✳ الجزء 318 ✳
♥غـــــفــــــــران علــــــــــــــي♥
🔥 هوس عشقك نار 🔥
✏ الفصل التاني ✏
⚡ حزن الجبابرة ⚡
🌸فاطمة الزهراء مبارك🌸
شادة في يديه و كدوز صباعها عليه و هو مغمض عينيه يرتاح تنهدات شوية حتى كتقفز من بلاصتها خلاه يحل عينيه على جهدهم و يشوف فيها
علي:مالك
غفران(عضات شفايفها):لا والو سمح ليا نوضتك
علي:كتخلعيني عليك بعض المرات
غفران:مخفتيش عليا حتى و انا مخطوفة
علي(هز يديه و دوزها على خدها):قالت ليا العصفورة هازة كتكوتة في كرشك
غفران(تبسمات بفرح):و مقالتش ليك جويجات
علي(تبسم):امممم زعمة
غفران:اه عندنا جوج بنيات ا علي
علي:مزيانة وحدة نقريها و وحدة نزوجها
غفران(خنزرات):عليي
علي:روح علي يانا
غفران:هذه 5 ايام ملقيتش شكون يدير ليا الخص بالليمون
علي:انا نصايبو ليك
غفران:عرفتي حتى واحد ما كي عرف يصايبو بنين قدك
علي:مزيان
غفران:احم حبيبي
علي(غمض عينيه و كي سمع ليها):ويي
غفران(تكات على يديه و هي جالسة في الكرسي):قلت لبابا هو و جدي يختارون سمية بنياتنا
علي(تبسم):بناتنا محظوظين
غفران(تبسمات بفرح):بصح
علي:طبعا محظوظين عندهم ام بحالك و ضروري كتفكر فيهم قبل ما يتزادو فخرهم في ديك الوقيتة ان جدودهم لي سماوهم ما بحالها حد
غفران:علي شكون سماني انا
علي(ضحك من قلبو حتى ضراتو ضربة): اوووهو
غفران:بشوية عليك
علي:الوليد هو لي سماك ولكن منين كانت الوليدة حاملة بغالي كانت كتقول غفران داكشي علاش
غفران:واش عارف ان ماما سماتك على جدي الله يرحمو
علي:عارف
غفران:بالمعزة ا علي فرحت بزاااف
علي:زعمة
غفران:امممم زعمة زعمة واااه
علي:أجي حدايا
غفران:لا غير خليك مرتاح
علي:غفرااااان
ناضت على سعدها و توجهات عندو حيد عليه الغطا و غطاها حداه قاس يديها لقاهم باردين خنزر فيها و هي عرفات راسها حنات قالبة شلاقمها
علي:بلا ما ندوي وقيلة ياك
غفران(هزات براسها)
علي(خشا يديها عندو يدفيهم ليها و كي دوز على كرشها):بنياتي حبيباتي ولاو عندي 3 المفشاة
غفران(شافت فيه):نطلبك طلب
علي:امري
غفران:متفشش بناتي بزاااف عافاك
علي:علاش
غفران:انا كبرت مفشة و لي حليت عليها فمي كتحظر حيت مريضة مبغيتش هذه الشي بغيت طريقة تربيتهم تكون مختالفة
علي:يكون خير ان شاء الله
غفران(حطات راسها على كتفو كتفوه): وليت نعاسة بزااف
علي:شش نعسي و رتاحي شدي راحتك
غفران(غمضات عينيها):واخا
بقا كي دوز على ضهرها حتى نعسات ليه و هو سرح بعقلو و ااااخ شحال ضارب الهم ليوم ولادتها
أنت تقرأ
هوس عشقك نار تتمة
Aksiتتمة : البطل💪:راجل و نص عندو غير نيشان واخد من باه و جدو كلشي و كل صفات تجمعات فيه معدة صفة وحدة و هي الحب لكن منين عيزورو كيف عتكون و عتولي حياتو مع الاحداث عنعرفو البطلة: زوينة و رزينة لكن عتبغي شخص العلاج و هذه الحب لي عيغير حياتها لجحيم و هي في...
