Another Life
Chapter-1
Introduction neih kher a ngai in ka hrelo . Nun dang, Mafia lam, company tih vel ni lovin an nun ngei a ni dawn e aw.
YOONMIN shipper zawng zawng te tan a ni e.
Rilru zau tak pu chungin kan chhiar theuh dawn a nia.
===============
"eng atan mah ti suh, a rilru tak takin a sawilo tih i hriat kha " Tae chuan min hnem tum zetin a rawn ti sup.
"Hyung.... a thusawi zawng zawng i hriat vek kha" ka tap chhuak teuh kher mai.
"Suga hyung te chu a mizia i hriat chian kha,, a suallo mahse a thinchhe deuh a ni mai" ka hnungah beng thak thakin a ti leh a, mahse min hnem zo chuanglo.
"min hua, a ni khan min hua" hnuk ulh teuh chungin ka ti chhuak leh.
"a haw lo che,, a haw miah lo che. Midang pawh ti khan a ti vek thin tho,, ngai thutak suh" min hnem a tum ve alawm mahse ka nat zual phah sauh thung.
"Hyung, keimah in ka awm duh" a ti chhuak sap.
"imm... a nih chuan tap suh aw" ti dam ruihin min chhuahsan nghal a.
Chu room reh ruih leh zau takah chuan chhuatah thuin bang vawt tak chu ka ngheng a. Ka mittui a tlak mai loh nan ka hmui ka pet fan fan bawk.
Kha thil thleng kha ka duh dan a ni biklo, tha taka tih kha ka duh ve reng a lawm. Mahse a har ka ti thin em a ni.
Vawinah khan kan perform na a mi turin kan practice a, lam dan step ka la belloh deuh avangin ka ti sual reng a. A tawpah phei chuan ka ke ka bilh hial a nih kha. Na lutuk erawh a ni lo thung . Naktuk tukleh zan mai a perform tawh mai tur kan nih avangin leh ka tih sual reng avangin member dangte ka ti buai zo vek. Suga hyung a thinrim reng a nih kha.
"Park Jimin,,, hetiang leh tur si chu engvangin nge group hi i rawn zawm. Member dangte ti buai turin leh ti sual reng turin maw ! Nangmah vangin kan hun kan khawh ral hnem tawh lutuk . Perform lo law law zawk mai ang u,, mualpho ai chuan" kha thawngkam kha ka bengah hian a ri nawn tluk tluk mai. Min deng dawt dawt a ni ber.
Midang sawi,, member dangte sawi chu nise a tuar dan pawh ka thiam ngei ang. Mahse a ni thusawi, Min Yoongi thusawi a nih vang khan ka tuar thiamlo a ni ber.
Ka ni hi ka duh tih ka hai lo, mahse a ni khan min hua.. min haw tak zet.
"Jiminshii.... tinge tah khan nang mah chauh a i awm a,, dinner ei turin kan nghak reng che a sin. Ka zawng nasa tawh lutuk che" jungkook aw chu a zangkhai vah mai.
"nia,, fianrial nun hi ka mamawh deuh a" nuih var var chungin ka ti let a, a ner nghal nawng nawng.
"rawn kal vat mai rawh,, Hobi hyung phei chu a ril a tam tawh a nia" a tih chuan ka ding chhuak nghal hluai. Jungkook kal nul nul chu ka zui ve nghal vat bawk.
Kan tih dan than a nia, Chaw kan in ei san ngailo. Tul bik thil leh member kimlo kan awm a nih loh chuan chaw in ei san hi kan ti ngailo.
"ka zawn nasat teh reng nen practice room-ah a lo awm reng a" kan dorm a luh pah chuan Jungkook chuan a ti lang lang.
"ka ril a tam tawh a nia.. ei ang" tih leh dawhkan bul chair a thut thlak pah a ei tur in chhawp chu Hobi chuan ei zui a rual a, Namjoon hyung a phun hluk thung.
"chawng chawng zel a che" a tih hluk chuan Hobi a ner nang nang.
Kan thutna ah theuh thuin dawhkan chu kan kil a . A ngai te bawkin Jungkook leh Jin chu an in hnial leh char char tawh.
"i eitur siam nilo se chuan a tui ngawt ang" Jungkook chuan a eitur ei mawlh mawlh phain a ti a, Jin a pawr nghal leh hle
"ei mai mai teh,, nang a tui tih tur a siam ka ni lo. Tui i tih lutuk vang khan siam nawn leh turin min ti suh ang che. A chhan chu ka peih tawh dawn si lova" Jin Hyung in a tih chuan Yoongi a nui suk.
