_شبعد بيه العمر وما تمر_
مثل ماي النهر خابط
يبالي شبيك ماتصفه
لـ عريان 💚
مساء الورد والياسمين 🌹🌹
__------بشيره بقلم زهره الرمان
واكفه ع ستاره السطح وتريد تشمر نفسها
وامي تحاجيها تغلط عليها
_عيفيني اريد اخلص منكم كولكم تكرهوني
صعد عمو كريم ووجهه اصفر صاير..
تشمرين نفسج تردين مو
العرك دسداس خالتج تحرك روحها وانتي تشمرين نفسج
يلا اشوف ولي
والكل يعيط
جدو بقى يصيح فضحتونه
ولج جدو تعالي يمي
. _ما ما اريد كم حرمتوني من امي
عمو ناطق يهدي بيها
عمو كريم يعيط يهددها إلى أن سحبته حبوبه كالتله معليك جدها وعمها يحاجونها
وهو بلحضه احسه كارهه ما اعرف شنو يحس من يكوللها اشمري نفسج
جدو كال كلكم انزلو
حبوبه سحبت عمو كريم وهو ما قبل بقى بباب السطح وشفايفه صايره بيضا وفاحط
واني نزلت لكن بقيت ع الدرج وعبير ووليد يبجون
صحتهم كولهم واخذتهم للحوش كالت امي وهي ع الدرج اجمعيهم انخرعو من العياط..
دخل عربيد بالمطبخ ويصيح وينهم وينهم
بملابسه العسكريه . اجه سلم امي ونورا واكفات شاف الوجوه مكلوبه وامي تبجي
_شكووو
_شاهين الحك غير الدبه تريد تشمر نفسها من السطح مو بعيد الشارع يتفلش
_شنو الموضوع ام اصيل
_والله الكل ع السطح هاي سهاد واكفه ع الستاره وتريد تشمر نفسها
شمر البيريه وركض بره
هذا شنو راح يفتح اديه يتلاكاها من السطح
_ولج انلصمي بشيره
_والله يمه اذا تلكاها عربيد مو بعيد ينمرد
يصير هريسه
وليد ركض ع الدرج وامي عاطت يمه تعال ولك هسه ينزلونها
روحي بشيره نزليه
ركضت اباوع عمو كاعد ومنتجي ع الحايط وجدو يحاجيها وهي تتشرط
_اريد امي ترجع وما نبقى يمكم. وجدو يرد اي اي
واني اباوع عليها
واشوف عربيد عمو ناطق يأشرله
وهو ع سطحهم وسحبها
ونزلها هي ضهرها لبيت جدو ابو جابر فما انتبهت
وجدو وعمو ياشروله سحبها ونزلها
اول ما نزلت
وكف عمو كريم وراح ملخها تملخ
خله شعرها بيده كوله ويدفر بيها
ويعيط
إلى أن سحبوها منه
ونزلتها حبوبه حبوبه حتى ثوبها شاگته من الخوف
شيلتها واگعه انقهرت نزلت حبوبه وجدو لازمين سهاد
وعمو كريم يمشي ع الدرج يريد ينزل ووراه عمو ناطق
سمعنا بس الطبه
وبحضن عمو ناطق
وعيطه عمو ناطق
_ولك خويه كريم
