بيلف بالكرسي لينصدموا هما الاتنين
اروى مجرد ما شافته الدموع اتجمعت ف عينها
مالك كان بيبصلها وهو حاسس انها كانت وحشاه
أروى استجمعت قوتها وقالت.. بعتذر فكرت الرائد عز موجود وجت تخرج صوته وقفها
مالك بجديه .. أنا هنا مكانه تقدري تقولي كنتى جايه ليه
اروى من غير ما تبصله.. محتاجه المهام بتاع الاسبوع
مالك مد ايده بملف.. اتفضلى عندك بعد يومين مهمه في مأمورية القاهره
اروى خدت الملف.. تمام وخرجت
اول ما قفلت الباب دموعها نزلت مسحتها بسرعه.. أنا مش ضعيفه ولازم اكمل حياتي عادى زى ماهو مش فارقه معاه
مالك من وراها.. انتى لسه واقفه يا دكتوره على شغلك يلا
اروى اتخضت منه معقول شافها بتعيط مشيت من قدامه
مالك .. جيبلى القهوه على المكتب يا سعيد
سعيد.. حاضر يا باشا
........ ........ ......... .......
لين .. أنا هروح اشوف اروى انهارده
زين .. ماشي اوصلك ؟
لين.. لأ روح انت الشركه وانا هخلى السواق يودينى
زين .. ماشي يا حبيبتي
لارا.. مش هنروح الجامعه بقي أنا زهقت من البيت
سليم.. الاسبوع الجاي هنروح بيتنا والجامعه
لارا.. بيتنا؟
سليم.. اه امال هنفضل عايشين عند بابا أنا ومالك كل واحد عنده بيت
لارا.. وفيها اى انا حابه هنا
سليم.. هنبقي نيجى
لارا.. طيب انا زهقانه تعالي ننزل نقعد مع ماما
سليم .. ماشى تعالي
........ ......... ........ .......
اروى قرأت الملف ولقت اسم وائل مكتوب ف القايمه عندها
اروى.. لو سمحتي يا مريم ممكن تاخدى انتى الاسم ده بدالى
مريم .. أنا آسفه بس لو مالك باشا عرف فيها رفد ليا هو قايل كل واحد يلتزم بشغله
اروى.. تمام شكرا
مريم.. ياريت متزعليش
اروى.. لا عادي
الباب اتفتح ودخلت ..
وائل قام من مكانه .. اروى حبيبتي أنا كنت فقدت الأمل اني اشوفك تاني يا بنتي
اروى بجمود.. عندك كشف
وائل.. مش مهم أنا كده كده ميت يا اروى المرض ده محدش بيسلم منه اهم حاجه انى شوفتك انا بقالى شهر بتحايل على مالك يخلينى اشوفك هو عامل ايه معاكي
