part : 5
وقفت ع البحر و مصددومه... دموعها ينزلو بدون توقف 💔..
قـوية: جيتك لـ نشكيلك همي الي مقدرتش نشكيه لـ حد ... هاربة من الدنيا كلها.. مخنوقة مش قادرة نتنفس .. خاب أملي فيه ... تعبت ليش مشيت اصلا؟ لييش؟
..•♡كان سبب ابتسـامتي:ولكنه أبـدع في بُـگائي
قوية: كنت نحسابك غيرهم.. بس طلعت زيهم.. نسيتني و بسهولة... في الوقت الي انا لازم انكون معاك و نضحكو جميع ... انت تضحك و انا منموت من ندمي
ـ كنت نحسابه ان انا الي خسرتك بس لا.. انت الي خسرتني... صح غلطت بس مرضيتش تسامحي طلعتني من قلبك بدون ما تشوف لـ قلبي شن بصيرله..
اي نعترف غلطت بس المفروض ان تسامحني... المفروض ان تشد يدي و ترفعلي راسي و تمسح دموعي . المفروض توقف معاي مش ضدي 💔
ـ انت درت العكس انت خليتني بروحيب ف الوقت الي محتاجاتك فيه... انت رخيت بيدي و قتلي كلام قاسي و هنتني و ندمت أني كنت قطعه منك .. ندمت اني نرجعلك حرام عليك جرحت قلب يحبك... 😭
ماما سامحتني و تقبلتني بـ الغلط متاعي رغم انك هنتها و انفصلت عنها بس هيا وقفت معاي و حاربت معاي .. مش ضدي (قعدت تبكي و تلوم فيه )
وينك يماما بس ويينك
ـــــــــــــــــــــــــــــــــــــــــــــــــ
(غيداء طلعت و سكرت الباب و الضي مشت لـ أنس و بالها مشغول مع قـوية و مش عارفة شن ادير )
بعد شوي رقدت أنس و بتتصل بـ قوية:
ترن ترن ترن ترن
ـــــــــــــــــــــــــــــــــــــــــــــــــــــــــــــــ
خالد كيف ناض
خالد: آخ راسي
ترن ترن ترن
خالد: منو هادا ع الصبح
خالد بدون ما يشوف الاسم: أها صبحح صبحح شن في؟؟
محمد: تعالا لـ حوش أهلي إحني غادي و منتعشو
نعرفكم على أهل خالد ♡•
• محمد (أخ خالد و متزوج و عنده زوز بنات و زوز ولاد )
•سالمة(أم خالد)
•حميدة(أخت خالد مش متزوجة و كبيرة شوي)
عيلة محمد:
• زينب (مرته)
•سرور(بنته عمرها 20سنه و مبطله قراية)
•فرح(بنته عمرها 25سنه و تقرى في طب)
•حذيفه (ولده عمره 18سنه)
•فارس (ولده عمره 28 و يخدم )
نرجعو لخالد:&
خالد: امبااه ع الصبح تبيني انجيك؟
محمد: اي ساد فيك نوم نوض هيا
(طبعا خالد سكر المكالمة في وجه محمد 😂لان الباين طيرهوله )
ــــــــــــــــــــــــــــــــــــــــــــــــــــــــــ
بعـد 6 سـاعـات :
قوية ردت ع الاتصال متاع غيداء:&
غيداء بغضب و خوف: وينك ؟ ليش مترديش؟ و ليش عطلتي ؟
قوية بصوت تعبان: أهو قريب نوصل و لما نوصل نحكيلك
غيداء: ليش صوتك هكي
قوية: ولا شي هي منسكر
غيداء: ااا.........
سكرت المكالمة 💔و غيداء مكملتش كلمتها
(
قوية سارحه في الطريق لحد ما وصلت للحوش خشت حطت المفتاح ع المدخل و حولت السبورت و هيا ساكته دموعها ينزلو بس... خشت حولت عبايتها و غيداء وراها تتكلم و هيا (لا حياة لـمن تنادي) 💔
غيداء: قوية ليش تبكي خيرك
قوية مصدوومه و انهارت: ليييش ياربي ليييش
هناء جت مصدومه بـ شكل قوية و لانها تعبانه 💔
هناء: خيرك شن في؟
قوية: علاش يلي نحبهم يمشو؟
غيداء دمعتها نزلت: شن جاب سيرته توا؟
قوية: انا غلطت و ياريت ما غلطت
غيداء:شن درتي؟ شن الغلط
قوية ساكته و تبكي منهاره بالبكي
غيداء: انا منسامحك حتى كان غلطتي قوليلي شن درتي
قوية. حضنتها و قالت: مشيتله 😭 و ياريت ما مشيت.. هوا تغير ... هوا تغير... هوا يضحك بدوني.. هوا خلاني بروحي و يضحكك.... (خدت نفس و هيا مخنوقه و تقول) يا هوا تركني ف الوقت الي نبيه فيه.. سيبني في الوقت الي لازم يوقف جنبي.. 😭 يضحك و الله
غيداء: انتي كذبتي عليا؟؟
قوية: اسفه غيداء بس 😭
قوية مسحت دموعها و قالت: انا خليت أنس بدون أب.. نبي نرجعله بوه.. منبيش ضميري يأنبني و نربي خوي بدون أب .. نبيه يتربى في حضن بوه
غيداء مسحتلها دموعها و رفعتلها راسها و قالتلها: احنى قلنا أنس حيقعد سر ولا؟
قوية: اي💔
غيداء: اي تمام.. و انتي مش السبب معاش تلومي نفسك ... خلاص أنس بدون أب بس عنده أخت زي الاب و الام و الاخ و الاخت ليه.. و حتكوني سند خوك
حتحبيه و تربيه و تقويه انا واثقه فيك .. و عارفه مش حـ تخيبيلي ظني
ــــــــــــــــــــــــــــ
رايكم؟؟؟؟
أنت تقرأ
قَـويّـة ...♡
أدب المراهقينطبعا الروايه باللهجه الليبية الـمهم : الروايـــــــة تحـكِـي عـن الواقع الـي احنى فـيه 🥀💔
