بطل قصتي

الفصل الأول

قاعده قدام مرايتها بفستانها الابيض والبنات حواليها فرحانين ليها ومنهم اللي غيران منها لأنها هتتجوز من راجل غني والف بنت تتمناه
لكن هيا متمنتهوش
بعد شويه هتنزف لعريسها لكن هيا حاسه انها كده بيشيعو جنازتها
بتغمض عينيها بقوه عشان كل الدموع تنزل وبسرعه بتمسحها علشان محدش ياخد باله بيها

بتدخل امها بملامحها الصارمه وتبص لبنتها بضيق لأن عدم الرضا واضح جدا علي ملامحها
بتقرب منها وتقول :افردي وشك اصل والله اخلي ابوكي يدخل يشوف شغله معاكي..إيه ياختي زعلانه علي إيه هوا في واحده من اللي هنا دول تطول ضوفر جوزك ..والنبي منا عارفه أنتي عجبتيه علي إيه أصلا علشان يجي يتقدملك ..يلا أنا هخلي ابوكي يدخل ياخدك عشان يسلمك لعريسك بس افردي وشك عشان ابوكي لو شافك كده مش بعيد يقتلك
بتهز بتول راسها بقوه وهيا بتحاول تحبس دموعها علي قد ما تقدر

وفعلا بيدخل ابوها وياخد ايديها اللي بترجف من الخوف

بيكون واقف عريسها وعلي وشه ابتسامه جميله بملامحه الهاديه والوسيمه والغمازات اللي في محفوره في خدوده

ابتسامته بتتسع لما بيشوف بتول..بملامحها الهاديه والميكب الخفيف اللي حطاه مغير شويه من ملامحها لكن هيا نفسها البنت اللي عجبته وشدته ليه واللي خلته جاه تاني يوم ما شافها عشان يطلبها من أهلها وعشان تبقا هيا دلوقتي ودا مكانها "زوجته"

علي صاحبه :ماشاء الله جميله يا مُعِز

مُعِز بضيق ومن بين سنانه :لم نفسك

علي بضحك :معلش والله دا مجرد تعبير عادي

مُعِز بيقرب من بتول ويمسك ايدها من ابوها

لكن بيكمش جبينه بأستغراب لما بيلاقي ايديها متلجه وبترجف

بيتنحنح ويقول بصوت حاول يخليه هادي رغم أنه قلقان :بتول أنتي كويسه

بتول بترمش بعينيها وهيا بتبص في الارض واتهز راسها جامد بمعني لأ

قلبه بيدق بخوف ويبص حواليه ويقول علطول :بعد اذنكو هاخد مراتي علي إنفراد

أبو بتول بيبص لبنته بتحذير بمعني متقولش ليه أي حاجه

مُعِز بياخد بتول ويخرج بره

مُعِز وهوا ماسك ايديها وبيبص ليها بقلق :فيه إيه يا بتول ..قلقتيني .. أنتي اكويسه وو

بتول بدموع :أنت مش عدت هتقدر تعملي حاجه غير إنك تلغي الزفه دي والقاعه وكل حاجه ..انت مش اتجوزتني خلاص بقا ارحمني من كل ده ..ارجوك ..ابوس ايدك نفذ ليا الطلب ده بس

مُعِز :طيب اهدي والله هعملك كل اللي أنتي عيزاه ..بس اهدي بقا وبلاش دموعك دي ارجوكي

بتول وهيا بتمسح دموعها :طب خدني من هنا بس مترجعنيش لأهلي تاني