نقاء قلوب3
ليان: بصو بسرعه..
محمد: فيي اي بتصوتي لي
ايه بصراخ: اااع يلهوووي
وقامت ايه بالوقوع إلي حضن محمد.. وقام محمد بابعادها عنه قائلا:
محمد:يااربي انتو بتصوتو لي فهمووني
ليان:صرصااار يا محمدد
محمد:ياارب دي اخرة اني اشتغل مع بنات يااارب
ايه:هه مالهم البنات يعني
محمد:انتِ معتبرة نفسك بنات؟؟!
ايه بغيظ:ايوا المفروض دِ اهانه يعني؟!
محمد: اللي تشوفيه بقا.
ليان بضيق:هتفضلو تتخانقو كدا انا راحه اكمل شغل اي داا !!
محمد:في اي يا ليان اضايقتِ لي؟؟
ليان:ما اضيقتش انا عاوزه اخلص شغل.
ايه بصوت منخفض:هه ماهي طبيعي تضايق مش حبيب القلب بيهزر مع غيرها
محمد:ياريت يا ايه تخلي في حدود في كلامك وتصارفاتك.
ايه: نعم..
ليان: مقاطعه ل اية ينفع نخلص بقا
محمد: انا هروح اشوف الزباين برا وانتو خلصو شغل هنا
ايه: في اي يا ليان اضايقتِ عشان بيكلم غيرك؟!
ليان: بصي يا اية انا مليش في الكلام دا تمام، وانا مضايقه عشان هو كدا مش بيهزر معاكي دا بيقلل منك وانا مرضهاش ليا ف مش هرضاها ليكي وانتِ بنت عمي بردو ف لو انتِ بقا ليكِ في الكلام دا انتِ حره بس نصيحتي ليكي بلاش بجد وافتكري «ولا تواعدهن سرًا» ، «واءتو البيوت من ابوابها» ربنا حرم دا بأيات واضحه وصريحه ف بلاش تروحي للطريق دا يا ايه وانا بنصحك عشان والله بتمنالك الخير حتي لو انتِ ما بتتمنليش دا، وانا لاحظت انك بتقربي منو وتمسكي ايدو وباين عادي عندك ف افكرك ان دا بردو حرام.
ايه: اه هتشتغليلي بقا شغل ست الشيخه دا!
ليان: انا مش شيخه انا بجاهد وعملت ذنوب كتير وانا مش ملاك بس ربنا قال «إن الله يغفر الذنوب جميعا» وانا بجاهد عشان ربنا يغفرلي.
ايه: الله ها اي تاني هتبرر بقا غيرتها والله ما هسيبهولك.
ليان: لا حول ولاقوة الابالله انا نصحتك وعملت اللي عليا بس صدقيني انا بتمنالك الخير لو حتي انتِ مش بتتمانيلي دا ولو هو خير ليكِ ربنا يجعلو من نصيبك
ايه: يارب انا راحه اساعد..
محمد: مقاطعا للحديث ممكن تجيبو الاوردر التاني لو خلص
ليان: اهو اتفضل
ايه: انت هنا من امتي
محمد: من شويه، استئذن اودي الاوردر
ايه: اه يبقا شوفتيه وقعدتي تشتغلي شغل ست الشيخه بتاعك دا بقا!!
ليان: ربنا يهديكِ ويهدنا ربنا اعلم بالنيات وانا كانت نيتي خير.
ايه: اوعي من وشي انتِ غيارة اوي وغيرانه مني
ليان: ربنا يهديكي يارب ويهديني
ايه: فكيني بقا من شغل الشيخه دا.
