Distance (mizo) #complete

2

Cont. of flashback

Ngawi reng a college reh tak gate bul varanda a ruah sur ban hun kun lap a ka nghah lai chuan tu emaw hi ka hma ah a rawn ding a, a ke lam atang chuan a kun zawk na na na chuan ka melh chhova, a hmel ka han hmuh chuan Jungkook! Mawi lutuk in mi lo nuih saih, ka thin alo phu nghal dap dap, tawng mai nachang pawh hre lovin amah chu ka en tawp "Tirawh ho ang", dam thlup a a tih pah chuan a nihliap chuan mi zawn ve nghal a. Ruah sur hnuaiah, nihliap khat hnuaiah, inhnaih takin ka duh ber nen, chutah min la thlah dawn zui bawk, extra vanlam bonus! Ka zam lutuk leh lai lutuk chuan ka pen te chu mi ti khawr tlat in ka ti ril ah hian ka khur ru der der bawk, tawng nachang pawh ka hre lo.

Kawng chan ve vel ah chuan nihliap chu engmah sawi lova mi vawn tirin ka darah mi hnaih leh zual turin mi rawn kuah a, nihliap tet vang tih chu ka hria mahse khua a duai in a vawt e ti lo chuan boruak te chu a uap ru in a hreawm tih tur chu a ni leh lawi silo "Khawi- khawi lai thleng nge min thlah dawn?", ka aw te chu a lawi tep a lawm "In in thleng", a tih chuan ka pen chawl dat, ka rilru ah insitna tam tak a lo lut nghal. A awmhmun thawmhnaw atang ringawt pawh in kei te chu min hek tak a ni, chumai a la nilo an in leh kan in, an in chuan kan in te chu pet tak ani "A ngai hleinem", ti nghal vat in kal mai ka tum a mahse ka pen leh tur chiah chu ka bana vuan in a lamah mi pawt let a, chutah ka inrin hma hauh va ka suangtuah ringawt pawh a ka taksa pum a sat thin ang khan a rawn ti ta.

A hmui chet a mi fawh lai chuan kei a first kiss na na na chuan ka dawh mawl tawp, ka bengkawm te chu a sa nghal hat hat, ka hmui chu thlah in ka bek vei lamah mi dawm a kan chal chu a insik tir bawk, kei in nihliap ka la vuan thung "Mite neih i ei lova engah nge i zah? Keichuan hetiang hian, i nihna ang hian, nangmah i nih hrim hrim vang zawk in Grace ka duh che, ka lungphu vawi duai lo tirang tu, a nui hmel ringawt pawh in a min ti mur sang sang thei tu", a mitah chuan sen tawn tawn (trawn trawn) chung in ka melh chho "I chungchuang hi tam tak ka hria a ka chhui zau bawk", ti a a rawn chhunzawmna chu "Van chik", ka hmui ka chip leh nghal, hun lo thei hian, chutah kiai suk in "Ka dilchhut bawk asin", a van sexy in a van pa tak.

END OF FLASH BACK

Jungkook ka Kookie ber a awm tak si lovah chuan amah ngai in sulhnu ka chui kir fo dawn anih hi mahse Jungkook ka tuar chhel zia hi ka hmuh tir ang che. In kan thlen chuan ka room lam pan ding nghal in zanriah pawh ngaihsak lo chuan ka khum dup ul ah ka bawk thla thlawp a, muthilh a ni hi her liam tir zung zung mai ka duh.

Ni leh thla te chu insul pel zung zung in kar tam, thla tam vei tawh mahse khang hunte kha kum sang chuang ang mai a rei a ni, Jungkook ka ngai lutuk hi ka thi mai dawn in ka hria. Zingah han tho ila, ka ei in ka in a, ka inti fai a, lehkha zir, assignment leh project buaipui, chuan Jungkook ngai a tah muthilh, nitin chung thil te chu routine ang mai in ka ti nitin thin, engkim hi a boring vel vek, Tae pawn min ti hlim zo lo a ni ber.

Chawlh a ni a, zingah chuan thawh hlau takin ka puan sin chuan ka in khuh hlun a mahse a mawng lam atang ka nu in ka puan sin chu a rawn hlim chho thut, vawt tiin kei ka lo tawm deuh chawih, nizan khan engvanga ka room kawngkhar kalh lo nge ka nih.

"Tho la, tukthuam ei la, tlai lamah i nute-i leh an naute Tim te'n zanriah min kil pui dawn kha, i bazar a ngai", a tih chuan "Naaa Eommaaa, Lily a awm lo mi?", peih lo tih hriat zet a ka thawh tual tual pah chuan ka nau ka volunteer hmak mahse "Lily chu a thiante in-ah lehkha an zir", ka nu in a tih chuan keipawh hman ah exam hma in Jungkook te in-ah lehkha kan zir ve ngei kha.

FLASH BACK
"Weekend ah te chuan!", huphurh taka Jungkook, an in a lehkha min zirpui tum tlat chu zir loh ngen ve ngawng ngawng in ani lah chuan "Nileng a ka bul a awm chu i duh lovem ni?", a ti daih leh nghal "Duh lutuk, i bul a awm te chu ka duh lutuk mahse lehkha zir chuannn", ka tih ve tang tang pawn lungtum sut ang hlauh "I duh nge duh lo?", khati zawng khan a ti tlat.

Chumi tum chuan tumah in-ah an awm lova, an in chu a nuam in a pui bik khup mai, a room a mi hruai luh chuan a fel fai in a mipa room bik hliah hliah, a mini table a lehkha darkar eng nge maw zat mi zir pui hnu chuan "Ka peih tawh lo", tih leh a khum zau lian hek hawk a bawh ka rual nghal, hahthlak tih hmel taka thaw hak in "I grade-", a sawi zawh hman lo "Ka grade?", ka lo tih khalh chutah zam aw lek lek hian "Huat tur a sawi tum pawh ka ni lo", ni e, ka grade hi chu a hniam ve tak em a ni.

~k.

Hey yo, zantin up ka lo tum ang,
Chuvang chuan min lo vote sak in min lo cmt sak leh chuai dawn nia
😚💨💜