تزوجتها ولم تكن عذراء 👀💔
الحلقه 9
كتابه سيلا
بمجرد ما خشت سماح و شبحت و منتصر اشبحها جتهم الحاله
طايحت صونية القهوة 💔 و ابدتت ترعش وتعيط و تقوله اطلع برا و هو يعيط اعلاها ويقوللها اطلع مانبيش نشوفك و عيونه كلها كانت غضب قعدو شوية ع الحاله هادي و الزوز طاحو لوطه 💔 وقعدو اهلهم ينوضو فيهم 🤕💔
ورفعوهم للمستشفي قعدو يوم وكل واحد روح لحوشه
بعد مرور اسبوع ع حالة سماح ومنتصر اللي كلها عداب
الساعه 2 ف ليل
سماح: ي ماما نوضي
منيرة: خيرك شن فيك
سماح: نبي انقولك ع حلمه احلمتها 😓
منيرة : ان شاء الله خيرا
وطلعت مع سماح ل صاله باش يحكو
سماح: احلمت اني في مكان بروحي و طلعولي زوز عقارب 😖💔 وانا من الخوف ابديت نبي نقتلهم
منيرة: حسب مانعرف ان العقارب نساء يكيدولك ويكرهوك
سماح : الطف ماعندي مشاكل مع حد
منيرة: بالك عزوزتك
سماح: لاله موستحيل مسكينه المراه والله كانت تعامل فيا ك بنتها 🥺❤️
منيرة : مش عارفه الحق
سماح : باهي امتا بنمشو ل حوش خالتي حميده اقل شى نغير جوي 😓
منيرة: غدوه ان شاء الله
سماح : باهي كويس اقل شى نغير جوي مع نسرين
منيرة ; باهي توا بري ارقدي باش تنوضي بكري نمشو انباتو يومين تلاته و نروحو
سماح : تمام تصبحي ع خير
منيرة: انتي من اهلو
خشيت لدار عشان نرقد كيف غمضتت عيوني ناض اعليا قلبي 💔 ابدي يوجع فيا في وجع لا يوصف الم لا يحتمل انحس كانه سكين داخل بقلب 💔
ماحبيتش نزعج اهلي 😖 قعد يوجع فيا فكرت انسمي اعليه قعدتت انقول بسم الله 3 مرات و حاطه ايدي ع قلبي 😓 وقعدتت نقرا ف القران لين اتنح الوجع
وارقدتت
تاني يوم ناضو سماح و منيرة جهزو اروحهم عشان يمشو لحوش حميده
وصلو ل حوش حميده
حميده: ياهلين وسلهين بالعروس واخير شرفتينا
سماح: اهلين بيك
حميده ; عاش من شافك
سماح: اتعيشي وتشوفي خالتي شنحالك باهي
حميده: اتفضلو اتفضلو خيركم واقفين
خشت سماح و امها
حميده: يانسرين يا نسرين تعالى شوفي من جاء
نسرين: اووو سماحي عندنا 😍💜 شنحالك ي غزاله والله ليك وحشه 😭❤️
سماح: ليك اكثر حبيبتي 🤭💜💜
نسرين: كيف حالك يا خالتي 😘
منيره: الحمد لله وانتي مشاء الله اعليك حليان 💜
نسرين: اصلا انا ديمه حلوه 🤣🤣
منيرة: ايه مشاء الله اعلاها بنية اوخيتي 💜
نسرين: هي تعالى سماح معايا باش تحطي حاجاتك ف داري و تستريحي 💜
سماح: هي 🤷♀️
نسرين: هي توا بناخد سماح مستحشتها 🤗❤️
منيرة: بروو هدرزو مع بعض
حميده: كان تعرفي بنتي بروحها قاعده لا اخت لا خو و تحب سماح كانها اختها و كل ماتطلع تتفكر ب سماح بحاجه واخير جت باش تعطهملها 😂😊❤️
نسرين: اكيده اصلا من عندي غيرها 😍💜 اوخيتي اللي ماجباتها امي ❤️
سماح: والله القلوب عند بعض وجاء ع خاطرك قلت نجي نغيرو جو مع بعض
منيرة: ربي مايفرق بينكم ❤️🤲🏻
سماح: ان شاء الله يارب
نسرين: يارب 😊
حميده: يارب
حميده ' قبل ماتخشو ادردشو مع بعض ديرولنا قهوة قبل خلي حتا انا بنهدرز مع وخيتي مستحشتها 💜
نسرين: من عيوني
سماح: توا نجي معاك
نسرين: لاله بري ل دار و غيري احويجك و في فرده ف الدولاب فاضيه خودها حطي فها احويجك و حاجاتك 🌸
سماح: لاله خلي نساعدك مش معقوله انخليك 🥺
نسرين: والله ما صارت هي بري استريحي انوتي القهوة ل خالتي و امي و اندير حتا لينا ❤️
سماح: اوك ع راحتك
وامشت سماح ل دار عشان تغير حوايجها وتستريح شويه
خشت نسرين لل مطبخ
وطلعت حاجه من جبها ملفوفه طلعت زي العبه صغيره و في ايدها الثانيه دبوس 📌
وابدتت تغرس ف الدبوس ف العبه الصغيره ف جهة القلب وكانت اديرها فها بلقوة