"ka ti hlek lovang... Ka siam nawn leh ang pawh ti la ka ei peihlo" pakhat lah chuan a ti ve zat. Chaw ei chhung zawngin an in hnial reng ,, Hobi a in rawlh zeuh zeuh bawk.
******
"i mu tawh mai dawn mi?" Tae bawk,
"aw mu tawh mai ang, thawh hma a practice nasat ka la ngai sia" ka ti niah niah.
"kan room-ah i lo riak duh mai a ngem ?" a tih chuan ka nui hak. Min melh nghal haw
"ka ngaihtuah awm loh" a tih chuan a nui ve hak tho.
"a nih mangtha aw" tiin an room lam min pan san ta a. Tae hi chuan min va han ngaihsak tak em. Member dangten min ngaihsak lo tihna lam ni lovin a ni hi chuan engkimah hian min thlawp thin . Suga ka duh tih pawh hi a hre nghe nghe,, tawngkam khat pawhin min hau in min demna lo.
"i thinlung duh zawng chu zui la, midangin eng ang pawhin sawi se ngaithla ngai suh" ti in min fuih thin.
Thaw hak chungin Room chhungah chuan ka pen lut a, mahse Yoongi a lo awm miahlo . Chaw kan ei kham khan a bo nghal daih a, mu turin a lut emaw ka ti a sin le.
Khumah chuan ka mu meng reng, Yoongi rawn mut hun ka nghak te pawh a ni mahna . Kei hi ka mawl a ni ti raw. Khatiang a na a min tawngkhum tawh hnu pawh khan la ngaihtuah in a kianga awm ka la thla hlel ngawih ngawih a. Ka mawl tak zet a nih hi.
Jungkook leh Tae room atanga in hnial thawm chu ka ngaithla reng, ka nui leh hak thin. Jin Hyung tawng lang lang thawm leh Jungkook thawng thawm te, an in hnial kar lak a Tae nui leh hak thawm te chuan ka khawvel hi a ti famkim hliah hliah.
"SeokJin i rawn mu dawn nge room kawngkhar ka kalh dawn?" Namjoon hyung phun sup thawm avang chuan ka mut hmunah ka nui chhuak hak.
"Hyung... kalh daih rawh sofa ah riak rawh se" Kook'in a lo ti vat,
"ka rawn kal dawn nang pawh Jungkook ngawi hle hle rawh" lungawi loh hmel zet a phun nui nui chung a Jin Hyung an room lam a pan thawm a reh hnu chuan thawm dang hriat tur a awm tawh lo. A reh duk mai.
Kan dorm ah hian room pali chiah a awm a, Jin Hyung leh Namjoon hyung in room in tawmin a piah ber room an luah a, a dawn chiah a Hobi hyung a mahin a awm thung. Tae leh Kook chuan kei leh Yoongi. Jin leh Namjoon leh Hobi te hi kan room ep chiah a awm an ni thung . Jin te room leh kan room inkarah hian corridor zau vak lo a awm ve.
A hma chuan Hobi hyung nen hian room Kan in luah tawm thin a mahse zan khat chu Yoongi kan room-ah rawn lutin Hobi khumah engmah sawi lovin a rawn mu a, kha ta tang khan room pakhat kan in luah tawm tawh.
"tunge ?" ka ke rawn khawih tu avang chuan ka au chhuak that,
"bengchheng suh.. midang i ti harh a nge" rawn ti sup tu avang chuan ka thaw huai theih.
Light ka off vek tawh avangin a hmel hmu theilo mah ila tunge a nih tih ka hai lo, chuan engtik lai khan nge room-ah a rawn luh ka hrelo bawk.
"a na viau em?" tih pahin vawin a ka ke ka bilh na lam chu a kum lum tak chuan dim zetin a hmet a, ka lo phu zawk thung.
"tinge a na mi?" min ngaihtuah hmel taka a rawn tih chuan vawin a min tawngkhum dan hrechhuak zawkin ka na leh nghal hle.
"na lo" ti hmukin ka ke a hmehna a kut chu ka tlawt sawn a, in let thawkin ka mu saisir zui nghal daih .
to be continue
Shipping hi ka vawikhat ziahna a nia,, a ngaihnawm ve hmel em ? 😆
YOU ARE READING
ANOTHER WORD
FanfictionYOONMIN 💜 "kan khawvel hian kan awm dun an remti ve lo" rilru nat hmel tak a ti tu chu ka melh ngawt ngawt tawp. A mit meng mawi tak atang a mittui rawn luang thla ngai ngiai avang chuan ka na tak zet bawk. "khawvel hranah, khawvel dangah chuan k...