___________
في بيت والدة محمد
ريهام:يا ام مريم معلش اتصليلي علي محمد كدا(ريهام والدة محمد امرأة خمسينية حنونه زوجها ايضا كبير في السن ولا يقدر علي العمل ف يساعدهم ابنهم الوحيد"محمد")
ام مريم:لي يا ام محمد في حاجه كفانا الشر(ام مريم جارة محمد وعائلته)
ريهام:خير بس عاوزاه يجيبلي حاجه وهو جاي
ام مريم:حاجة ايه ي ام محمد
ريهام:لا إله إلاالله كلميهولي بس وهتسمعي
ام مريم:ماشي يختي انا بسأل بس يعني
ريهام:وانا مقولتش حاجه اتصليلي عليه بس عشان اكلمه قبل مايجي
ام مريم:بيرن اهو يختي،اهو رد خد كلم امك يا محمد
__
محمد:ايوا يا ماما في حاجه يا حبيبتي
ريهام:لا بس العلاج بتاع ابوك خلص ف لو معاك يا بني جيبهوله وانت جاي
محمد: ماشي يا امي انا هقبض النهاردة وكنت ناوي اجيبو اصلا في حاجه تاني محتاجاها اجبهالك وانا جاي؟
ريهام: لا والله يا بني احنا تاعبينك معانا
محمد: تعب ايه اللي انتِ بتتكلمي فيه يا امي، قوليلي محتاجه ايه اجيبو وانا جاي هو انا ليا غيركو ياأمي
ريهام: مش عاوزة حاجة يا بني خيرك انت مش مخلينا محتاجين
محمد: خير اي يا امي انا لحد دلوقتي عايش من خيركو وبركتكو ربنا ما يحرمني منكو ويخليكو ليا يارب
ريهام: ولا يحرمنا منك يا حبيبي، هقفل بقا دلوقتي معطلكش تيجي بالسلامه يا حبيبي
محمد: سلام يا أمي
ام مريم: ربنا يخليلك ابنك يا ام محمد مش الجحشه بنتِ ولا فارق معاها حاجه
ريهام: ربنا يخليهالك ويهديهالك يارب
ام مريم: يارب يا ام محمد يارب
ريهام: هي بس طايشه ومش عارفه حاجه بس بكرا ربنا يهديها ومفيش احن من البنات والله بس انتِ خليكِ صاحبتها
ام مريم: بعمل والله ولا بيجيب فايدة، كل اللي في دماغها عايزة اتجوز بقا
ريهام: ربنا يرزقها با ابن الحلال يارب
ام مريم: يارب ويبقا ذي محمد يا قادر يا كريم
ريهام: واحسن منو كمان يارب
ام مريم: وهو في احسن من محمد ربنا يحميه يارب
ريهام: يارب؛ بقولك يا ام مريم هروح بقا اشوف ابو محمد عشان تعبان ادعيلو يا حبيبتي
ام مريم: ربنا يشفيه يارب، هروح انا بقا
ريهام: يارب، مع السلامة يا حبيبتي
_______________
في بيت معاذ وخديجه
خديجه: يا ريتاااج
ريتاج: نعم يا ماما
خديجه: اختك ليان لسا مجتش؟
ريتاج: لا يا ماما
خديجه: طب اقعدي بقا اعملي واجبك عشان راحه مدرستك بكرا مفيش غيااب
ريتاج: ااه بطني يا ماما واجعااني انا راحه انام
خديجه: يا بنتي امتحاناتك قربت دا انتِ لسا ف اولي ابتدائي ذاكري بقا ربنا يهديكي
ريتاج: يعني ايه اولي ابتدائي يا ماما علفكرة بقا انا كبيرة اووي
خديجه بابتسامه: اه انتِ فعلا دماغك اكبر مني والله هه ربنا يحفظك يا قلب ماما
ريتاج: انا نفسي في حاجه حلوة يا ماما
خديجه: لما ليان تيجي هخليها تجيبلك يا حبيبتي، روحي افتحي الباب شكلها اختك جت اهي
حنان: امك جوا يا بت يا ريتاج؟(حنان زوجت احمد ووالدة ايه)
ريتاج: اه جوا يا طنط حنان
حنان: طب اقفلي الباب ورايا انا داخلالها
ريتاج: حاضر
حنان: يا ام ليااان
خديجه: ايوا مين
حنان: انا يا ام ليان تعالي
خديجه: حنان! اهلا وسهلا يا حبيبتي منورة
حنان: دا نورك يا حبيبتي
خديجه: خير يا ام ايه
حنان: خلصت شغل يختي وقاعدة تحت لوحدي قلت اطلع اساعدك
خديجه: حبيبتي منورة
حنان: تسلمي يا حبيبتي، هي الشاشة دي انتو جاينها جديد يا ام ليان
خديخه: ل..
