بطل قصتي

اقتباس

واقفه قدامهم بكسره ووجع وهيا حاطه راسها في الارض.. ملهاش عين ترفع عينيها وتبصلهم لأنهم عندهم حق في كل اللي بيعملوه معاها وكل الاهانه اللي بتسمعها منهم

لأنها واحده هربت يوم فرحها مع حبيبها السابق اللي دلوقتي سبب في دمار حياتها

_بتوول
بتغمض عينيها جامد والدموع بتنزل من عيونها فهيا عارفه صوت مين ده

ده صوت الانسان اللي ظلمته معاها وخلت سيرته علي كل لسان بعد ما سابته في اليوم اللي المفروض يكون اهم يوم في حياته

بتحس بأيده وهيا بتمسك دراعها جامد

عارفه دلوقتي أنه اكيد هيتهور عليها ويضربها وهيا واقفه في الشارع قدام الناس كلها وهيطلقها

لكن بتنصدم لما بتلاقيه بيحاوط رقبتها ويقول:بتول متخافيش أنا جمبك

بترفع عينيها واتبص ليه بصدمه وقبل ما اتقول حاجه هوا اللي بيقول:

_كل واحد أو واحده  ز*اله منكو قالها كلمه هيندم عليها..هيندم أوي وانا بقولهالكو أهو وخليكو فاكرين

واحد من جيرانه بغضب : وانت جاي تتشطر علينا احنا بدل ما ترقعها قلمين ولا حاجه واطلقها ..مش دي اللي هربت مع عشيقها ليلة دخلتها وسابتك..الحق علينا يعني يا مُعِز اننا بنجيبلك حقك منها وانأدبهالك

مُعِز بغضب وصوت عالي :وأنا مطلبتش منكو حاجه عشان تعملوها ..انتو اصلا بأي حق ترفعو صوتكو علي مراتي ..محدش ليه الحق انه يكلمها أو يقولها حاجه غيري أنا ..فاهميين ..محدش ليه الحق غيري

ست تانيه :يعني جزاتنا يابني ..أنت واحد محترم واهلك الله يرحمهم كانو طيبين وناس كُمل ليه تكمل مع واحده مش محترمه زي دي

مُعِز بغضب : لو سمحتي يا حجه متدخليش أنا حابب كده ومحدش يدخل لو سمحتو.. وياريت متعيدوش الموضوع دا تاني لأني مش حابب اغلط في حد ..بعد اذنكم

بيقول كلامه وياخد بتول في ايده ويروح علي شقته

ــــــــــــــــــــــــــــــــــــــــــــــــــــــــــ

دا اقتباس صغنن كده ❤.
بتمني الاقتباس يعجبكم ومتنسوش الفوت وكومنت كده تقولو رأيكو فيه دا إذا حبيتو يعني .😊❤
#بقلم_يارا_محمد
#حورية_الخيال