
منيره ' خلاص ملا نتلاقو ف حوش اختي
جمعه: تمام
طلعو و اخدو السحر اللي القوه و امشو ل حوش حميده
خش منتصر للمربوعه قعمز غادي
وجاء جمعه و الشيخ
عشان ياخدو السحر
حميده طلعتلهم السحر و اخدي الشيخ السحر من حميده و من منيرة عشان يفكهم و فك السحر
و روح الشيخ
طلعت منيرة و خيريه عشان ينادو سماح
خيريه: بنيتي سماح شنحالك و الله ليك وحشه 😭💗
سماح: والله ليك اكتر
خيريه كيف تبي اتقوللها منتصر برا لكن قاعده خايفه من الحاله اللي اتجها لم تسمع بيه
سماح: املا منتصر وين ل امتا بخليني ف حوش اهلي
خيريه انصدمت و حظنت سماح : اخخخ ي بنيتي حمد لله ع السلامه 😭😭💗💗
منيرة ابدتت تزغرط لوووللللللللي لوووولللللي
وطلع سماح ل منتصر و هما يزرطو
منتصر بحزن : انا اسف 💔💔 اني زعلتك
سماح: وحتا انا اسفه
منتصر: تبي ترجعيلي و تكوني مرتي و نبدو من اول و جديد
سماح بخجل: اكيد 😊
منتصر: ياعني بالله اعليك سامحني انت عارف غلاوتك و غلاوت بنتك عندي ياريت تقبل اسقي و ترضي ان سماح ترجعلي 🥺💜
جمعه ' لاله ولا يهمك انت سبرك ب سبر ولدي ايوب 💜 وانا عارف ظروفك تقدر تاخد مرتك و تروح
حميده قاطعتهم
حميده: اختي خيريه و منيره و خوي جمعه و لدي منتصر و بنتي سماح ياريت تقبلو اعتدري انا عارفه ان اسفي مش حايردلكم شى من اللي فاتكم او بينقص وجعكم بس ياريت تسامحوني 😓💔
منيره حضنت اختها انتي ماليكش علاقه
سماح: مهما يكون انتي حاتقعدي خالتي وصاحبتي وكل شى 😭💜 اهو نسرين تتحاسب توا 💔 ربي يلطف بيه
منتصر: مع اني مش عارف راسي من راجليا لكن فهمت انك ماليكش علاقه ب اعمال بنتك
حميده ;تسلمولي وانا مش مسامحتها ومعاش بنزورها لين تسامحوها انتم
منيره: لاله توا متخلهاش بعتالي توا انشوفو شن يصير
حميده : شكرا والله
سماح: الشكر ليك بسببك انفك السحر انتي مش عارفه ان اهلي،كانو يحسابوني مجنونه و بدخلوني مستشفى المجانين شكرا 😭💜
حميده: هدا واجبي وانتي زي بنتي
وقعدو هدرزو شويه وغيرو جو
منتصر ' هي نستادن توا بنروح انا ومرتي 💗
خيريه: وامك من بيها 🙂 ولا جتسماح انسيتني 💦🌚
سماح ; تي انتي ي عمتي فوق روسنا من فوق
منتصر ' انتي السياره و الحوش كلها ع حسابك ي ست الكل 🥺
خيريه: عارفه يخليكم ليا
منتصر : ويخليك ي ست الكل
خيريه : خلاص انتم روحو توا نتصل ب خوك يروح بيا عارفتكم مستحشين بعض
منتصر وسماح تحشمو 😊💗
منتصر :: هي سلام
وطلعو وركبو السياره وقعدو طول الطريق يدكرو ف الحاجاات الحلوه ويحكو لبعض ف الاوجاعو قداش ماعانو بعد مابعدو عن بعض 😭💜
منتصر : هي انزلي ي اميرتي نورتي حوشك تعرفي الحوش بلاك ماليش طمع بكككل
سماح: ياعمري انت تعرف استحشت حوشنا وكل شى فيه واخير بنرجعو عيله وحده
منتصر ; باهي نخشو
خشو القو الحوش امظلم
منتصر ; اعطيني وشاحك
سماح: اعلاش
منتصر: هي نحي
سماح نحت الوشاح
منتصر زودي بنحطه ع عيونك 🥺💜
سماح: شن في
منتصر: توا تعرفي افتح الضى و داخل سماح لغرفتهم
سماح: هي عاد
منتصر: لاحظه بس
سماح: ليا ساعه نستنا
منتصر: هي نحي 😍،
سماح نحت الوشاح اللي كان رابطه ع عيونها وانصدمت ان منتصر ف ايده باقة ورد 💜🌸
منتصر: هدا الورد بعدد الايام اللي قعدنا فيهم مع بعض واللي حتا ابعدنا فيهم عن بعض 🥺💗 انا كنت ناويه انديرلهالك من قبل لكن ربي ماسخرش اهو توا جت احلا واحلا
سماح ابدتت تبكي 😭😭❤️
منتصر: اعلاش تبكي لون الورد ماعجبك 🥺💔
سماح: انا ما نستاهلش هدا كله 😭😭 معقولة تحبني لدرجه هادي 💜🥺
منتصر: واكتر
سماح ابدتت اتشوف للغرفه كيف متعطره ومزينه وفي كيكه 💜 وفي قفطان ع السرير 🥺💜
سماح: انت اعظم زوج 😭💜 كيف لحقت ع هدا كله ف ساعتين والله انحبك
منتصر: ع شانك بس 🥺💜💜
سماح : ياعمري الحلو
منتصر كيف بقرب منها بعدتته 🌚
سماح: عيب 😶
منتصر : عيب عينك انسيتي انك حلالي 🤤
سماح: لاله راجلي مش صايع
منتصر: لاله صايع من كادب اعليك
سماح: انا حبيبي ملتحي ومن النساء يستحي 🤭
منتصر: غير تعالي توا اتشوفي انا نستحي ولا لا 😂😍 ،،،، يتبع
