اهات القدر

بارت ٢٠

آهّآتٌ آلَقُدٍر
آلَبًآرتٌ 20
بًقُلَمً ŇẸβŘÃŜ

لي أيام حزينة
ولي ذكريات أليمة
وزدت عليها سواتك اللعينة

*دريت اني بكيت
لأنك في حقي خطيت
افضحتني دموعي
ولامنديل لقيت

رغد

حسن شنهي صاير متحجي شني ليش تعاركت

حسن: عركه شباب لاتدخلين

رغد: شني السالفه متستوجب يضربوك بچتفك

حسن ولاحجه وصالح كذالك ساكتين لؤي يدور بعيونه

عادل: احنه نترخص يله كريمه امشينه

كريمه: اي يله

كريمه: رغد حبيبتي خلي يرتاح لاتلحين بل الاسئله

رغد: اكلچ نيمته ترحون حته اجي اعاونج

كريمه: ان شاءالله باجر الضهر من يخلصون الجهال الامتحانات

رحت زتيتهم لباب ورجعت جان لؤي يحجي

لؤي: لو منك اموته خلاص شلون عفته

حسن اي بس انا هم دميته لاما جماعته وتعرف الكثرة تغلب الشجاعه

صالح: ها فوكها شجعه

لؤي: وهو يعض اصبعه چا وين جنت انا اخ بويه لو ادري

اندك الباب فاطمه تبجي حبيبي رسول روح افتح الباب

رغد: ماما شبيج يله هاي الالعاب لعبي بيهن لاتبجين تكعدين الداده علي نام لان الضهر منايم عطيتها

اصوات عاليه رحت اشوف شني صاير رحت لهول

جان موجود عمي وحماي عبد الخالق وثائر ابن حماي علي

عمي(مشتاق): اكلك شو انته اجيبنله الطلايب لو طارة

حسن معاجبه الوضع ساكت

لؤي: والله لو انا اسوي ازيد جا دست بطنه وازوعه حليب امه

مشتاق:اكلك انته ليش متسكت شي تافه على شنو العركه انته واخوك مامحصل وراكم غير الطلايب

وانته يل جبير عدي اله اعتبره جاهل ذب عليك طين امكن متقصد على شنو العركه

لؤي: بويه هو هويشم استفزازي سفيه يرادله كرصه اذن

مشتاق: مالي خلگ لطلايبكم ها عيب مو غربه وتعاركون وياهم يبقون عمامكم

لؤي: مريد هيج عمام ها كللهم يضبون ابنهم ترة ندوس بمصارينه جا شنو تايهه خو ما تايه

صالح: رغد سوينه استكان چاي

رحت اسوي چاي غسلت الاستكاين وخليت شكر وانتضر الچاي يخدر خن اسوي عشاء بين ميخدر الچاي