روان
صعدت فوكك ابجي بحركه اول مره يضربني هيج طبيت للغرفه وشمرت نفسي عله الجربايه وبقيت اللوم نفسي واندب بحضي ليش ياربي ليش كل هذا الشي يصير وياي شنو شمسويه اني حته تعاقبني هيج اوووف شويه وحسيت عليه فتح بابا الغرفه
حسين
صعدت وراها وشفتها گاعده علی الجربايه وتبچي گعدت بصفها وگلتلها اني اسف واعتذر بس ضجت وعصبتيني لان عليتي صوتج عليه واني ما احب احد يعلي صوته عليه واسف كلش هواي علی الراشدي وهي بعدها تبچي وماسكتت
اني شفت دموعها ما تحملت وطلعت مَن الغرفه وسديت الباب حيل ونزلت جوه بقيت أكل بروحي أكل شلون مديت ايدي علی روان ماادري شصار بيه بس مااضوج من شخص يرفع صوته عليه
وراء نص ساعه رجعت صعدت فوگ فتحت الباب مال الغرفه علی كيف اشوف شستوي روان طلعت نايمه ومامتغطيه رحت عليها وعدلتها وغطيتها وبستها مَن راسها ونمت بصفها
روان
فتح باب الغرفه وبقه يعتذر واني ميته بجي مقهور اول مره يسوي هيج وياي بقه يحجي وطلع اني من كد ماتعبت من البجي نمت وبعد ماحسيت عله شي اله لمن دك تليفونه كعدت حسين نايم بصفي!!
ومغطيني وتلفونه يدك باوعت الساعه ب8 باليل حييل شكد نايمين لعد باوعت تلفونه اسم وسام صديقه كعدته كتله:
حسين اكعد تليفونك يدك حسين يلااا اكعد طبعا احجي وعيوني مورمه وصوتي مبحوح من البجي وكوه احجي وياه كتله حسين اكعد هذا وسام يدك عليك هوه كعد باوع عليه اخذ الفون وفتح الخط وكال الووو
حسين: الوو هااا وسام
وسام: هلا ضلع شلونك اكلك هاي امك تريد تجي تشوفك اجيبه؟
حسين: هلا خوي ايي جيبه وياك بلاا زحمه عليك
وسام: خااب اكل خررا زحمه عليه ابو الوصخ يلااا هسه اجيبه واجي حضرونه عشه جوعانين
حسين: ههههههه تمام تعالوا وتدللون يلاا ولي
وسام: باااي
روان
ابتسمت عله كلام وسام هذا الولد شكد حباب وخلوق اجيت انزل من الجربايه وحسين لزم ايدي باوعت عليه بعيوني الذبلانه وكتله هاا
حسين: باوعت عليه اووف ياربي العيون ذبلانه جريت ايده وسحبته لحضني حضنته حييل وبسته براسه كتله اني اسف يروحي حسيت بيه حضنتني قوي وبجت وخرت راسه وباوعت بعيونه كتله هل مره اني طلعت منضر الغروب بعيونج هاي العيون الحلوه اني بجيته اسف موقصدي يعمرري
روان: لاتعتذر اني اسفه اني عليت صوتي عليك
حسين: يلاا هسه كومي خلي نحضر العشه راح تجي امي وهاا اي شي تحجي تغلط لا تردين عليه تمام
روان: تمام
________________________________
وسام: سديت المكالمه من حسين وكلت لامه يلاا خاله حضروا روحكم حته اخذكم اني هيه كالت خوش يمه اروح اكول لهبه تحضر نفسه
اااخخخ من كالت اسم هبه يي هبه اني احب هبه اخت حسين من زمان وهيه هم احسه تحبني من نضراتها اليه
هبه: من عرفت وسام حياخذنه حيل فرحت اني احبه من زمان بقت البسمه مرسومه عله وجهي وفرحانه راح اشوف. وسام وهم اروح اشوف روان بدلت ونزلت جوه انتضرت ماما كملت وطلعنه سوه اول ماطلعت صارت عيني بعينه اويللللي ياااابه
وسام: تلاگت عيونه سوه اوووووف وصلت يمي هيه وامه ام حسين تحجي واني ولا يمه اريد اشبع من حبيبت كلبي اهههه
(شَكتِب يا شعِر يرهَم على عِيونچ؟)
صعدن بالسياره ورحت اخذتهن لبيت حسين ادري عيب عليه وحرام جاي اخون ثقت صويحبي وباوع عله عرضه بس والله اني نيتي وياه حلال وصلنه للبيت وهنه نزلن دكن الباب...
______________________________
روان
نزلت جوه مالي خلك بس شسوي لازم اتعلم عله هذا الشي اني اصلا فصليه وهيه هاي حياه الفصليات يجوز اني احسن من بعض البنات عله الاقل عندي بيت وحدي ومحد وياي حرت شنو اسوي الهم نزل حسين جوه شافاني احوس بالمطبخ كال شنو حتسوين كتله ماعرف كال لاتسوين شي راح اجيب من بره كتله تمام طلع هوه واني رحت للحمام سبحت وطلعت خليت مكياج حلو مرتب ولبست قفطان مغربي لونه ازرق يجنن صار وبقيت شعري مفتوح وهوه طويل صرت اجنن هههههه سمعت صوت الباب نفتح عرفته حسين نزلت جوه لكيته بالمطبخ اول ما شافني نصدم وبقه صافن بوجهي
حسين
رحت اجيب اكل الهم واجيت اول ما اجيت جانت روان فوگ رحت للمطبخ شويه ونزلت هيه ياااااللللله عله الجمااال دخيلك يا اللهي لابسه ثوب ازرگ والعيون مكحلات صفر والشعر طويل ونازل ياربي هذا عذااب اليه ههههه بقيت صافن بيه وبجماله الفااق العاده حسيت بيه خجلت مني نزلت عيوني وكلت احممم تعااي رتبي الاكل وياي...
روان
حسيت بي اكلني بعيونه وستحيت يربي هذا شبي ساعه يضرب ويصيح وساعه يباوع عليه نضرات حب واعجاب..
رحت رتبت الاكل وسمعنه جرس الباب يرن راح فتح الباب واجوه اهله دخلوا اول مادخلت امه رحت عليه وعبرتني هيه يعني متريد اسلم عليه واني هم ما لحيت عليه طبت هبه بتسمت بوجهي بادلته الابتسامه وتقربت عليه باوستني وبسته وبجينه ثنينه سوه هاي صديقتي وحبيبتي مازعلت مني ولا شالت بكلبه عليه
منذ تلك اللحظة التي أصبحتي فيها صديقتي تأكدت بأنني لا أحتاج لعدد هائل من الاصدقاء🥺❤️🔥.
هبه: وصلنه اول ماشفت روان ابتسمت والله احبه مو بيدي هاي صديقت الطفوله صديقت المواقف وهيه ماله ذنب بشي سلمت عليه وباوسته وبجينه ثنينه اووف ياروان اووف لو هذا كله ماصاير
________________________
مرحبا نبضاتي اسفهههههه عله التأخير بس روان عده ضروف ومدا تلحكك تراسلني دوم + تراقب تعليقاتكم هيه
شنو تتوقعون حيصير بالاحداث الجايه
اكثر شخصيه حبيتوه؟!
تصبحون عله خيرر
الكاتبه: Zozo_35
