في منزل عبدالله المالكي
في الساعه 12 منتصف الليل جاء له اتصال ايقظه من نومه ف أخذ الهاتف للتراس حتي لايزعج زوجته ويوقظها من نومها
عبدالله: الو يا ... في اي
المجهول: حضرتك زى ما امرت زودت الحراسه عليكوا وخصوصا علي عشق الفكره هنا في عمار
عبدالله: خلص طيب في اي جديد في موضوعه
المجهول: للاسف عمار طلع من السجن من هنا وسافر ع روسيا وحاليا هو اتسند ع ناس كبيره ومافيا عالميه ويحاول يقوي شغله عشان ينزل السوق ومخططه الحالي والوحيد هو اكتساحك او بمعني اصح الانتقام منك وبالتالي مشترك ف صفقات كتير خارجه عن القانون وشكله كدا ناوى يرجع قريب ويخلص من اي اثر ليك انت وعيلتك عمار دا انسان مريض وتفكيره ممكن يوصل بيه لحاجات ممكن تفوق تصوراتنا ف احذر وخد بالك من كل اللي حواليك دا غير انه ليه شركه هنا ف امريكا اسمها sos تقريبا حاجه كدا هو عامل تمويه وممسكها لحد تاني بس هو اللي وراها يعني وشكله عايز يلعب معاك دا غير انك يُفضل يعني تاخد حذرك من الناس اللي معاك ف الشركه الام لإنه يعتبر مراقب تحركاتك ف السوق عن طريقهم
عبدالله بغموض: تمام .. اااه تقصد سالي يعني هه
المجهول: بالظبط
عبدالله: من غير ما تتكلم انا سايبها عندى عن قصد متقلقش و اغلق هاتفه
عبدالله بغموض :تمام اوى كدا اللعب بقا ع المكشوف يا عمار طول عمرك غبي وناسي اني حافظ دماغك ودايما هبقي سابقك بخطوه ..
أمسك هاتفه وضغط ع بعض الارقام
الرقم: ايوه
عبدالله: انا جايلك حالا
الرقم : تشرف
اخذ عبدالله مفاتيح سيارته وهاتفه وانطلق بها الي أحد المنازل ولم يكن سوى منزل سالم القناوي (محاميه وصديقه) ذهب إليه وخاضا محادثه طويله بعض الشيء ثم خرج من منزله وهو يبتسم ابتسامة نصر وعاد لمنزله لينعم بنوم هانئ وقد قرر أن يستمتع قدر الامكان بوجوده مع اسرته الدافئه استعدادا لما قد يحدث تاليا
*******
الناس اللي هتسأل الروايه عايزه اي من الاخر كدا
جماعه الروايه مش بس بتتكلم عن الرومانسية وقصة الحب الملحميه اللي هتحصل بين الابطال لا احنا هنا هنناقش برضو بعض المشكلات الاسريه اللي بتحصل والأخطاء الشائعة اللي بيقع فيها الاهل واللي بيترتب عليها بعد كدا مشاكل كتيير ممكن تحصل بين الأبناء مش هقدر اضمن إذا كنتوا هتحبوا الروايه ولا لا هي كدا كدا شبيهه بروايات كتير كنا قريناها كلنا قبل كدا بس اتمني تستمتعوا بيها معايا هنحل مع ابطالنا الالغاز اللي هتقابلهم وهنكتشف حقايق ..هنتصدم ف أشخاص مكناش نتوقعهم هنعيش مع ابطالنا ف أجواء الروايه هنحضر معاهم حزنهم وفرحهم وفي الاخر الله اعلم هل ممكن نلاقي النهايه اللي كلنا هنتوقعها ولا عكس توقعاتنا هو اللي هيحصل استنوا الفصول اللي جايه ومتزهقوش من الاحداث اللي ف الاول احنا يادوب لسه بنسخن♥️♥️♥️
أنت تقرأ
طفلة اوقعت الامبراطور
Romanceهو.. قاسي مغرور يعشق التملك من لا يهابه فهو امبراطور المعمار ولكن ها قد وقع في حب يعتبره مستحيل ف ماذا سيحدث ياتري! .... هي.. هادئه جميلة بريئة متواضعه كل من يراها يقع في حبها...
