الجشمـــــه

البارت الاول

قصه حقيقيه واقعيه..حافظة على مصداقيتها لاجل الاشخاص الداخل الروايتي القصيره..تاريخ الكتابه ٢٠١٧

مـوش غريب الكرم من عدهم
لأن العز عزهم ورجال الكون
تسجدمن تسمع اسم المعدان

المعدان:ومعناها اصحاب النسل الأصيل شوه الأسم
بسبب شجاعتهم ومقارعتهم للأحتلال البريطاني
المعدان هم عشائر الجنوب الأصلي الي منهم الشروكي

دمهم حار... عشكهم نار ...
.الشجاعه عدهم عاده
والمرجله عنوان
والعشك مثله ينضرب بيهم

فاذا صار العشك براس
معناها هذا عشك معدان

للتنويه اي شعر او ابوذيه او دارمي فهذا بقلمي

نبدي بلقصه

الشيخ ذياب: بعد سفرتي رجعت من بغداد ولكيت بسلف بجي ونواح وناس تركض
وصريخ طول ماامشي بسياره وصلت المنطقتنا
عين على ديوان ابوي اروحله لو
اروح البيتنا لان الباب مفتوح واهيس جن صاير
شي جايد شنهي الي صار والحصل
ذبيت مناظري بسياره ونزلت للمضيف بسرعه
لكيت والدي الشيخ ناصر كاعد اسلاحه يمه ومنتجي علحايط وبتعب وعيونه مدمعه

يمه جثة ولد مجطول و مدمى جن عرفته هذا عليوي شايفه اي هذا الي اجانا دخيل قبل اربع سنوات هو وحرمته
مصوب الدم تارس ثوبه وسلاحه بيده
تقربت علي خليت ايدي يم ركبته اجس نبضه
طلع ميت مابي روح كمت على رجلي وكفت كبال ابوي كتله شنهي بويه احجي
شصاير شحصل الزلمه ميت مابي نفس

دخل مالك يركض صديجي وزلمتي كلي شيخ
درو بيك مامش هني مسافر البغداد توني جيت
وهجمو علينا حراميه وصار سطو

ذياب:ولك اشتحجي شدكول شنهي حراميه بويه جاوب شكو طلعت اسلاحي من حزامي
باوعت الابويه كتله بويه رايحلهم ومايفكني
بس الموت شني يهجمون على سلفنا
وين الزلام الي مخليهم اروح جم يوم هيج يصير

اليوم احاسب الزلام واحد
واحد واحد واكيد اكو خاين عدنا والي اكظه
ارفسه برجلي وحط جٍيله ابطنه جاي اطلع ندهلي والدي

شيخ ناصر:اوكف ابني ذياب لا تستعجل بعد ابوك
حلفتك براسي ذول حراميه يعني ماعدهم كاع
ولابيت الي تندلهم غداره عرفوك بيك بطيت

ذياب:صكت اسناني بغظب ضاغط عليهم درت وجهي
ليش تحلفني وبراسك ادور بويه
هم يهابوني ويخافون بس أطلع لزلام السلف اكيد
اعرف الخاين
واعرف النذل الي يسوها ويهد علينا
بويه السلف عرض والعرض غالي

كضاني مالك اكعد شيخ
والدي صاح علي تعال اكعد خل انحلها هنا

ماتروح الا نتناقش بعد ابوك اكعد

ذياب:بويه شني نتناقش الدم بدم هذا حكم عشائري
وقانون مااغير لا اني ولا انت هذا الزلمه شنهو ذنبه مات
ماعنده اهل ماعنده حرمه منتظرته ماعنده بزر ام اب