🌸🍂عشقتك من جنونك🌸🍂
البارت الثالث عشر "
خلك في قسوتك و مع الصبر خليني ان كان هجرك يرضيك انا اللي يرضيك يرضيني
لاتزرع الحب في قلبي أخاف يطلع وماتسقيه تكون سبب جرحى واعيش العمر اداويه
مالك نصيب في دنيتي ومالي نصيب في دنيتك خلني اعيش بحسرتي وانت تهنى بدنيتك
بعد هذا الشقا كله تبيني لرجعتك اشتاق حسافه جيت متاخر بعد ما ماتت اشواقي
دنيا غريبه للاسف الدمع فيها مايجف هذي حياة اللي يحب يقضي حياته في تعب
*
*
*
رواية عشقتك من جنونك
دخلت عليها الغرفه ونزلت الجلال من شعرها الحرير بلون البني الغاامق
اقتربت من الجالسه ع السرير وهي ترسم ابتسامه صفراء على وجهها
جلست جنبهاا وهي تقول بغصه : دانه حبيبتي انتي لازم تسمعيني بالاول لاتحكمي علي قبل ماستمعيني ارجوك
دانه : وهم انا مستعده اسمعك للنهايه وبوقف معاك بعد
ضمتها وهم بحب:فديتك دانه مححد فاهمني الا انتي وربي كنت خايفه انك تكوني زعلاانه مني
دانه : وانا طول امسس مانمت قاعده افكر فيك والحين قولي لي شنو كنتي تقصدين ليلة الحفله
وهم نزلت راسها وقالت بكذب ماتعودت عليه بس مجبوره والسبب اسامه :انا كنت منفعله وايد هذاك اليوم بسس الي كنت اقصده اني كنت متزوجه من قبل واحد عمي غصبني عليه وتطلقت بعد كم شهر
شهقت دانه : متزوجه ولاقلتي لي !!
وهم : ماصارت فرصه اني اقولك وبعدين انا ماحب اذكر هذا الزواج ابدا لانه يذكرني بالماضي الي اتمنى انه مايرجع وينمحي من حيااتي وبليز دانه لاتقولي لاحد هاذا الشئ
دانه : صدقيني الكلااام اذا ماطلع منك مسستحيل يطلع مني صدقيني اانتي فهمتي اسامه هذا الشئ
وهم : ايه
دخلت شيماء عليهم : لالا مايصير مرت اخووي هنا وانا ماادري
ابتسمت وهم وهي ترد عليها: عاد مو مناسب علي اصير مرت اخوكم
دانه : هههههههه فديتك وهومه كل ششئ لايق عليك
وهم : تسلمي لي
شيماء: اقوول وهم نقلتي اغراضك جنااح اسامه
وهم : لامانقلت شئ
شيماء وهي تمد لها بطاقه: اسمعي هذي البطاقه فيها مهرك وفيها هديه من ابوي العود اشتري فيهم الي تبيه
وهم : لاهذا واجد علي
دانه : خذيهم خذيهم بسس ولازم نفر على السوق واااو وناسسسه انا احب السسوق
وهم : مالي خلق للسوق
دانه مسكت ايدها تقومها : لاحبيبتي دام دانه معاك لازم تشترين السسوق ككله
شيماء: هههههههه ..الحمدالله عاارفه نفسسك
*
*
*
في بيت الوليد
بعد مالبست براءه ملابسها ومشطت شعرها نزلت معها تحت
شافهم نازلين مع بعض وانقهر : خيير ست نوور على وين ان شااء الله
نور ببتسامه لبراءه : بسجل براءه في الروضه وبعدين بروح لبيت اهلي
الوليد : اخذتي اذني با لاول عششان تقررين بكيفك
نور ناضرت باستفهام : ليه انت بتماانع
الوليد : وليه لا
نور: بسس بنتك صارت كبيره خلااص ولازم تدخلها الروضه
الوليد : ققلتيها بنتي مو بنتك وانا للحين اشوفها صغيره
براءه بطفوله : بابا ابي اللوح اللوضه (بابا ابي اروح الروضه )
الوليد زفز : براءه اصعدي غرفتك
نور بعصبيه : وانت من تشوفها معااي قلت لها اصعدي غرفتك مهي حاله ذي
الوليد قررب منها وسحب يد بنته منها وجا بيشيلها ويروح
وقفت في وجهه وهي تقول بهدوء: لاتخلي البنت تشوفنا نتهاوش نزلها وخلنا نروح نسجلها موع شاني عششان مستقبلها
الوليد بعدها عن طريقه ومششى عنها وعطى البنت الخدامه تصعدها غرفتها ورجع لها وهو مقهور
صرخ في وجها : اششوفك يانور بديتي تعلين صوتك علي ونسيتي نفسسك من انتي ومن تكووني نسيتي انك انتي الي ذبحتي ام هالطفله وحرمتيهم من بعض نسيتي ان بيووم دخولك لهذا البيت يوم موتها هي
صرخت وهي تبكي بالم : كيف تبيني انسسى وانت بكل يووم تذكرني بذنب انا مالي يد فييه كيف تبيني انسسى وانا عايشه عذابك واسمع سموم كلاامك كل يوم ..انت حرمتني من كل فرح اعيششه انت انت دفنت نور واسيل بيوم واحد
جت بتمشي لكنه مسكها وهو يوقفها
الوليد : نور طلاقي منك انسسب حل لااني ماعدت اقدر اتحمل كرررررهي لك