ريتاج: مقاطعه لامها اه يا طنط شارينها جديد والسجادة دي كمان جديده
"وطبعا كلنا عارفين أي ام مصرية في اللحظه دي بتعمل مع بنتها اي وخديجه ظلت تغمز ل ريتاج لتصمت وريتاج لا حياة لمن تنادي"
حنان: ماشاءالله ماشاءالله بتجددو في شقتكم اهو ياختي
خديجه: دا بمرتب ليان والله ياختي مرتب ابوها مش بيعمل حاجه
حنان: اهو بنتك بتشتغل وتساعدكو مش السانيوره اشتغلت عشان بنت عمها
خديجه: بس مأهمله في مذاكرتها والله يا حبيبتي ادعيلها بقا
حنان: ما البت ايه ما بتفتحش كتاب بس دي بتنفع في حاجه علي الاقل
خديجه: ربنا يهديهم يارب
حنان: يارب يا ختي، ما توريني كشاكيلك وكتبك كدا يا ريتاج
ريتاج: ماما هتقرصني تاني
حنان: لي يا ختي لاكون هحسدكم ولا هحسدكم
خديجه: تحسدينا اي بس والله ما اعرف جايبه الكلام دا منين يا ختي قومي يا بنتي جيبي كشاكيلك لطنطك حنان
ريتاج: حاضر يا ماما
_________
في المطعم
محمد: ليان
ليان: ايوا يا محمد اتفضل؟
محمد: حفظتي الربع اللي اتفقنا عليه؟
ليان: ايوا حفظته
محمد: هتسمعي ولا اي؟
ليان: تمام اسمع دلوقتي؟
ايه مقاطعه للحديث: ربع اي؟
ليان: قبل ما انتِ تيجي كنت متفقه مع محمد ان يساعدني اني احفظ سورة البقرة عشان معدليش غيرها واختم.
ايه: طب وانا عاوزة احفظ
محمد: مفيش مشكله عادي هصحلكو ربع جديد او نفس الربع عشان ايه وتسمعو بقا المرة الجايه تمام يا ليان؟
ليان: مفيش مشاكل ماشي
ايه: تمام
وأثناء عملهم بدأ محمد بترتيل القران بصوته العذب وبعد انهائه من القراءة انتهو من عملهم....
ايه: يا ليان عشان نروح
ليان: اسبقيني وانا جايه اهو
ايه: تمام
محمد: ليان ممكن اتكلم معاكِ
ليان: اتفضل
محمد: هو انتِ مضايقه مني
ليان: لا ابدا لي؟!
محمد:ملاحظ انك معتيش بتتكلمي ذي الاول!
ليان:عشان احنا مفيش حاجه بينا غير شغل وبس
محمد:عشان كدا ولا علشان ايه!!
ليان:ايه ملهاش اي علاقة انا فعلا اللي تقريبا كنت متخطيه حدودي معاك اسفه جدا
محمد:ليان انتِ بتقولي اي ابدا والله انت بجد اكتر بنت محترمة شفتها ربنا يحفظك
ليان:يارب وإياك انا راحه عشان متأخرش علي ايه سلام
محمد: تمام
___
أمام المطعم
ليان: هي الناس ملمومه حوالين العربيه دي كدا لي.!
محمد: انتِ لسا هنا؟
ليان: مش عارفه ايه راحت فين ولقيت الناس ملمومه حوالين العربية اللي هناك دي ومش عارفه في اي؟
محمد: استني اشوف
ليان: تمام
محمد: اايهه، اية؟!......
____
انتظرو الفصل الرابع💚
لـ سهيلة رضا
أنت تقرأ
نقاء قلوب
Randomليلٌ جديد يأتي؛ ويأتي معهُ أحداث يومي المعتادة ويبدأُ أنينِ في الظهور وتبدأُ وسادتي في إمتصاصِ دموعِ المتساقطه وراء بعضها البعض ندمًا على عدم إستعدادي للقاءِ الله، ندمًا علي عدم إستعدادي لمروري بأي شئ أرغبُ به، ويمرُ الليل وأنا علي وجنتاي الدموعُ لم...
