رواية #ملتزمه #تزوجت من #رجل اعمال #(الجزء الثاني )

الحلقه الثانيه عشر

باسم وهو يرد بابتسامه؛ السلام عليكم ورحمة الله وبركاته

ماجد بحزن؛ وعليكم السلام ورحمة الله وبركاتة انا عايز اشوفك ضروري

باسم بقلق على رفيق عمره؛ مالك ياصاحبي

ماجد. قابلني في الشركه. وهحكيلك على كل حاجه

باسم؛ أنا طالع اهو بإذن الله مسافة السكه واكون عندك

ماجد. مستنيك ياصاحبي

عوده لفاطمه &"

فاطمه بحب وهي تقبل هاله.

يابنتي مستنياني برة ليه انا كنت هتصل اول مااوصل اخليكي تنزلي

هاله بسعاده؛ انا مكنتش مصدقه نفسي لما كلميتيني.عايزاني اقعد جوا. قولت استناكي بره عشان نمشي على طول.

فاطمه بابتسامه؛ يلا بقى عشان نلحق الغدا قبل مااخواتي يكونو اكلو من غيري

هاله بحماس؛ يلا عشان بالمرة اشوف مامتك واتعرف عليها

انطلقو بالسيارة ولم ينتبهولمن يتابعهم من شباك غرفته انه سيف

سيف في نفسه؛ يااه هي البنت دي عملت ايه لاختي اول ماعرفت انها جايه ليها السعاده ماليه وشها عمري ماشوفتها مبسوطه زي النهاردة ياترى فيها ايه مميز يخلي اختي تحبها كده امال مش بتردي تتعرف على بنات النادي ليه ايه حكايتك يادكتوره

&عوده لباسم _&

باسم بعد أن دخل مكتبه مسرعا. السلام عليكم ورحمه الله. مالك ياصاحبي قلقتني عليك

ماجد بحزن؛ مش بخير ياصاحبي انا ضايع

باسم وهو يحضن صديقه ؛ خير ان شاءالله

ماجد؛ بعد ماروحت ملقتشي خديجه بنتي. وبدأ يقص عليه كل ماحدث

باسم بهدوء؛ الحمد لله انك اتصرفت صح لأنك كنت هتندم ياصاحبي لو اتهورت

ماجد بندم؛ مانا فعلا ندمان انا السبب انا السبب معرفتش اربي صح شوف عيالك عاملين ازاي وشوف عيالي انا اللي غلط لما انشغلت ازاي اجمع ليهم فلوس وأمن مستقبلهم وكمان اهتميت بإصلاح الناس ونسيت عيالي أنا مش فاكر آخر مره قعدت معاهم امتى انا اللي، ضيعت، بنتي بأيدي

باسم محاولا أن يخفف عنه. اهدي كده وكله خير بإذن الله ياحبيبي هما في سن صعب والدنيا كلها فتن مين قالك اني عيالي مابيغلطوش مفيش حد معصوم احنا بناخد بالاسباب ونتوكل على الله وانت لسه فيها صاحب بنتك وفهمها ايه الصح وايه الغلط صاحبها

ماجد بحزن؛ انا مش طايق ابص في وشها

باسم؛ اهو ده أكبر غلط مادام ندمت خدها في حضنك وماتكونشي جلاد احنا في زمن الفتن ياصاحبي مش هنبقى احنا واللي بره عليهم، احتويها وفهمها وخليك معاها اوعي تسيبها لشيطانها. دايما قلها اني واثق فيكي وعارف انك مش هتجعلي ربنا اهون الناظرين ليكي بلاش ياصاحبي تكلمها بأسلوب غليظ. ربنا قال (ولوكنت فظا غليظ القلب لانفضو من حولك)