أحببت مخادع

بارت العاشر

لن انسـى تلک الغصـة ولو بعـد الف عـام 🍂🔗💙💙💙

.

.

بان: سمعت صوت وتفاجأة بدكه الباب متت بمكاني  حسيت رجليه بعد مايشيلني من الخوف
بس الباب يندك ع كيف وسمعت همس صوت هدى
باوعت لحسين وارجف من الخوف حسين كام فتح الباب طلعت هداوي ، اني من شفتهة حسيت مي بارد ونزل ع گلبي
اني گمت بسرعه ورحت وياهة
... هيه چانت نايمه من اني  نزلت يم حسين. ف هيه من گاعده وما لاگيتني خايفه عليه نازله ادور عليه
.......  رحنه اي وياهة للغرفه نمشي ع كيف لٱ احد يشوفنه.. من وصلنه گبل رحت لفراشي هداوي سئلتني

هدى:  لج بااانووو احجي شكووو شصاير جوه

... هداوي بعدين نسولف

هداوي حاولت وياي اني كتلهة بعدين نحجي لان جنت بعدني متوتره ومرتبكه بس جانت احله لحضات مرت عليه بكل حياتي حسيت فعلا صرنه روح وحده وجسد واحد احله لحضات عشتهة وعمري مراح انساهة ......

..... بدت علاقتنه تطور يوم بعد يوم وتقوه علاقتنه اكثر
وحسين مايصيحلي اله مريتي
اني من اسمعه هيج اطيررر مـِْن الفرح. عشت ويااا احله ايام حياتي
خلاني سعيده ع طول الابتسامه ماتغيب ع وجهي مره العصر گاعدين نشرب چاي اجت يمنه خالتي ام حسين وحدهة ذبهة زوجهة بالباب وراح
اني خفت من جيتهة كلت الله اليستر عبالي متعارگه وي زوجهة او صاير شي
طبت وجهة مگلوب وحته من سلمت عليهة. سلمت عليه من وره خشمهة بس ابد ماتوقعت غير شي او موضوع يمي
راحن هيه وأمي گعدن ب الصاله اني جبت الماي والعصير قدمته الهة ورحت لغرفتي لان گلت خاف يردن يسولفن
ضليت گاعده وحدي وأگلب ب الفون وأگلب بصور حبيبي وعايشه الحضه وافكر شلون بخطوبتنه شراح البس وشنوو راح اسوي وبتحضيرات العرس
الله شعور يخبل كل ما افكر انوو اني راح اصير مريت حسوني
احس بفرحه تنعنش گلبي
تقريبا ساعتين وسمعت صوت أمي تصيح بصوت عالي

أم أحمد:  باااااااااان، بااااااااان ( بصياح)

بان:  من سمعت أمي تصيح احس حيلي نهد متت من الخوف اريد أكوم وأوصللهة ما اكدر الف فكره اجت براسي شبيهة أمي وليش هيج تصيحلي
گمت رحتلهة واني ما ادري شنوو منتضرني من وره هاذه غضب أمي

... هااا يمممه
ام أحمد:  باااااان تعاي يمي( بصياح وعصبيه )

بان:  من نزلت لگيت أمي كتله مال نار كلش عصبيه ومقهوره كلت الله اليستر خفت حيل من طريقه كلامهة
هيه گاعده بالصاله والبيت فارغ بس اني وياهة الكل طالع
رحت يمهة واني الرجفه ماخذتني خفت كلش وكفت ودنگت

... بااااان ارفعي راسج وحجيلي هاذه الحجي السمعته صحيح

.... رفعت راسي وي ما باوعتلهة حسيت بغصه بلعومي وگلبي انقبض گتلهة بخوف وارتباك