الجشمـــــه

البارت الثامن

ذياب:لفت غيد ايدي بلفاف وشاش
وبدلت وخليتها تمسد شعري علما نمت

نمت وطولت نومتي كعدت على صوت
الله أكبر اذان المغرب كعدت وين غيد
جانت يمي ماكو بلغرفه اكيد يم امي

طلعت توضيت وصليت ولبست رحت
يم امي وابوي بست راس امي وايد ابوي

شني غيد مامش يمكم وين راحت وشعجب
ماكالت من طلعت صاير شي
ام ذياب:لا طلعت يم صديقتها خطبتها
وتعرف هي بعد شيخه لازم تعرف نسوان
الديره شيردن اشمحتاجات واني وابوك
اطيناها الأذن
ذياب:هي من شوكت تطلع بلا اذني راحت وحدها شني

شيخ ناصر:شني وحدها وياها ام خضير
وام حامد صارلها فتره ماطالعه ومسويه
كعده النسوان الديره بعد هذا دورها
اساعدهن شبلاك وشنهي هاي ايدك مجروح وين

ام ذياب:اي ابني دحجي وين تعورت
واليوم شني الصياح العالي وتكسر
كاعده بره بلمزرعه وسمعت شبلاك يمه

ذياب:ماكو شي يمه بويه هيج واحد
نوبات يضوج اريد استكان جاي....راسي مصدع يمه
دخلت غيد كالت لا اني اسوي جاي

غيد:شلونك ارتاحيت ترى عفتك صارت
شغله ورادني نسوان الديره عدهن مشاكل
وحليت جٍم شغله واجيت سألت علي

ذياب:اول شي مكلتيلي وعاذرج هل مره بس لوميت
هم كعدني ومليلي رح اطلع
ثاني شي عفيه بحرمتي واكيد رفعتي راسي
وساعدتي النسوان متاكد منج
اريد جاي منج ولكًمه على سريع مستعجل

شيخ ناصر:شسويت على حرمتك الارمله
ذياب:الحمد الله شفتها اليوم وكعدت يمها
وبعدها حزين خلها على راحتها هسه بس اروح
الها طرشات كل يوم

ام ذياب:يمه مااريد أضوجك يعني حرمه
زلمتها ميت وبناتها ودوخه الا هيه
ماراهمه عليك ابني ونخاف تتعصب من نحجٍي

ذياب:يمه هل موضوع سدينا من زمان بعد هي
حرمتي ورادها هواي وذا أرمله حرام تزوج
يمه خلي بالكم اي كلمه على كًمر معناها علي

شيخ ناصر:ابني احنا ماندخل بحياتك بس
اني كبرت وحمل السلف والحلال عليك صار
عندك حرمتك مريضه ويراد لها وكت ومدارات

جبت الروحك تعب ثاني ترى هاي أم تعرف
شني أم وحرمه مجروحه رح تعبك
تعشكها ميخالف خليها الك انت شيخ يرادلك بزر
بس اخطبلك وحده تخلفلك ماورها تعب

ذياب:بويه انتم صار ست سنوات تلحون علي
أزوج وارفض لجل غيد واني غيد ازوجتها
لجلكم ولجل وعدت عمي وحرمته

واكتي كله للسلف الشي الوحيد الي ردته الي
من دون ماافكر لا للسلف ولا الكم هي كًمر

كمر هي الوحيده الي ردتها الروحي مو الاجل
شي ادري اتعب المهم فكرت بروحي هل مره
وختاريت الشي بأردتي خارج اطار(الشيخ والعشيره)