عشق الوتيني

العشق الخامس

الكاتبه الـمُـنـَىٰ

#عشق_الوتيني
العشق الخامس

وتين: وره ماتريكنه قررنه انا وعباس اليوم انروح لبغداد حتى الطريق باجر مايصير طويل كلش اتصلنه ع أمير وكناله كال تماام براحتكم وكناله حتى يكول لبابا وماما طلعنه ورحنه وصلنه الظهر ونزلنه بفندق اخذنه غرفه وحده بسريرين لأن اخاف ابقه وحدي قررنه انام لأن جنه ميتين تعب نمنه...

وكعدنه وره ساعه ونص راح عباس يجيب غده خابرني أمير وكال انو ولد عمي كرار وحيدر هم بغداد انطانه رقمهم وكال انو همه يدرون بينه احنه اهنا وانطاهم رقمي لأن عباس طالع ف انا راح اتصل عليهم أو همه يتصلون عليه حتى ادليهم ع مكانه شوي ودك نقالي

والصدفه انو همه....
____________________

إيهاب : كعدنه الصبح وجنه جاي نتريك واتصلت وتين ع أمير شوي وأمير سده كال لعمي

أمير: بابا وتين وعباس كالو اليوم راح يرحون لبغداد حتى يجون باجر ومايصير الطريق طويل عليهم

ابو امير: براحتهم وليدي اهم شي وتين ماتتعب

الجد: يبه ابو أمير ولد اخوانك اهناك بغداد وباجر هم راح يجون خلي يجون سوه وهم واحد يتعرف ع الثاني

إيهاب : اي صحيح جدي خلي كرار وحيدر يجون وياهم هم خاف مايندلون الطريق

امير: زين همه يدرون بينه لو لا

حسين: ياا نسينه ماكنالهم لحظه خلي أخابرهم....خابرت كرار وين يلا جاوب... فتحت سبيكر

كرار: حسيون شهل ازعاج من الصبح كول ناس نايمين اكو ضمير عندك

حسين: انجب كرار شعندك نايم لهسه ماتكعد
(حسين هم جان فاتح سبيكر وحيدر يمه)

حيدر: ولك حسينوو شعليك انت لاتصير مثل جدي يكعدنه من ال6:00 الصبح ليكول عماله

الجد : ولك حويدر شو ماعاجبك الكعده من الصبح وليش لهسه نايمين

حيدر: احم هلا جدي هلا حبيبي لا شلون ماعجبتني اصلا اشتاقيتلك تدري مشتاقه لرزالتك من الصبح

الجد: اي اشوفك نايم لهسه وانت كرير ولك ماعاجبك كاعد هسه مو

كرار: جدي رحمه لموتاك ماتكلي شعدنه كاعدين هسه تراا بعدها ب8:00 الناس نايمين

الجده: والله محد نايم غير الطايحين الحظ الي مثلك

كرار: خلفالله عليج جوجو سويتينه طايحين حظ

حسين: ولكم هسه عوفونه من هذا الحجي كرير حويدر ولكم طلع عدنه عم واحنه ماندري وحظي ع الأساس ماكو شي مانعرف بي

حيدر وكرار: شنووووو

اسر: اي ولكم وامس اجو النا جدي عزمهم