#حاير بيك وحاير بيا وحاير بالناس التلوم
الفــركه مــحبس
والــصبر مــا ..
عــنده ايـ💔ـد..
مساء الورد والياسمين 🌹🌹
ما احس الا عمه علاهن كاعده كبالي
وايدها ع خدها
من شافت عيوني فتحن اجت تركض
_وج يوم شجرالج انتي فوك ضيمنا
بشيره عمه شتحسين
_عمه لكو شاهين
_وج صخام بوجهي ولج ليله كامله بس تحجين بشاهين وابوج انوب فوك راسج
اششش
_عمه فدوه بس كولي شاهين رجع ونزلت دموعي
عمه شاهين راح بعد ما يرجع
_اسم الله يمه نلكيه ان شاء الله
بقيت ساعتين وعيت والمغذي بيدي اجت طبيبه بعدها زغيره
فتحت عيوني وحركت ايدي وفحص ظغط وكذا
كالت يجي الاختصاص
ويكتبلها خروج لكن ضروري تلتزم بالعلاج
_ليش ما متت يا عمه وخلصت
المن عايشه وشنو شفت كعدت بقيت اعت بالمغذي. وفات عمو كريم عرفت ابوي من سمع اردد بأسم شاهين
تركنا وطلع
طلعوني عمه علاهن وعمو كريم
ناطق....
عمي وعئ وبقى يتوسل بابوي
_نجم شاهين أريده منك شاهين ابنك مو ابني وآنه مو خوش وشتفصل البس بس خله يرد
_مو لاجلك انه لا كعدت ولا راح اكعد لحد ما الكاه
بس لان شاهين ما يشبهكم ولا من طينتكم
ابوي كال ل نعيم ابقى يم عمك
وهو طلع صاحني رحت وياه
كال امشي اخذ سياره لبيت استاذ...صار
عضو مجلس المحافضه
الي صارت مشكله بسبب هم جابر وراها صار صديق لأبوي
وصلنا لبيته
واتصلو الحمايه
كالو طالع انتظروه
بقينا صار المغرب
_بويه خلينه نرجع ونجي بعدين
_لا بس هنا اتوضا رايح واصلي
وآنه هنا لحد ما يجي واشوفه
واحد من الحراس فوتنه بكرفان. وانطه لأبوي سجاده صلاه
صلى ابوي ويرفع ايده ويدعى ويبجي خايف ع شاهين حيل
اكثر من ساعتين وره المغرب يلا اجت السيارات
دخل ربع ساعه
ونادو بجهاز
اجانه واحد
وفوتنه
_اسف ابو رزاق هاي جيتي من محافظه.....
_انه الاسف بعدك تعبان وعندك التزامات
واجيتك
لكن مضطر الله يشهد لما أيست من كل باب يلا اجيتك
_وصلت ابشر البيدي الك ما اقصر. انت صاحب فضل
_الفضل لله
بدا ابوي يسولفله
بقى ساكت لآخر كلمه ابوي نطقها
_شوف ابو رزاق الموضوع مو سهل لكن مو مستحيل نلاكيه
لكن هو ما عنده اعداء ارتباط يعني
