الجشمـــــه

البارت الثالث

#الجشمه

                نازك الحمراني

ذياب:رجعت من الجشمه واني بالي اذا تحاجيني غيد
اكلها لان هي مو بس زوجه صديقه الي.. بس واذا زعلت
لا متزعل هي قبل سنتين ابنفسها جابتلي
وحده حتى اخطبها واني رفضت غيد تحبني
واني مااريد اجرحها بس رح احاجيها بموضوع
الاطفال افضل وصلت للبيت سلمت على الوالده
سالتها عن غيد كالت بغرفتها دخلت للغرفه اشلونك غيد

كالت هلا بشيخ خل احضرلك العشه كتلها لا
عندي حجي وياج أكعدي كعدت هي مقدمت الجربايه
واني جريت كرسي كعدت مقابيلها نزعت العكال والشماغ خذتهم مني كالت احجي شيخ ذياب

ذياب:شوفي يابنت عمي عندي كلام واريدج كون مزعلين اني اليوم من شفت
حرمة عليوي وطلعت من عدهاو قررت ازوجها
مو هسه انعجبت بيها لا اول ماسمعت صوتها وهسه شفتها بعد كلت اريد منج تخطبيلي قبل جنت ارفض
بس هسه من شفتها اقتنعت ازوج عدلت كعدتي
منتظر كلامها

غيد:فاجئتني ذياب بس شفت
اليوم لهفتك على طفل
من شلت بنتها وشفت أبوجهك شي مشايفته كًبل
شي خلاني أًكًول ذياب يحب الجهال
بس يكابر علمودي اكو غصه اي بس ماازعل تدري ليش

لأن من ماتو أهلي بلحادث أنت الي وكفتلي
وحتويتني وطلعتني من جو الحزن
وزوجتني وداريتني مثل الطفل ماخليتني

احس بليتم لان المراءه من شوف حنان
من زوجها واهتمام ماتحس بغياب الأهل
هيج انت ذياب
من لحو عليك اهلك يجبولك حرمه رفضتة
وسمعتك ادكلهم مو ذياب ليخلي غيد تحزن
ومو ذياب لان ماتخلف حرمته يزوج عليها

برغم حاسه بيك ماتحبني ولا يوم كلتلي احبج
بس هتمامك وحنيتك خلاني استصغر الحب
موافقه وابصملك بلعشره من غير زعل

ذياب:هوهذاالشي البيج يخليني ماافكر بزواج
اكول جائز مالكًه حرمه مثلج حوطت ايدي بوجهه
وحضنتها بس احس بداخلها حزن ها غيد هاي
دمعه طاحت علي كولي من هسه

كالت لا شيخ بس موهينه علي اكول هم هيج
راح تحضنها بس والله فرحت لأن هي ولاغيرها
اتلث مرات شفتها خوش حرمه مؤدبه
ومكسوره خاطر وهم احصل اجر لأن بناتها
يتامى وهي يرادلهن زلمه الهذا الوكت تدري ذياب

هي من حزنها على زوجها جانت حامل
وجابت ولد سبيعي رادته يعيش ماكو

ذياب:هي تحجي واني اكول
هيج كمر متعذبه
غيد رحتلها قبل فتره وسمعتها تلولي

كالت اي هو من صدمتها طرحته ومات
وحجيها كله شعر
ادكول صفى بيتي بلا زلم

لا اخو الينشد ولا أم
تبرو مني اهلي من صغر
وهسه ابني وزلمتي للموت عجلو

باجر اخطبها الك يله اتعشه
ذياب غيد تحجي واني بالي يم كًمر
جنها ترفض حرمه توه زلمتها مات
واني كلبي ستوني حبيت
بين جديد جرحها
وجديد عشكي شدبره ياربي