♥_أسيرة عاشقي_♥

بارت 6

وصلو قدام المشفى قبل ما تنزل رغد من الكرهبة حمحم زكرياء رجعت رغد لداخل وشافت فيه

رغد:شبيك

زكرياء:مدموازال تفضل البس هاذي...عطالها مونتو طويل يغطيلها بدنها خزرت في روحها لقات بالحق الروبة مسنترة عليها مايجيش تدخل بالحالة هاذي لمشفى الا اذا كانت حابة تولي ضحية اغتصاب هزت المونتو ولبستو وهبطت جات بش تهبط اماني معاها

رغد:لا اماني انتي روح لداركم باز امك تو تتقلق عليك 

اماني:تحكي بجدك الحاجة مريضة وانا نمشي ونخليك تحرك من غير ما تحاول تقنعني 

تعرف انو مستحيل تقنعها سو هبطو الزوز و راحو جهة الكونتوار لي فيه الممرضات و زكرياء مشا يركن في الكرهبة

رغد:جاتكم قبل شوي مريضة قلب نحب نعرف انا بلوك خذاوها

الممرضة:الاسم واللقب من فضلك

رغد:فضة ***** وانا حفيدتها

الممرضة:الطابق الثاني الغرفة رقم 8

طلعو يجريو وصلو وفركسو ديراكت على الغرفة لقاو الدكاترة خارجين من عندها راحتلهم رغد تجري وهيا مفجوعة

رغد:دكتور نانا لباس عليها

الدكتور:حضرتك شنوا تقربلها

رغد:انا حفيدتها

الدكتور:نظن تعرف الي هيا مريضة قلب و نوباتها القلبية في الشهورة الاخيرة زادت و وقت عملنالها الراديوهات تأكدنا من انو عندها انسداد في اكثر من شريان تاجي ماهوش واحد برك 

رغد:فما خطر  على صحتها

الدكتور:الحقيقة اي 

رغد:وشنوا يلزمنا نعملو

الدكتور:في الوقت الحالي يلزمها تكمل تشرب الدوايات لي عطيتهوملها في الوقت وكيما وصفتلها بالضبط و حاولوا ماتقلقوهاش او تغشوها يلزمها تبعد على مسببات التوتر الكل ومع شويا سبور ونظام غذائي تتحسن باذن الله

رغد:دكتور مايلزمهاش عملية

الدكتور:في حالة حدوث اي مضاعفات اخرى يمكن نظطرو انو نعملولها عملية 

رغد:نجم ندخل نطمن عليها توا

الدكتور:توا لا لخاطرها راقدة و اليوم بش تبات هنا