ظلم الزمان

البارت 25

شِلك بيّه؟
وَطن مهجور ، دم يابس ، حِلم مبيوك
وبصدري كهف متروس ، بشخوط الرَحل عنّه
أظلم ، مِنفطر ، مَسكون..
ماضن وسطه تتهنه.

------------------------------------------

ملاك: ف طلعت نوال شالت من عدنا بس كون لا شالت زاد الحقدها عليا وكرها وامها بعد اكثر عشت ابجحيم اسود انوب هي اجرت بيت يم بيت اهلها قريب كامت يومي تجي تتامر او تتحكم ماشيل لو كشايه من الكاع اساعدني بيها تتعمد اتوصخ المكان انظيف وارجع انظف مره ثانيه  وشنو طابخه تاخذ نص الااكل وشيل نص الخبز هي بلقصد هجي تتصرف اتغثني وتريدني احجي خاطر اتهيني ودكول حتى من اجي خطار على بيت امي ملاك تتطردني اني ضليت مثل اليمشي على سجينه اشون مايدوس رجله تجرح واذا زلكت رجله بعد اكثر يتاذى...صبرك يانبي ايوب ليش هجي ربي سلطت عليا هاي الحيه انوب ايمان صارت هم مثلها تجي هم تاكل وتشرب وتشيل من الخبز الي اخبزه ومرات هم الااكل امها اشيلها مااكدر احجي عمه دكول اخذن شتريدن هذا بيتي ومن خيري ولي مايعجبه اكو حياطين يظرب راسه بلحايط اتسمعني اني روحي طلعت لا اكدر احجي وياهم يرحموني اشويه ولااكدر اشكي الااهلي لاان اعرف يطلكوني واكدر اعوف جهالي ذبيت ضيمي بلبجي اعيوني اتورم من البجي.