✳ الجزء 317 ✳
♥غـــــفــــــــران علــــــــــــــي♥
🔥 هوس عشقك نار 🔥
✏ الفصل التاني ✏
⚡ حزن الجبابرة ⚡
🌸فاطمة الزهراء مبارك🌸
رجعو القصر كاملين جلسو مجموعين فرحانين الا غفران لي جلسات حداه و مابغاتش تمشي ليهم خلاوها على خاطرها حيدر حتى هو خرج و بقا جالس حداهم شوية يتجمع بعائلتو
سارة:جدو
حيدر:نعام
سارة:قالت ليا الميمة عندك مدينة هنا ديالك غير بوحدك
حيدر(دوز على ضهرها):ديال الناس ا بنتي
سارة:بغيت نمشي ليها
تيماء:مكرهناش ا جدو
غالي:معندك فين تمشي انت
تيماء(دورات راسها مخنزرة):علاش بسلامة
غالي:عترجعي المغرب قدامي
تيماء:في احلامك و زيدون مزال ما وليت مراتك لي تحكم فيا والله ا جدي منين جينا ما خرجنا نهار لي خرجنا فيه شي تخطف شي تضرب شي غبر
(شافت في اصلان): و شي كان كي نوح حتى سخف
نفس(تبسمات):خليهم ا عمي يمشيو ليها
عهد:ما فيها باس
غالي:الوليد تيماء معتمشيش
عهد(خنزر):حتى تكون ضارب عليها الكاغيط و ديك الساعة حكم كيف بغيتي باقة البنت على دمة الباها معندكش الحق تحكم فيها
نفس(كطل عليه بنص عين):ايييه
عهد:مالك
نفس:شوف انت نسيتي ايامك نفس سكتي نفس هداي نفس رصاي نفس عنهرسك نفس عنخرج عليك نفس كولي نفس حبسي نسيتي ولا نفكرك نهار رفيسة اش درتي ليا
عهد:حمد الله كون ما با علي الله يرحمو كان جالس معانا كون راني قلبت على ديلمك ديك الطبلة
نفس:حتى انا كنت في دار با ا عهد نسيتي شنو درتي ليا
شيماء(ضحكات):انا شاهدة بليمارة ضربتي نادر بالكاس الجبهة حتى سال دمو و تشاديتو انت و ياه
تيماء:ديك الندبة لي في جبهة بابا انت سبابها ا خالو
بيسان:انا مكنتش ولكن كان باك يستاهل ا بنتي
نفس:خليه خليه يطبقو على عباد الله
عهد؛عنعوج حسك
نفس:انت لي مشيتي غبرتي 3 سنين مخليني من موراك و نهار ترجع بلا ما تعلم
عهد:و شكون لي غير شافني قطع الشارع بلا عقل و جاية تعنق و استغفر الله
كلشي دار كراخ بضحك حيت فهمو قصدو و نفس خنزرات:متزيدش فيه نسيتي نهار لي هرستي عليا طبسيل
عهد:بلاتي انت لي هرستيه بليمارا كنتي هاربة من داركم
نفس:بغيت نرتاح ياك لقيتيني
عهد:كان خاصني نخليك تما يكالوك الدئاب على الله ديري عقلك
نفس:و ديك الساعة كون شفتي شكون يولد ليك جوج وليدات شهوة منهم و شكون تديك لروسيا باش يلاقيك ربي براجل بنتك
عهد:و كون كنت عارف علي عيكون راجل بنتي كون
نفس:كون كون اش
عهد:اصلا كانو عيتلاقاو ولكن فكرة يكون راجل بنتي لا ها هو خداها ليا نوارة داري شفتيها لا اذن فين هي راها حدا راجلها
سكتو بجوج و عهد صغر عينيه في نفس:درنا حتى عيينا و رجعنا نفس القضية
(شاف في غالي):نهار الوليدي ضرب عليها الكاغيط الله ينعل بو لي يدوي معاك حتى باها لا
نادر(كان داخل و سمع نگيرهم و هو ينطق): عندي بنت وحدة والله و ميبعد عليها ولدك و يخليها على خاطرها يا حتى نعگدها و نعيطها ليه الفم
تيماء(هزات راسها في باها و ضحكات):بابا كليتي العصا من عند خالو عهد
سارة:و كادب علينا قلتي لينا ديك الندبة من واحد المعركة هنا بسسسس
ضحكو عليه و جلسو فرحانين قولها و ضحك عليها قولها و ضحك عليها على براد اتاي و تقيطيقات ديالو اصلان كي شوف فيهم و ساكت فعلا لمة كتدوي القلب و تخليك تقطر بالمحبة
أنت تقرأ
هوس عشقك نار تتمة
Hành độngتتمة : البطل💪:راجل و نص عندو غير نيشان واخد من باه و جدو كلشي و كل صفات تجمعات فيه معدة صفة وحدة و هي الحب لكن منين عيزورو كيف عتكون و عتولي حياتو مع الاحداث عنعرفو البطلة: زوينة و رزينة لكن عتبغي شخص العلاج و هذه الحب لي عيغير حياتها لجحيم و هي في...
