""آثًـآرَيّ يّآ نٌآسًـ آلَآبّـوُ خٌ ـيّمِـهِ💔""
روان: بعد ما اخذو بابا جوارينه والعالم كوله التمت علينه ماما تخربطت واني صعدت الغرفتي ابجي شعور كولشش صعب من تفقد اب حنون كان يحميك حته من نفسه شمرت نفسي عله سريري وحضنت مخدتي وضليت اصرخ بكل صوت عندي احس بلعومي تشخط ضليت اتذكر بابا بكل حالاته جان دائما يحبني حيل ومايرفضلي طلب يكولي اني اعزج اكثر من الولد انتي وحدتي حبيبتي انتي بنيتي الغاليه حته جان محمد كل مايشوفني اروح للمدرسه يضل يصيح علي ويكول المن تخلوه تروح للمدرسه اول وتالي تزوج غصبا ما عليه وتكعد وتسكت يم رجله بس بابا جان ابد مو مثله يحب البنيه الناجحه قطع صوت افكاري صوت صريخ ماما نزلت عليه شفت بابا جايبينه للبيت خلاي بتابوت احس رجلي من هول المنضر يبسن وجمد الدم برجلي ضليت اصرخ من بعيد واللطم تعبت بذيج اللحضه حيل وتمنيت لو اني ولا هو دخت حيل وطحت عله كلاص كزاز
وبعد ماحسيت بشي
نور زوجه حسام : شفت روان طاحت بلكاع وراسه كوله دم ركضت عليه واصرخ ولكمممممممم الحكوووو روان تنزف من راسه اجه حسام اخذه مني وكالي جيبي شال اله بسرعه وتعاي وياي رحت لبست شالي وصايتي وجبت اله شال ونزلت اركض لبسته واخذناه للمستشفى حسام شايله ويصيح عله الدكاتره وهيه الدم مستر ياخذ مجراه اجوا عليه الدكاتره خلوه بسديه وره فتره طلع الدكتور وكال صارت احسن بس هيه مضروبه بكزاز لان الكزاز متكسر براسه بس الحمدالله صارت احسن هسه وشويه وتصحه
حسام : مشكور دكتور تعبناك ويانه
الدكتور: ولو هذا واجبي
روان : فتحت عيوني بصعوبه احس شي ثكيل عله عيوني باوعت شويه غواش بعيوني بعدين وضحت عندي الرؤيا وعرفت اني بالمستشفى اذكرت الصار وضليت ابجي عله بابا وراسي موتني من الوجع دخلوا علي نور وحسام وشويه ورجعنه للبيت نور صعدتني لغرفتي وكالت لا طلعين مو زين عليج لا البجي ولا صياح هيه طلعت واني ضليت صافنه بالفراغ بهل الوقت اخواني راحوا للمقبره بقه بس حسام هنا تحسرت عله بابا راح فجاء بدون سابق انذار
صوتك
ضحكتك
كشختك
شخبارنهن يا يابه 😥😓
جوه الكبر بعدك حلو لو غيرك بترابه 💔
مرت عله وفات بابا شهرين بهل شهرين طلعت النتائج وطلعت ناجحه اخواني صارو متشددين علي كولشش مايخلوني اطلع الباب وادري بيهم مراح يخلوني اداوم السنه التجي بس راح احاول وياهم عائله حسين انقطعت اخبارهم فجاء لا هبه ولا حسين اثنينهم ماكو حته ماعرف اذا يعرفون بابا مات لو لا امي صارت قليله الكلام ومهى هيه السيطره عله البيت .......
روان : جنت كاعده بالمطبخ هيج وسمعت مهى دكول لمحمد والله هو خوش ولد احسن خليه تزوج وتنستر شسوي بالمدرسه تكعد بيت رجله احسن اني سمعته هيج دكوله طلعت من المطبخ ورحت يمهم وكفت كدامهم كتله محمد تريد تزوجني وتخلص مني
