"Hyung ka zun a chhuak e" Tae bulah chuan ka ti sar sar,,
"ka lo kal pui ang che" a ti ve mai bawk. Kan ding dun hluai a,
"Taehyung thu rawh, keiman ka kal pui mai ang" Suga phun sup thawm avang chuan Tae chuan min melh nghal zawk, ka lu ka buk nghat takah chuan a thutna ah a thu tha ve leh mai bawk.
"Hyung,, Namjoon hyung bualah kan kalna tur lo sawi rawh aw" Tae bulah ti in bathroom lam chu Suga nen chuan pan dun ta a.
"khawnge kan kal dawn?" Suga bulah chuan ka ti haw, ka zung zo ka chhuak kha ka banah kai in min kal pui nghal dawr dawr kha a nia.
"khatiang ri nuaih nuaih karah khan ka awm peihlo. Motor-ah midang lo nghak ang, Namjoon pawh ka hrilh tawh" a ti nghut, min vawn behna ti nghet sauhin a kal chak zuai sawt.
Kar lovah kan Motor dahna thlengin Motor chhungah chuan in hnaih zetin kan thu dun ran mai.
"nuam ka la ti a sin le" a ti niah niah,
"a eng lai ber kha" a ti sup.
"Tae te,Kook te Jin Hyung te leh Hobi hyung te bula awm a lam vel kha maw le" ka tih chuan a thaw chhuak hawk, ka melh nghal vat thung.
"a nih ka bula awm hi nuam i ti ve lova mi ?" min en reng chuang a a tih chuan ka hamhaih tak zet, chhang ta mai lo chuan ka melh reng ringawt. A zawhna kha chhan harsa a ni lo, tunah hian a chhanna chu ka pe thei nghal a lawm mahse he ka chhanna pek avang hian kei hi Yoongi hian mi pangai lo hmuhin min hmu vek dawn tih ka chiang.
"Park Jimin,, ka zawhna kha chhan a harsa viau em ni?" a tih hrawk chuan ka rilru chu a in sual buai ngang mai. Chhanna dik tak ka pe ang nge ka ngawi zawk ang.
"a nih Hyung ka... kei hian eng chhanna pawh pe che ila min haw suh aw" ti in hnuai lam ka bih nghal daih.
"Hyung ti in min ko tawh suh ka tih che kha chuan ka haw ngai lovang che, eng chhanna pawh min pe mah la" a ti hniam ruih.
"ih maw.....ih.... i bula awm chu nuam ka ti ber chuan min haw lo ti raw" zawi takin ka ti sep. A nui hak thung.
Ka va haw tak, min nuihzat leh tur si khang zawhna kha min zawh loh mai tur a nia.
Tawng tuma ka kâ ka ang zuai chu ka phone notification ri avang chuan ka tawp chawt, ka phone chu ka en nghal vat. Jungkook message a lo ni.
*Jiminshii i bualah Taehyung a awm ti raw* a tih chuan ka nui hak thei, Tae hi chu a ngai ve thlawt. A hmuh loh hlek hi chuan a zawng nghal vat zel.
*awmlo tinge*
*ka hmu lo a, khawnge a kal reuh le*
*a bo bik nang i ngaihtuah lutuk a nih kha, lungngai suh a lerh san lovang che* ti a ka reply leh na min rawn chhan dan avang chuan za zetin ka nui chhuak hak hak.
*jiminshii,,, min chhaih ve ziah suh. Min chhaih leh chuan Namjoon hyung bulah Suga hyung nen a in hnaih taka in din dun thu ka sawi ang* a message chu reply zawm mai lo chuan ka nuih pui kiah kiah. A bulah awm phei ila chuan a teu leh hlur tawh ang chu. A bula ka awmlo hi a lawmawm ah ngai mai ang.
Chutia ka phone ngawt bih a ka buai lai chuan ka dar a lu rawn ngat tu avang chuan ka phu zawk thei. Jungkook message ka hlim pui a ta langin Suga lam reng ka lo ngaihven lo.
"Hyung, i mut a chhuak a mi?" ka tih chuan a rum deuh dat.
"Hyung min ti tawh suh vawi engzat nge ka tih dawn che" a ti hrawk.
"a nih engtin nge ka koh ang che, Kook te, Tae te pawhin hyung an ti tho che sia" ka ti deuh ha.
"an hyung ka nih vangin a lawm Hyung ti a min koh, i Hyung ka ni ve hleinem" tih hniam ruih in ka dar a a lu a nghah chu che sawnin chiang zetin min melh.
