Part : 3
هناء :انتي منزلتيش خشمي
بعد اسبوع:
هناء مرضت فجأة و اضطرت ان تكشف سرها لـ بناتها
هناء: غيداء&قوية تعالن
قوية&غيداء بإبتسامه : نعم ماما
هناء متوترة : منقوللكن سر بس منبيكمش تضايقو منه .. و قبل ما انقول نبيكم تعرفو ان انا مش مضايقه منه و مستعده ان نضحي بروحي عشانه ..
قوية&غيداء خافن: ماما شن في تكلمي
(قوية من بعد الي صار صارت تتوقع للأسوء ديما ) ♡
قوية: ماما متقوليش بتموتي 💔
هناء: هههه (ضربتها ع راسها ضربه خفيفه و حضنتها) تي انا منقدرش انسيب احلى قوية عندي اصلا 🥺😊
قوية فرحت: مالا شنو هيا قولي
غيداء: مامااا
هناء: انا و خالد مش مطلقين (غمضت عيونها )
قوية&غيداء فرحاناات و هلبااا: كييف
هناء: هوا مايعلمش لان انا حامل
قوية&غيداء خيبه و فرحه: ااااا😳
قوية سكتت شوي و قالت: كيف حامل توا
هناء: تحشمي يا بنت ههه ... اهو نشرحلكم المرأة لما تكون حامل راجلها مايقدرش يطلقها . و خالد ميعلمش و مستحيل انقوله و انتم متقولوش هادا سر
و حيقعد سر
قوية: (بـ فرحه كبيرة) و احلى سر 🥺🥺♥
غيداء مصدومه و فرحت لان الطلاق باطل ♡
(غيداء و قوية من اول ما عرفو بالموضوع زاد اهتمامهم بيها و فرحتهم كبرت و كان البيبي سر بينهم بس الصدمه... 😳😳😳💔
تسريع الاحـــــداث :
بعد شهور:
هناء بتولد: غيداااء
جت غيداء و قوية و رفعوها للمستشفى و.. 😳😳😳.
غيداء بـ توتر: خلااص عطلو نبي نعرف شن
قوية: ياا رب تطلع بالسلامه يااا رب
متوترات و بطيرو من الفرحه
قوية فجأه مشت للسطوح و سرحت تفكر كيف البيبي بيتربى بدون اب و بسببها و تقول: اسفه يا بيبي بس انا حرمتك من بوك 💔 حرمتك من احلى شي عندي حرمتك من شوفته و حرمتك من حنان الاب ( بدت تبكي... مسحت دموعها و رفعت راسهاو قالت : غلطه و متصلحتش لحد الان بس مستحيل و الف مستحيل انخليك تتضايق لان معندكش اب و اسفه لان حنكدبو عليك و حنخبوه عليك بس وعد حنعوضك عن كل شي اوثق فيا 🥺💔
بعد شوي غيداء تجري ل قوية شدتها من يدها و قالت: ماما💔🥺
قوية: خيرها؟؟
تشوف ف دكاترة يجرو انصدمت
غيداء انهارت بالبكي و مشو وراهم💔
قوية: هيا نبي انشوف ماما خيرهم عطلو؟؟
غيداء:
وصلو للغرفه متاعها ♡ شافو اجهزة جنبها. دخلت غيداء و قربت من هناء
غيداء:ماما الحمد لله ع سلامتك
هناء حاسة انها تاخد ف أنفاسها الاخيرة :ديري بالك عليه
غيداء:خيرك و كأنك تودعي اكيد غضوا يعطوك خروج 🥺
هناء رخت يدها و غمضت عيونها .توفت💔و كان خطأ طبي
غيداء مصدومه و خايفة:ماما . دكتووور💔
قوية قعدت برا تبكي و تقول( يا رب اعطيني القوه عشان نعوضه عن كل شي) مسحت دموعها و سمعت صوت غيداء طالع خشت تجري
قوية: شن في خيرها ماما
الدكتور غطا ع وجه هناء:عظم الله اجركم
قوية من الصدمه اغمى عليها و غيداء مش قادرة تتكلم تفكر كيف ح تربي خوها و كيف ح تتخطى؟💔
فاقت قوية و قاعدة مصدومه و تبكي
تسرييع ف الاحدااث🌕🌠
بعد شهر قوية قاعدة زعلانه بس خوها معوضها و طول الوقت مهتمه بيه و غيداء برضو كذالك و سموه أنس و گإن خالد سبحان الله يخلق من الشبه اربعين .. ♥🥺
وصلو للحوش و قوية خدت خوها ف حضنها و شبحتله اختفت ابتسامتها و شعرت بالحزن و تأنيب الضمير مشت حطاته على سريرها و تحكيله و تقول : و هادا الحوش الي بتعيش فيه و هاد السرير الي وقت تكبر منتعاركو عليه و اسفه يا عمري انت بسببي صرت بدون اب حرمتك من كلمه بابا.. و ماما مشت ي عمري قعدنا بروحنا و تبكي 💔💔 .. باساته يامحلاك و محلا ريحتك و اممم حسيتك بتطلع مشاكس 😳🤪ههه صح نتألم و نضحك 🥺..بس انقولك سر؟... بعد شوية وقت حترجع لـ حضن بوك و انا بـ إيدي حنعطيك لـ بابا وعد ... ♡
طلعت من الدارو مخنوقه اتفكر كيف حترجعه تبكي و تقول:
بابا استاحشتك و ياريت نقدر نمشيلك... ياريت نسمع صوتك .. بابا انا نجحت... بنتك نجحت و كبرت و عقلت و عاقبتها و رضت بالعقاب خلاص توا رجعني للحوش.. تعلمت من خطئي يا بابا ... و الله ندمانه و منموت... عندك ولد يا بابا بيتريى بعيد عنك 💔.. خلاص حط يدك ع قلبي و طفي النار و الله تعبانه.. 😔😭... استاحشت حضنك 😔.. (مسحت دموعها و تزيد تبكي و تقول) .. يا بابا خلاص تعبت .. تعبت من كل شي و انحاول ننسى بس مقدرتش ... ليش سيبتني بروحي.؟؟. كيف هان عليك تخليني هكي؟ كيف هان عليك تضربني؟ كيف تلوح اميرتك في الشارع؟
( غفت و نامت و هيا تبكي
يتبع...
أنت تقرأ
قَـويّـة ...♡
Novela Juvenilطبعا الروايه باللهجه الليبية الـمهم : الروايـــــــة تحـكِـي عـن الواقع الـي احنى فـيه 🥀💔