عند سماح كيف نحت العبايه حست بقلبها بيطلع من مكانه ابدتت تنادي في امها 🥺
سماح: ماما ي ماما
امها جت تجري لان الصاله كانت قريبه ع غرفة النوم
منيره: خيرك شن فيك
سماح: قلبي 💔💔💔
منيره: بسم الله اعليك يا بنيتي توا مكان فيك شى 🥺💔
سماح: قلبي يا امي 😭💔 معاش قادره 💔
منيرة: قوليلي شن ندير و حانديره 😭
حميده: خيرك ي بنيتي وين يوجع فيك ترا
سماح ' في قلبي
حميده: عاينتي
منيره: ايه عاينتها لكن قالو ما فها شى
منيرة: نسرين ي نسرين
نسرين : خيركم شن في الطف خيرك ي سماح
سماح بصوت كله تعب: قلبي كان يوجع فيه
نسرين: قاعد يوجع فيك
سماح: لاله خف شويه 😓💔
نسرين: خيرك لا باس
سماح ; مش عارفه
منيرة عيونها دموع ع خاطر بنتها
سماح: نبي نرقد 😴💔💔 تعبانه معاش قادره نوقف
نسرين: تعالى نساعدك و نحطك ع السرير
سماح: ربي يخليك لي 🥺💜
نسرين ; مش بينا احنا اخوات 🥺❤️❤️
خشت سماح رقدتت ف الدار
وقعمزت نسرين و حميده و منيرة مع بعض يحكو ف موضوع سماح
حميده: خيرها بنتك
منيرة: والله مش عارفه زي ماتشوفي 🥺💔😓
حميده: معقوله عاينتها و قالولك ما فها شى 😴
منيرة: ايه كد مره اعرضنها ع دكتوره يقولو انها حالتها كويس واللي صايرلها زي الصدمه و عندها حالة نفسيه
حميده: الطف هدا كله و يطلع ما فها شى
منيرة: ووايه وحالتها هي و راجلها واصله للطلاق 😓💔
حميده ; وهدا خيره الطف شن جاءه مش ف اسبوع سماح عيت وهي تشكر فيه
منيرة: مش عارفه كل ما يبي يجي يردها اول مايشوفها يتعفلق و يقوللها بري مانبيش نشوفك
وحتا سماح تقعد تعطي و تلز فيه
وكان قلتي اسم منتصر قدامها حتا بلغلط قدامها اتنوض فيك زي الغوله
حميده: معقوله هدا كله صاير 😱💔
منيرة: ولا قلبها كل مره ينوض اعلها و مرات يصرللها ضيق تنفس لين ترعش لين انحسها انها بتموت 🥺💔
حميده: ي بنيتي ي سماح هدا كله صاير فيك 😓💔
منيرة: والله عشيتها تغيرت ابدتت عداب 💔
حميدة: مايطلع الا حد امديرلها كتيبه
منيرة: حتا انا تفكيري هككي لكن بنتي ماعندهاش خلطه هلبا و مافي حد يكرها لدرجة يسحرها
حميده ; والله ع نياتك يا اوخيتي تعرفي والله بنتك مسحوره و قولي حميده قالتها
منيرة ; معقولة
حميده : ايه والله وقت توا يحسدوك حتا ع دم وجهك
منيرة: كيف بنتاكدو انها مسحوره
حميده: في شيخ امشتله حماتي ع خاطر بنتها كل مايجهاا عريس يهرب مع انها جمال و ادب و اخلاق لكن شى كل مايخبط حد الباب مايصيرش نصيب تطلعت بنتها مسحوره ان متزوجش بكل
منيرة: الطف ياربي ومن اللي في قلبه الغُل هدا كله
حميده: كان تعرفي من اللي ساحرتها
منيرة: منو
حميده: مرت عمها لان بنات عمها كلهم عنزو ومش قننينات و مافيش حد جاءهم حتا الشايب ماشفلهم
منيرة ' استرنا ياربي الدنيا اتخوف ابدتت
حميده: شن رايك نمشوله الشيخ و نشوفها و نتاكدو
منيرة: تمام
وفتحو مواضيع تانيه و هدرزو وبعدها الكل رقدو
تاني يوم الصبح
سماح: صباح الخير ي عيله
حميده: ثباح النور
منيرة ' صباح النوء
نسرين: صباح الورد يا احلا ورده
سماح: تسلميلي
حميده: هي زودي افطري لان عندنا مشوار
سماح: وين
منيرة: توا تعرفي
سماح : تمام بتمشي معانا نسرين وله
نسرين: اكيد
سماح: اوكي بعد الفطور نمشو نجهزو اروحنا 🌸
نسرين: تمام
كملو الفطور و طلعو و وصلو لشيخه
حميده ' السلام عليكم
الشيخه: وعليكم السلام
حميده: ياشيخه نبي نحكيلك قصة بنت اختي وابدتت تحكيلها شن صاير
الشيخه: البنت معمولها كد سحر لها و ل زوجها ضروري تبدا ف الرقيه الشرعيه هي و زوجها و يحافظو ع الصلاة والادكار و قراءة سورة البقرةلانها تبطل السحر
حميده: صحيتي
نسرين: ماما
حميده: خيرك
نسرين: ،،،،يتبع