"a nih i engnge ka nih?" ka ti sep,
"ka thinlung a hmun pawimawh ber chang tu" chu chhanna ring lo tak si chu ka bengah hian a va ring si em. Phawk deuhin Suga chu a en reng.
"Park Jimin, i Hyung nih ka duhlo, i hmangaih nih ka duh" ngen ngawl zet Chuan a ti sup. Tawng mai ngaih na pawh ka hrelo, ka mumang a nih te ka ring rum rum.
Ka hmui a duhthawh taka rawn fawp tu chu ka chhang let lo. Ka mumang a nih chian hi, ka hriat Min Yoongi chuan Park Jimin hi a hua. He ka mumang nuam zet atang hian ka harh chhuah a ngai tak zet.
Min fawhna a tih tawp dawn a a seh tel zeuh avang a rawn thip zawk vang chuan ka mumang mai a ni lo.
"engvangin nge mi fawh let ve loh" a ti tham chhal, ka hmai a sa nghal hat hat. Ka lai bawk si zak bawk si chu chu lai hmun atang chuan tlan chhuah daih mai te ka duh rum rum tawh
"ka fawh leh hunah che chuan chhan let ka phut tawh a nia" ti sup in ka darah bawk a lu a rawn nghat leh a,
"ka chau,, i kianga chawlh hahdam hi ka thla hlel lutuk" a ti leh a.
Keimah a ruak huai a in hriat thin na te kha ka bula mipa awm avang hian a bo duak tawh. A ni hi midangte ang tho a ni a, a tha famkim vek kherlo. Ni e, mi famkim a ni bik lo. Chutiang bawkin kei pawh hian famkim lohna ka nei ve tho a, midangte ang tho in that loh na lai ka nei ve tho bawk. Mahse a ni bula ka awm theih chhung chuan that famkim ka mamawh lo. Hmangaihna hi a famkim lova, chu hmangaihna a mipa hnih te chuan an ti famkim mai zawk a ni.
*
*
*
*
*
*
*
*
"tinge Kook saw" ka bula mi bulah chuan ka ti sar sar. Kan dorm ah kan awm tawh a, mut hmanin chau hle mah ila Namjoon hyung in awm khawm a rawt tlat. Hnial ngam awm heklo, mut chhuak em em chungin sofa ah chuan kan thu far. Kei leh Tae leh Hobi hyung sofa pakhat ah duh dah zetin kan thu a. Kan ep chiah sofa ah Jin Hyung leh Kook leh Namjoon hyung an awm a, Suga a mahin a thu thung.
"pawnah ka chhuak lawk a, in ti harh turin. Kha kha a niang a thinrim chhan,, min be duhlo" a aw thum ve tak mai in a tawng ring hlau taka a han ti dut mai chu, khawnghaih thla a la lek lek.
"nang ni lah hi in ti thiamlo reng mai,, i lerh em a nih kha. Hmeichhia te kha i lo melh leh zawk zawk tawh a niang" midang in an hriat hlau tak a ka tih sap chuan min han en ren rawn a,
"Jiminshii" a ti chhiam pek. A hmel awm dan avang chuan ka nui leh nghek nghek, thinrim deuh bawk si, a lai hmel tel deuh bawk si chu a hmel a tha thlawt. Army tam tak hmuh ve ah ka va it tak em.
(he a hmel kher hi chu kei tluk a hmu chak an awm ka ringlo 🥰)
"a nah" ka ti deuh that, ka ka rek chu ka dawm vang vang.
"i nuih hian tinge maw i thutna atang hian i tlak reng mai ni" tih pahin Tae chuan min kaih thawh mai a tum a, mahse ka ke hi ka ti che ngamlo.
"a na nia..." ka ti leh chiam.
"vawikhatmah nui ve tawh suh, i in tih nat phah kha i hria em?" rawn ti hrawk tu âw avang chuan ka tawm chhawih thei. Ka taksa chu a kang zui nghal nawlh bawk.
To be continue
Typos a awm nual ang ka ring.
YOU ARE READING
ANOTHER WORD
FanfictionYOONMIN 💜 "kan khawvel hian kan awm dun an remti ve lo" rilru nat hmel tak a ti tu chu ka melh ngawt ngawt tawp. A mit meng mawi tak atang a mittui rawn luang thla ngai ngiai avang chuan ka na tak zet bawk. "khawvel hranah, khawvel dangah chuan k...
